“Non se está a substituir a case totalidade do persoal ausente por vacacións, baixas, xubilacións e permisos”
A Mariña 5 de agosto de 2025. A Plataforma Sanitaria da Mariña denuncia “o descalabro que impera na práctica totalidade dos centros de saúde da comarca, onde case ningún/ha profesional, tanto médic@ como de enfermería están a ser substituídos cando se ausentan por vacacións, baixas, xubilación ou calquera permiso. Esta caótica situación está a provocar sobrecarga asistencial dos e das profesionais, que están a facer un sobreesforzo moi importante para tentar dar solución aos problemas de saúde tanto de residentes coma de persoas desprazadas. Dado que moitas veces asumen axendas desproporcionadamente elevadas e case incompatibles cunha atención de calidade ás persoas, estase a xenerar nelas unha enorme frustración por non poder desempeñar o traballo como deberan e correndo o risco de afectar á sua saúde mental, física e emocional”.
“As persoas usuarias están a sufrir, por outra banda, agardas nas súas citas de moitos días, da orde de quince, vinte ou máis, polo que se ven na obriga moitas de veces de acudir ao seguinte nivel asistencial, bastante mermado de persoal tamén, chegando a producir colapsos do mesmo”.
A práctica totalidade dos centros sanitarios están con plantillas moi mermadas
“Sumado ás eivas denunciadas desde antes do período estival e mesmo convocando concentracións en diversos puntos para poñer o foco do problema tan grave que ten a Mariña, este colectivo ven de saber que en Xove non haberá ningún/ha médic@ no seu centro ate finais de mes, xa que á xubilación non cuberta dunha das médicas súmase a ausencia da outra facultativa. Desde a Xerencia dan coma solución cubrir cinco días puntuais do mes unhas horas en quenda de mañá e tres días pola tarde. O resto de días derivan ao centro de saúde de Burela, xa sobrecargado polo persoal médico que non substitúen e sobrecargando tamén ao persoal de enfermería, que con tres persoas que estaban hoxe para os máis de dez mil habitantes, teñen que asumir os actos sanitarios derivados da atención médica desas persoas derivadas a Burela”.
“Desde o pasado mes de xullo o concello de Cervo quedou cunha soa facultativa para atender a todos os seus habitantes, despois de que rescindira o seu contrato o médico que atendía o consultorio de Cervo e que unha das médicas de San Cibrao collera vacacións. Neste mes de agosto a situación non variou porque colle vacacións a outra facultativa. Lembremos que o concello de Cervo ten unha poboación de catro mil habitantes ao que hai que sumar toda a poboación desprazada”.
“No centro de saúde de Ribadeo a situación tamén é pésima, malia fantasmada en prensa do conselleiro de sanidade e o alcalde; este último afirmaba textualmente -ata o de agora o que se está facendo é cubrindo todas as prazas de médicos que hai en Ribadeo, están cubertas , prevese entón unha boa situación asistencial-. A situación real en Ribadeo é que hai tres xubilacións non cubertas de médicas de familia, algunha desde hai máis dun ano. Para que pareza que está toda a plantilla ao completo o que fan cubrir algúns días, non todos, con médic@s que parchean a situación xa que a atención é puntual, non diaria, e con distintas persoas cada día, polo que a atención diaria e continuada non está garantida”.
Convocatoria de concentración en Viveiro
Desde a plataforma sanitaria “volvemos convocar concentración en Viveiro este xoves 7 de agosto ás 11:30 horas diante do centro de saúde, como estamos a facer desde hai uns meses, concentrándonos o primeiro e terceiro xoves de cada mes. Estas concentracións responden á situación de caos sanitario que está a vivir a localidade desde hai moito tempo e que se agrava no período estival, dada a gran afluencia de visitantes que ten a cidade. Para tentar calar o clamor social e que pareza que hai persoal suficiente o que ordenou a Xerencia foi o peche das quendas de tarde e tod@s @s profesionais pasaron ás quendas de mañá”. “Máis estamos lonxe de contar cos once profesionais de medicina de familia que ten que haber en Viveiro e dous pediatras, a maiores do persoal de enfermería que falta por vacacións e que non se está a substituir”- comenta a coordinadora do servizo.
“É por iso que chamamos a todas as veciñas e veciños de Viveiro, de localidades veciñas e de toda a Mariña para que acudan a esta concentración, pois temos que seguir denunciando a situación crítica da sanidade pública viveirense e da Mariña, xa que por moito que se prodigue a alcaldesa de Viveiro en fotos coa Xerencia, a atención sanitaria non está garantida mentras non estén os e as once médicas de familia e dous pediatras de xeito estable”- conclúen.
No acto impuxéronlles o birrete e entregáronlles diploma e orla. Despois cantaron unha canción para as familias asistentes. Houbo moitos aplausos e algunhas lágrimas de emoción.
A presidenta do Consello da Cultura Galega, Rosario Álvarez, destacou o carácter participativo da iniciativa, organizada xunto á Xunta e co apoio do Concello. O director xeral de Cultura, Anxo Lorenzo, puxo en valor o traballo colectivo e a implicación das novas xeracións. O concerto estivo dirixido por Maximino Zumalave, coa formación Hércules Brass e Rosa Aneiros como mantedora. Ademais, anunciouse que a próxima edición estará dedicada a Xosé Neira Vilas.
O vendedor da ONCE Daniel José López Legaspi foi quen levou a sorte ao municipio desde o seu posto de venda situado na Praza Maior.
Trátase dun programa de actividades para a infancia e a mocidade que se desenvolverá en xullo e agosto con propostas educativas, deportivas e culturais pensadas para facilitar a conciliación familiar. A oferta inclúe ludoteca, talleres creativos e tecnolóxicos, deporte, contacontos e eventos comunitarios como o Mercado Infantil Solidario ou o Carnaval de Verano. As inscricións realizaranse do 1 ao 15 de xuño no Concello, con prioridade para menores empadroados. O programa reforza o compromiso municipal co apoio ás familias e cun verán activo e accesible para a mocidade do concello.
A comunidade educativa convida especialmente a antigos alumnos, mestres e familias a participar nesta xornada de reencontros e lembranzas.
A festa incorporou unha mesa doce decorada con temática de faros e unha sesión de coctelería dedicada á elaboración de vermús. As persoas asistentes recibiron ademais un detalle conmemorativo: unha botella de aceite de oliva virxe extra de Oleonavas, en homenaxe ás raíces familiares do propietario. O evento incluíu numerosos sorteos grazas á colaboración de diferentes empresas, con premios como comidas en O Noso Lar, na Bodega de Ana ou no Restaurante Nito, ademais de licores, paletillas e circuítos termais. Para esta ocasión preparouse tamén unha carta especial con táboas de carne e instalouse un mural conmemorativo no local. O establecemento agradeceu a fidelidade da clientela e o apoio da veciñanza ao longo desta década, fundamentais para acadar este aniversario tan significativo.
Tras máis de vinte anos dedicada ao debuxo científico, expón desde 2013 e a súa pintura, definida pola crítica como expresiva, colorista e próxima ao surrealismo, chegou xa a numerosos países europeos e americanos. 
