Ribadeo, 1 de agosto de 2025. As instalacións do Real Club Náutico de Ribadeo acolleron a presentación da XXXV Semana Náutica, que terá lugar do 2 ao 17 de agosto. O acto contou coa participación do alcalde, Dani Vega.
O presidente do Real Club Náutico de Ribadeo, Pablo Fernández, agradeceu a colaboración de institucións como a Xunta de Galicia e o Concello ribadense, a de entidades como Acisa e a das empresas privadas, que un ano máis apoian esta cita veraniega. Fernández relatou o programa da XXXV Semana Náutica e anunciou que “o 23 de agosto terá lugar o trofeo en homenaxe a David Botín, coa que concluirán estas actividades de verán”.
A xefa da Área Provincial de Turismo en Lugo, Paloma Vázquez, aludiu á importancia que a náutica ten en Galicia, onde hai 73 portos náuticos e más de 10.700 amarres en Galicia: “esas cifras indican a importancia que ten para Turismo de Galicia, onde colaboramos na organización de diferentes eventos náuticos”.
A presidenta de Acisa, Carmen Cruzado, agradeceulle ao RCNR “o convite para participar na presentación desta cita e que conte con nós un ano máis como entidade colaboradora” e subliñou “o traballo desenvolvido polo Real Club Náutico de Ribadeo ao longo do ano e o que supón para a dinamización do porto e do tecido empresarial ribadense”.
O alcalde, Dani Vega, destacou que “a Semana Náutica xa é tradición en Ribadeo, ten unha longa historia que moitas persoas impulsaron, tanto este presidente como os anteriores así como todo o Real Club Náutico de Ribadeo, e iso marca unha diferenza como pobo. Ven de atrás, está presente e ten un relevo xeracional que quere seguir facendo cousas e que isto siga e iso é o realmente positivo”. E engadiu que “en todo ten que haber traxectoria e un horizonte claro”.
No acto de presentación da XXXV Semana Náutico participaron o presidente do RCNR, Pablo Fernández, o alcalde, Dani Vega, a xefa da Área Provincial de Turismo en Lugo, Paloma Vázquez, e a presidenta de Acisa, Carmen Cruzado.
Será na Praza da Pulida partir das 13:00 horas. Representarase o espectáculo ‘Moby Dick’, da Compañía Pedras de Cartón, e posteriormente os monicreques repartirán trípticos e tarxetas coa programación completa da Mostra polas rúas de Cariño. Asistirán a alcaldesa de Cariño, Ana María López, a concelleira de Cultura, Laura García, e demais membros da corporación municipal.
Esta cita, declarada Festa de Interese Turístico Nacional no ano 2019, celébrase durante esta fin de semana no municipio mariñán. Tras a inauguración e a lectura do pregón a cargo do burelés Juan Carlos Enríquez Casas, iniciouse a degustación de bonito que se serviu en diferentes elaboracións. A este acto tamén asistiu a Alcaldesa de Burela e Deputada Provincial, Carmela López Moreno, a Subdelegada do Goberno en Lugo, Isabel Rodríguez López, e o Alcalde de Trabada, Rubén García Freije, entre outras autoridades.
José Antonio Álvarez, participou este sábado na Festa do Percebe.
A alcaldesa Dolores García Caramés estivo este xoves compartindo un fermoso momento coas persoas usuarias do Centro de Día Residencia, con motivo da celebración do Día dos Avós. Unha xornada chea de agarimo, recoñecemeento e gratitude cara aos nosos maiores, piares fundamentais da nosa sociedade.
O festival programa unha vintena de actuacións de diferentes estilos musicais, mesturando grupos consolidados con outros emerxentes da escena galega e nacional. Están confirmados artistas como Baiuca, Viva Suecia, Siloé, Marlena ou Grande Osso, entre outros. Arias felicitou á asociación cultural Fanto Fantini por “presentar un ano máis un gran cartel, que vén a completar a oferta cultural e turística da comarca da Mariña e contribúe a consolidar a provincia como un dos territorios con máis e mellores festivais de música alternativos”.
Será o martes, 6 de agosto ás 18:30 h. Nesta ocasión, a relatora Ana Filgueiras, arqueóloga e antropóloga, falará sobre estas construcións tradicionais galegas que, alén do seu uso agrícola, agochan significados simbólicos e culturais de gran valor. Filgueiras colabora con universidades e institucións na investigación e difusión do patrimonio inmaterial en Galicia, Portugal, Francia e Suíza. O seu traballo céntrase especialmente nas tradicións, os nomes de lugar e as antigas demarcacións territoriais.
As crianzas da escola infantil municipal de Cervo acompañadas das súas familias e do persoal do centro, gozaron dunha xornada inesquecible en contacto coa natureza. Montaron a cabalo, plantaron, fixeron pan, visitaron aos animais da granxa (galiñas, coellos, cabras…) e mesmo os alimentaron. Para rematar, compartiron un delicioso picnic todos/as xuntos/as. Un día cheo de aprendizaxes, convivencia e moita alegría, onde crianzas e familias compartiron experiencias e reforzaron os lazos da nosa comunidade educativa.
