Na sesión plenaria celebrada onte debateuse unha moción do PSOE sobre este asunto, que foi rexeitada cos votos en contra do PP e do BNG
Foz, 26 de setembro de 2025. O Grupo Municipal Popular de Foz denunciou no pleno ordinario que o alcalde Cajoto pretendía pagar 550.000 euros polo solar situado diante da Casa da Cultura cando este terreo, propiedade da Sareb, pode ser cedido gratuitamente polo Goberno do Estado, do mesmo xeito que xa ocorreu noutras localidades.
Na sesión plenaria celebrada onte debateuse unha moción do PSOE sobre este asunto, que foi rexeita cos votos en contra do PP e do BNG. Os populares explican que non podían apoiar unha proposta que implica gastar 550.000 euros de fondos municipais cando existe a posibilidade real de obter ese solar de forma gratuíta.
O voceiro popular, Javier Castiñeira, é contundente: “Cajoto quere malgastar máis de medio millón de euros dos veciños nun terreo que se pode conseguir sen custo. O alcalde non fixo as xestións que lle encomendou a Corporación, leva meses botando balóns fóra e agora pretende despistar pasando a responsabilidade á Xunta, cando é el quen ten que mover ficha fronte ao Estado”.
Desde o PP de Foz lembran que xa en abril se aprobou instar ao rexedor a faer as xestións necesarias para a cesión, sen que ata o de agora dera ningún paso: “É un engano e unha cortina de fume -afirma Castiñeira, porque mentres non haxa esa xestión, non se poderá asinar ningún convenio nin avanzar en proxectos que poderían mellorar o futuro do municipio”.
Ademais, desde o Partido Popular recordan que o Goberno central anunciou un lan de vivendas de promoción pública, comprometendo 183.000 novas vivendas en todo o Estado. “Ese solar de Foz podería destinarse a vivenda social, que tanta falta fai para a xente nova e as familias con máis dificultades. Pero para iso é imprescendible que se xestione a cesión gratuíta e non que Cajoto pretenda baleirar as arcas municipais”, explica Castiñeira.
Os populares consideran “inxustificable” pagar por un solar que pode chegar a ser gratuíto e acusan a Cajoto de actuar con “neglixencia e irresponsabilidade” na defensa dos intereses de Foz.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
A piscina abrirá de luns a venres de 8:30 a 13:00 e de 15:30 a 22:00, e os sábados de 8:30 a 14:30. O ximnasio manterá horario continuo de luns a venres, de 8:30 a 22:00, e os sábados de 8:30 a 14:30. A tempada arrinca tras diversas melloras nas instalacións, entre elas a renovación da cuberta do polideportivo, cun investimento de 195.000 euros, así como a substitución de portas de emerxencia, a intervención en pontóns das piscinas e o cambio das huellas de volteo. O Concello continúa así reforzando o mantemento e a seguridade dun complexo utilizado diariamente por numerosos veciños e deportistas.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
