Anna Sydorenko chega a Burela con “fame de xogo e de gol” 

A ala ucraína, procedente do Teldeportivo, incorporarase á plantilla de Belén Feal o día 15

Burela, 13 de agosto, 2025. Anna Stanislavivna Sydorenko (Krivoy Rog, Ucrania – 26.09.1995), incorporarase ao plantel burelense o día 15 na súa chegada ao pobo mariñán. O ala ucraína procedente do Teldeportivo aportará velocidade, destreza e regate á plantilla da técnica ferrolá Belén Feal.

Jugadora internacional coa selección ucraína, Anna Sydorenko, viaxou e pasou por todos os formatos futbolísticos, desde o fútbol campo, a fútbol praia, pero maiormente ao fútbol sala, dando os seus primeiros pasos no FC Penuel, en fútbol campo, e estreándose en fútbol sala no Belichanka, pasando polo Tolna-Mözs (Hungría), o WFC Tesla e volvendo a fútbol campo co FK Zhytlobud nas tempadas 19/20 e 20/21. Na 21/22 volve ao futsal fichando polo MFC Normanochka (Rusia) e ingresando posteriormente no Rekord Bielsko-Biala Feminino (Polonia). A pasada tempada 24/25 vén a España co Gran Canaria Teldeportivo.

Para a ucraína o noso club é unha boa aposta para esta tempada, “Burela sempre foi un exemplo de como debe ser o fútbol sala feminino: un equipo moi forte, sempre en boca da xente e con títulos de campión ás súas costas. Para min será unha experiencia moi interesante, xa que creo que, en primeiro lugar, conta cunha sólida base técnica, e será interesante observar o proceso de formación dun equipo que foi múltiple campión”.

Afrontando o novo curso con ilusión, “sinto forza e fame de xogo e de gol. Quero aproveitar a oportunidade de poder ter unha vida centrada no futsal, creo que será unha tempada interesante”.

Con ganas de conseguir logros, “pola miña banda serei o máis produtiva posible para que xuntas podamos lograr vitorias e ser máis fortes cada día. Por suposto, sempre pensando no obxectivo final: o campionato ligueiro, a miña mente e accións estarán dirixidos de cara a iso” e de formar parte da nosa Familia Laranxa, “tras coincidir nun partido, sorprendeume gratamente a cálida benvida e o apoio do club. Sentín que jugadorxs e aficionadxs eran unha gran familia. Foi un pracer xogar nestas bancadas”.