Unha das novidades deste ano será a colaboración do Resurrection Fest
Viveiro, 6 de agosto de 2025. O Concello de Viveiro deu a coñecer a programación completa das Festas Patronais 2025, que se desenvolverán entre o 6 e o 21 de agosto cunha ampla variedade de actividades musicais, culturais, deportivas e sociais. Un dos principais atractivos deste ano será a colaboración do Resurrection Fest, que achegará o espírito do festival internacional á programación oficial das festas coa celebración de dous concertos na Praza Maior. Serán o 13 de agosto: «Not Yet», ás 22.00, e «No Fun At All», ás 23.15 horas.
A programación musical abrangue propostas para todos os públicos, desde verbenas con orquestras populares coma Suavecito, SuperTop ou Escaparate, ata concertos de artistas recoñecidos como Azúcar Moreno ou dos viveirenses A Trova da Mariña, Dúo Vivarium e Escolma. Tamén se celebrarán citas destacadas como o XXXIX Festival de Música Coral, organizado pola Coral Polifónica de Viveiro, e o XII Festival Bal y Gay, que traerá ao Teatro Pastor Díaz un recital a cargo de Borja Quiza, Andrea Rey e Javier Carmena.
As festas manterán as tradicións máis arraigadas, como os pasarrúas de xigantes e cabezudos, acompañados do grupo Bágoas da Terra, sesións vermú con grupos locais, presentacións de libros, proxeccións fotográficas, espectáculos de maxia e teatro, e o Pregón das Festas, que terá lugar o día 14 de agosto ás 19.30 horas na Praza Maior, a cargo do fillo predilecto e atleta olímpico Adrián Ben.
Subida ao Monte San Roque
Un dos actos máis emblemáticos das Festas Patronais terá lugar o sábado 16 de agosto: a tradicional subida ao monte San Roque. No alto, a misa dará comezo ás 10.00 horas na capela de San Roque coa participación do grupo Bágoas da Terra.
Este ano tamén se porá o foco na inclusión cun Día da Cativada, o 18 de agosto, no que se ofrecerá un espazo accesible e adaptado a nenos e nenas con diversidade funcional, con actividades sen música e sen colas entre as 17.00 e as 18.00 nos Xardíns Noriega Varela. Haberá ademais contacontos, xogos tradicionais, obradoiros e actividades para a infancia en distintos puntos da vila.
A programación cultural complétase coa Feira do Libro (do 12 ao 15 de agosto), a Feira de Artesanía (do 8 ao 17 e a exposición da Mostra Folklórica Popular Internacional de Viveiro, que este ano contará con delegacións de distintos países (do 5 ao 10). Tamén haberá espazos gastronómicos como a sardiñada popular do día 17 e eventos participativos como a ruta en kayak ou o xantar veciñal en Portochao.
No ámbito deportivo celebraranse varios torneos de fútbol, como o Memorial Tarrío ou o Trofeo Cidade de Viveiro, así como o XLVII Trofeo de Tiro Olímpico Concello de Viveiro, unha exhibición do Club Ximnasia Viveiro e a V Regata Provincial de Piragüismo.
A alcaldesa Mariña Gueimunde valorou de forma moi positiva o traballo realizado pola organización e o espírito inclusivo das festas: «Con estas Festas Patronais queremos construír un Viveiro aberto, diverso e dinámico, que conserve a súa identidade cultural pero que tamén mire cara ao futuro. Apostamos por unha programación ampla, que atenda os gustos e necesidades de toda a veciñanza, sen esquecer o público máis novo nin as persoas con diversidade funcional. A colaboración co Resurrection Fest simboliza esa vontade de conectar distintas sensibilidades e de aproveitar o noso potencial como referente cultural e turístico. Agradecemos a implicación de todas as entidades e colectivos que fan posibles estas festas, que desexamos que sexan un tempo de encontro, alegría e participación para todas e todos».
As Festas Patronais están organizadas polo Concello de Viveiro e a Comisión Viveiro en Festas, coa colaboración de distintas asociacións culturais, deportivas e sociais da vila. A programación completa está dispoñible nos espazos municipais e nas redes oficiais do Concello.
A iniciativa busca poñer en valor a diversidade cultural do municipio a través da gastronomía, convidando ás persoas de diferentes países a elaborar pratos típicos que se ofrecerán de forma gratuíta ao público. O Concello asumirá o custo dos ingredientes e asignará a cada participante un posto identificado co seu país de orixe. As inscricións poden realizarse ata o 29 de xullo enviando un correo a feiras@vilalba.es. Rouco chamou á participación para seguir construíndo unha Vilalba aberta e integradora, nunha feira que quere consolidarse como espazo de convivencia e dinamización da feira tradicional.
Ata o 4 de agosto poderán realizarse as renovacións, mantendo as tarifas aprobadas en asemblea: 200 € e 250 € para adultos, e acceso gratuíto para menores grazas ao convenio coa Fundación Imdecum, con opción voluntaria de abono infantil por 40 € con reserva de asento. A partir do 5 de agosto activaranse as novas altas. Os abonos poderán tramitarse a través de CLUBER ou presencialmente na oficina do club, con horario de mañá e tarde en xullo e só de mañá en agosto.
A Presidenta Carmela López destacou o valor deste produto emblemático da Mariña e o traballo do sector pesqueiro. Rocío Rivera e Herminia Pernas puxeron en valor a tradición mariñeira de Burela e o papel dos mariñeiros da Moncloa. O público degustou 450 tapas elaboradas con bonito nunha xornada que serviu de escaparate desta cita gastronómica e de convite a visitar Burela a próxima fin de semana.
As crianzas desfrutaron dunha refrescante xornada con inchables e xogos acuáticos na contorna do complexo deportivo da Veiga.
O campo de fútbol do Cascabeiro acolleu o pasado sábado a III Festa do Mexillón, organizada polo Celta Barreiros. Centos de persoas achegáronse a gozar dunha tarde de gastronomía e de música. En total foron servidas 670 racións entre veciñanza e visitantes, que saborearon mexillóns e lacón. Os organizadores amosasen satisfeitos da acollida: “estamos contentos pola boa resposta dos asistentes”. E tiveron palabras de agradecemento “para os Concellos de Barreiros e de Foz pola boa colaboración”.
Familias, amizades e persoas de todas as idades viviron cada xogada e cada aplauso, evidenciando que o fútbol é tamén unha oportunidade para fortalecer a convivencia e a unión da veciñanza. O municipio felicitou á Selección Española polo seu título mundial, un éxito histórico que fixo vibrar a toda a comunidade.
Trátase dunha mostra de 28 fotografías de gran formato do naturalista Ezequiel Martínez que reivindica a diversidade e a conservación da fauna salvaxe. A iniciativa, organizada polo Concello da Pastoriza en colaboración con ABANCA e Afundación dentro do proxecto Corrente cultural, poderá visitarse de balde ata o 26 de agosto. As imaxes, acompañadas de textos divulgativos elaborados por especialistas de Naturnova, amosan especies emblemáticas como o oso pardo, a cegoña, o cervo ou a aguia imperial, convidando a reflexionar sobre a importancia de protexer o patrimonio natural.
