Ribadeo, 26 de setembro de 2025. Nas últimas horas tiveron lugar en Ribadeo novas reunións da Mesa Interinstitucional contra a Violencia de Xénero e do Consello Municipal das Mulleres, dous espazos fundamentais de coordinación e participación que traballan pola igualdade e contra a violencia machista neste concello.
Durante a sesión fíxose balance das actividades desenvoltas pola Área de Igualdade no último trimestre, e avanzouse tamén a programación prevista para os próximos meses. Entre elas destacan as accións dirixidas aos centros educativos, así como actividades enmarcadas no programa de autocoidado e benestar das mulleres, como as sesións de risoterapia ou a excursión ao balneario.
Na parte final da Mesa, as técnicas do Centro de Información á Muller (CIM) reuníronse cos Corpos e Forzas de Seguridade do Estado, co obxectivo de avaliar e facer seguimento dos casos de violencia de xénero activos en Ribadeo, prestando unha especial atención a aqueles nos que os agresores teñen orde de afastamento.
A concelleira de Igualdade, Begoña Sanjurjo, subliña “a importancia de manter vivos e visibilizar estes dous espazos –a Mesa Interinstitucional e o Consello Municipal das Mulleres– como ferramentas clave para a prevención, a atención e a loita contra a violencia machista, e como lugar de encontro para reforzar o compromiso colectivo coa igualdade”.
Ocorreu pasadas as 15:30 horas. Un traballador tivo que ser evacuado ao hospital logo de caerlle o tronco dunha árbore enriba mentres realizaba tarefas no monte en Cervo. Aínda que estaba liberado e consciente, precisaba asistencia sanitaria. Os profesionais de Urxencias Sanitarias de Galicia-061 trasladárono finalmente ao Hospital de Burela. Neste operativo tamén participaron a Garda Civil e a Policía Local de Cervo.
Subliñou o traballo colectivo, o papel do voluntariado e a participación de arredor de mil corredores. Tamén puxo en valor o impacto económico e social da proba e o apoio institucional que permite o seu crecemento, incluída a difusión en streaming que levou a CAMOVI e a Viveiro a todo o mundo.
O presidente, José Manuel Gómez Puente, destacou o bo tempo e o reencontro do grupo nun percorrido de 22 km entre Pedrafita e Triacastela. A próxima etapa será o 1 de maio, entre Triacastela e Sarria, e xa está aberta a inscrición no teléfono 623 22 68 25.
Ás doce en punto, tres foguetes —un por cada palabra do nome oficial— foron lanzados desde O Castrodouro, capital histórica do termo municipal e orixe da localidade, pois alí, hai 806 anos, Afonso IX concedeu o título de vila e todo un distrito que administrar; episodio histórico do que deriva o nome do concello. Os veciños reunidos mostraron a súa satisfacción pola recuperación da denominación histórica, afirmando moitos deles que nunca deixaran de empregar o nome completo. Do mesmo xeito, os maiores agradeceron aos impulsores da iniciativa a restitución do topónimo que a historia legou ao municipio alfocés.
Viveiro, 20 de abril, 2026. A proba volveu converter Viveiro nun punto destacado do deporte e da convivencia, ademais de supoñer un impulso económico para o municipio. María Loureiro destacou que a Camovi “é un exemplo de colaboración e esforzo colectivo, que sitúa Viveiro no mapa e dinamiza a economía local”. O Partido Socialista lembra o seu apoio histórico á carreira e reafirma o seu compromiso para seguir contribuíndo ao seu crecemento. O PSOE agradece tamén á veciñanza a súa acollida e implicación, fundamentais para que o evento continúe medrando ano tras ano.
Castro destacou o labor da Asociación e o potencial da tradición do ferro como motor económico, social e cultural para Riotorto, subliñando a importancia de impulsar iniciativas que garantan futuro para estes oficios. A Deputación de Lugo mantén unha colaboración estable coa entidade, cunha achega de 14.000 euros. No marco deste apoio, a Asociación avanzou na documentación dos oficios do ferro, catalogando ferramentas, técnicas e a historia das antigas “ferrerías de monte”.
O responsable provincial destacou "o traballo realizado pola organización ao longo destes anos para consolidar unha proba deportiva de primeiro nivel, que atrae tanto deportistas do máximo nivel competitivo como participación popular"
