A Xunta completará este ano o equipamento da nave de preparación e envasado de produtos pesqueiros de Celeiro, no marco do proxecto de modernización destas instalacións, dotado con máis de 1,1M€
A Mariña, 8 de agosto do 2025. A conselleira do Mar, Marta Villaverde, mantivo este venres unha intensa axenda de traballo co sector marítimo-pesqueiro da Mariña, co fin de analizar o apoio da Xunta e de seguir impulsando a competitividade e sostibilidade da actividade que desenvolven os principais portos da comarca, tanto en termos de profesionalización como de comercialización.
Deste xeito, a dirixente autonómica adiantou que o seu departamento completará este ano o equipamento da nave de preparación e envasado de produtos pesqueiros do porto de Celeiro, cuxos traballos de mellora e acondicionamento remataron a finais de 2024. As dúas actuacións, equipamento e mellora, enmárcanse no proxecto global de modernización destas instalacións, dotado con máis de 1,1 millóns de euros, e cofinanciado polo Fondo Europeo Marítimo, de Pesca e de Acuicultura (Fempa).
A actuación referida por Villaverde permitirá a adquisición de diversos equipos para facilitar o desenvolvemento do traballo na mesma, e súmase aos executados (acondicionamento de aseos, vestiarios, paredes e a redistribución de salas), contribuíndo con elo a por en valor estas instalacións de procesado de peixe que son únicas na contorna.
Xuntanzas de traballo en Burela
Previamente, a conselleira desprazouse ata o municipio burelés, onde se reuniu coa confraría de pescadores, a OPP-7 e con Armadores de Burela S.A (ABSA). No primeiro dos casos, abordaron as axudas Fempa concedidas desde 2023 por valor de máis de 3,2 millóns de euros, e que permitiron, entre outras actuacións, a renovación da nave de redeiras. Hai uns meses, lembrou Villaverde, Portos de Galicia tamén concedeu ao pósito a autorización administrativa para a xestión da nave de arrastre, un acordo clave para operatividade do sector pesqueiro deste porto lucense; e, en días pasados, o mesmo ente público outorgoulle a concesión para uso do edificio da sede por cincuenta anos cunha bonificación do 90%.
As conversas coa sociedade de armadores e a OPP centráronse nos retos que debe afrontar o sector, e que pasan por un reforma da Política Pesqueira Común (PPC) que se adapte ás súas necesidades, o apoio indiscutible da Xunta ante a sentenza do Tribunal de Xustiza Europeo ás 87 vedas, así como en trazar novas alianzas para o aproveitamento dos plans de produción, a formación e o relevo xeracional, e aumentar a competividade da lonxa. Esta rula poxou o pasado ano 11,6 millóns de quilos, alcanzando un volume de negocio superior aos 58 millóns de euros, converténdose, en consecuencia, na cuarta de Galicia co maior movemento produtivo e económico. Tan só foi superada por Vigo, A Coruña e Ribeira.
A flota de ABSA está composta por 47 barcos pertencentes a diferentes censos e modalidades, que achegan o 54% da actividade. No ano 2024 operaron na lonxa 281 buques procedentes de ata 62 portos diferentes, destacando a frota de artes menores (95 barcos), cerco (68) e Gran Sol (36).
Iniciouse ás 15.30 horas deste martes e segundo as últimas estimacións, supera as 120 hectáreas. Para a súa extinción mobilizáronse, ata o momento, 6 técnicos, 37 axentes, 47 brigadas, 51 motobombas, 3 pas, 7 helicópteros e 8 avións. Tamén Na Fonsagrada está xa controlado desde as 21.30 de onte xoves o incendio rexistrado neste mesmo municipio da Fonsagrada, parroquia de Cereixido, que segundo as últimas estimacións provisionais afecta arredor de 20 hectáreas. Este lume iniciouse o mércores ás 13.07 e, para a súa extinción mobilizáronse, ata o momento, 2 técnicos, 12 axentes, 17 brigadas, 18 motobombas, 3 pas, 5 helicópteros e 5 avións. Nas Pontes está controlado desde as 10.20 horas deste venres o incendio forestal na parroquia do Freixo, que segundo as últimas estimacións rolda as 20 hectáreas. O lume iniciouse ás 22.03 horas do mércores e, polo de agora, mobilizáronse para a súa extinción 14 axentes, 22 brigadas, 17 motobombas, 1 pa e 1 helicóptero.
Apenas uns minutos despois das 10 deste venres o 112 Galicia deu curso a unha chamada de alerta por accidente en Lourenzá. Tratábase dun camión que se saíu da vía e foi parar a un pequeno regato apenas sen auga. Sen embargo, o único condutor do vehículo quedou atrapado no interior e necesitou a axuda dos Bombeiros de Barreiros. Cando puido ser liberado, recibiu asistencia médica por parte dunha dotación de Urxencias Sanitarias de Galicia-061 desprazada no lugar dos feitos. Foi a chamada ao 112 dunha persoa particular o que permitiu activar o operativo. Os axentes de Garda Civil de Tráfico, os membros do GES da Pontenova e os voluntarios de Protección Civil da localidade sumáronse a bombeiros e sanitarios para unha áxil atención do ferido e para comprobar o bo estado do regato, libre de verteduras.
Este novo exemplar inclúe 340 páxinas con ata 13 artigos dedicados á figura feminina na comarca, poñendo en valor o seu papel ao longo da historia e na actualidade. O acto, que terá lugar ás 20:00 horas, contará coa participación Xosé Lois Armada, científico do Incipit CSIC; Hixinio Puente, escritor, investigador e cronista de Mañón; Isabel Vigo, técnica do Museo do Pobo Galego; e Xosé María Torres, directivo de Terras do Ortegal.
Disputárono R.C. Deportivo e Real Oviedo con vitoria galega por 2-1. Contou tamén coa asistencia do delegado territorial da Xunta en Lugo, Javier Arias.
Esta semana as crianzas sorprenderon cunhas fermosas manualidades mariñas. Traballaron con moita ilusión para crear estes snorkels tan orixinais, cheos de cor e detalles. A actividade non só fomentou a súa creatividade, senón tamén o traballo en equipo e a diversión nun ambiente seguro e educativo.
A Pomba do Arco organiza o xoves 14 de agosto ás 20:30 hora no Cenima de Foz a presentación do libro de Martín Fernández Vizoso, Memoria de Mariñas, que recolle 75 traballos sobre a emigración da Mariña ao continente americano. Martín Fernández Vizoso achegará na súa intervención 13 investigación sobre emigrantes focegos en Arxentina Cuba ou Filipinas. As mesmas permiten reconstruír unha parte descoñecida da diáspora focega. Fernández Vizoso, xornalista e investigador, é veciño de Cangas e autor dunha amplía bibliografía sobre a historia da comarca da Mariña, á que xa ten dedicada catro volumes e centos de artigos en diversas publicacións
