Cariño, 22 de agosto, 2025. O Concello de Cariño xa ten todo listo para a celebración das tradicionais Festas de San Bartolo, unha das citas máis esperadas do verán no Ortegal. A programación desenvolverase entre o sábado 23 e o martes 26 de agosto, cun amplo cartel que combina tradición e música para todos os públicos.
A festa arrincará o sábado 23 coa primeira gran verbena, a cargo dos Españoles e Disco Móbil Party, que marcarán o inicio de catro días de celebración. O domingo 24 terá lugar o tradicional pasarrúas coa Banda de Gaitas de San Xiao do Trebo e a Danza de Arcos de Cariño, seguido da misa solemne e a procesión en honra a San Bartolo, que contará coa participación da Banda de Cornetas e Tambores ‘Nuestro Padre Jesús Nazareno’ de Ferrol, ademais da Danza de Arcos e a Banda de Gaitas de San Xiao do Trebo. A xornada pecharase cunha animada verbena protagonizada por Atenas e DJ Brunokavi (DJ residente en Sala Coliseo).
O luns 25 continuará a programación cun novo pasarrúas a cargo da Banda de Gaitas do Ortegal e a Danza de Arcos Infantil de Cariño, que tamén estarán presentes na misa do día. Pola tarde, a música do Dúo Dcache animará a sesión vermú antes de dar paso a un dos momentos máis esperados das festas: o Entroido de Verán. O desfile de disfraces percorrerá as rúas ao ritmo da Batería do Cariño e culminará na Praza Roxa coa actuación de DJ Chocolate, que repetirá pola noite na verbena acompañado por Metrópolis.
Finalmente, o martes 26 celebrarase o último pasarrúas, coa Banda de Gaitas do Ortegal, e a tradicional Xira Campestre, amenizada polo Dúo Delux. Como broche de ouro, orquéstraa Galaxia será a encargada de despedir as Festas de San Bartolo 2025 cunha gran verbena.
O Concello de Cariño convida a veciños, veciñas e visitantes a participar nunha das celebracións máis emblemáticas do municipio con responsabilidade.
O delegado territorial da Xunta en Lugo participou este martes nos actos programados con motivo da festividade da Patroa de Ribadeo, Santa María do Campo.
Destacou o apoio da Deputación ao sector primario a través da Granxa Gayoso Castro, centro de referencia en recría, formación e innovación. O evento, organizado pola Asociación Pura Raza Cabalo Galego, incluíu o concurso morfolóxico de distintas categorías —ponis, cabalos do país, cruzados, percheróns, Pura Raza Galega e andadura serrada e chapeada— e unha exhibición de doma de alta escola con eguas de pura raza galega.
Nesta ocasión, a homenaxeada foi a de Román. Tras unha recepción ás portas do concello, a veciñanza da parroquia desprazouse a pé ata a Igrexa de Santa María co grupo tradicional Cerna de Árbol. Na misa, cantada pola Coral Polifónica Vilalbesa, realizáronse as ofrendas e púxose en valor a tradición “dos canteiros e os traballos en pedra” en Román, unha parroquia cun destacado patrimonio histórico e cultural. Tras a celebración na igrexa, os veciños e veciñas de Román compartiron uns pinchos de fraternidade no Centro Cultural.
A celebración estivo organizada pola asociación cultural Ourofest coa colaboración do Concello do Valadouro e contou co apoio do Goberno galego. Villares participou na celebración litúrxica, que contou coa actuación do coro da Escola de Música ‘Ao Compás do Río Ouro’, e compartiu coa veciñanza esta xornada festiva de especial arraigo na localidade.
O corte afectará ao tramo que vai desde o principio da vía ata o punto quilométrico 0,900. Para facilitar a execución das obras, será necesario que non haxa vehículos estacionados nese treito. Os traballos, executados pola empresa Jose No Mantiñan E Hijos Construcciones, S.A., forman parte dun proxecto conxunto para a mellora e acondicionamento de varias estradas provinciais no municipio de Xove, cun investimento total superior aos 800.000 euros.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
Daniel García reafirmou o apoio ao festival, que conta cunha colaboración estable e continuada da Vicepresidencia provincial desde a primeira edición e valorou "o impulso que a Asociación Fanto Fantini lle dá ano a ano ao festival, cun programa que vai máis alá do cartel musical e que profundiza na súa identificación e o seu vínculo con Burela e coa Mariña". A Vicepresidencia da Deputación achega 25.000 euros ao patricinio desta edición do Osa do Mar.
