Volta e Dálle programa dúas xornadas de actividades pola lingua con contacontos, teatro, espectáculos de regueifas e concertos de Paco Nogueiras e Ugía Pedreira
Lugo, 5 de agosto de 2024. O espazo cultural Teatro das Cortes, impulsado pola Asociación Cultural Volta e Délle en Cabanas, no Vicedo, acollerá esta fin de semana o Festival Lingua Moza, cunha variada programación arredor da lingua.
A iniciativa conta co apoio da Vicepresidencia da Deputación de Lugo na programación, pensada para un público familiar con diferentes propostas culturais e lúdicas para nenas e nenos e foros sobre a situación social da lingua.
O deputado Daniel García acompañado por Pepe Penabade e Jose Ribeira presentaron a axenda destas dúas xornadas que a asociación vicedense presenta como unha “festa para gozar da lingua” e unha oportunidadede “abrir camiños para lingua desde a simpatía, a música, a natureza e a sorpresa”
Daniel Garcia puxo en valor “a iniciativa de Volta e Dalle que recuperoun unha antiga corte para, como eles din, facer cultura na aldea. Nós cremos firmemente nas múltiples oportunidades que nos abren a lingua e a cultura, e este proxecto, avalado polo traballo de todas as persoas que integran a asociación e pola traxectoria actoral e o activismo de Pepe Penabade, é un exemplo dese horizonte” e amosouse convencido de que “o festival contribuirá a darlle máis visibilidade a esta iniciativa, tamén máis aló da Mariña”.
O programa comeza o sábado ás 11.30 horas co lanzamento da Guía sociolilngüÍstica para familias elaborada pola Escola de Ensino Galego Semente de Lugo con consellos para familias en relación coa transmisión do galego. A seguir, Sechu Sende realizará un obradoiro de regueifa para familias e a contacontos Marta Ortiz presentará o espectáculo “Tralará. Contos, obxectos e música”
Pola tarde, haberá unha mesa redonda sobre “Lingua e Infancia” e unha actuación do grupo de regueifeiras adolescentes Regueifa Tour que revolucionarán a tarde cun espectáculo de pandeiretas, bases electrónicas e improvisacion oral cantada. A xornada rematará cun concerto de Paco Nogueira.
O domingo arrancará cun “Diálogo entre culturas”, dinamizado polo Proxecto Neo de Burela, coa participación de representantes de Indonesia, Senegal, Cabo Verde e Galicia. Tras o xantar, haberá un roteiro teatral coa Asociacion Son D´Aldea e unha actuación do contacontos Anxo Moure. O festival pechará cun concerto de Ugía Pedreira , unha das grandes referencias da música galega contemporánea cun reperterio no que mesturará folk, trad, electrónica, ska e sons latinos.
As persoas asistentes poderán disfrutar os dous días dunha merenda con produtos de Porco Celta co programa de promoción de razas autóctonas Un gusto de rural, un rural degusto.
Programa
Sábado 9 de agosto
11.30 horas Presentación da “Guía sociolingüística para familia” da Escola de Ensino Galego Semente de Lugo
12.30 horas Obradoiro de regueifa para familias. Con Sechu Sende.
13.30 horas. Contacontos: “Tralará. Contos, obxectos e música”. Con Marta Ortiz.
14.30 horas. Xantar
17.00 horas. Mesa redonda: “Lingua e infancia”
19.00 horas. Regueifa Tour:
20.30 horas. Concerto de Paco Nogueiras
Domingo 10 de agosto
12.30 horas Diálogo entre culturas.
14.15. Xantar
17.30 horas. Roteiro teatral “O valor da auga” co grupo de teatro Asociación Son D´Aldea.
19.00 horas. Actuación de Anxo Moure “Unha árbore vén vernos”
20.00 horas. Concerto de Ugía Pedreira
O delegado territorial da Xunta en Lugo participou este martes nos actos programados con motivo da festividade da Patroa de Ribadeo, Santa María do Campo.
Destacou o apoio da Deputación ao sector primario a través da Granxa Gayoso Castro, centro de referencia en recría, formación e innovación. O evento, organizado pola Asociación Pura Raza Cabalo Galego, incluíu o concurso morfolóxico de distintas categorías —ponis, cabalos do país, cruzados, percheróns, Pura Raza Galega e andadura serrada e chapeada— e unha exhibición de doma de alta escola con eguas de pura raza galega.
Nesta ocasión, a homenaxeada foi a de Román. Tras unha recepción ás portas do concello, a veciñanza da parroquia desprazouse a pé ata a Igrexa de Santa María co grupo tradicional Cerna de Árbol. Na misa, cantada pola Coral Polifónica Vilalbesa, realizáronse as ofrendas e púxose en valor a tradición “dos canteiros e os traballos en pedra” en Román, unha parroquia cun destacado patrimonio histórico e cultural. Tras a celebración na igrexa, os veciños e veciñas de Román compartiron uns pinchos de fraternidade no Centro Cultural.
A celebración estivo organizada pola asociación cultural Ourofest coa colaboración do Concello do Valadouro e contou co apoio do Goberno galego. Villares participou na celebración litúrxica, que contou coa actuación do coro da Escola de Música ‘Ao Compás do Río Ouro’, e compartiu coa veciñanza esta xornada festiva de especial arraigo na localidade.
O corte afectará ao tramo que vai desde o principio da vía ata o punto quilométrico 0,900. Para facilitar a execución das obras, será necesario que non haxa vehículos estacionados nese treito. Os traballos, executados pola empresa Jose No Mantiñan E Hijos Construcciones, S.A., forman parte dun proxecto conxunto para a mellora e acondicionamento de varias estradas provinciais no municipio de Xove, cun investimento total superior aos 800.000 euros.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
Daniel García reafirmou o apoio ao festival, que conta cunha colaboración estable e continuada da Vicepresidencia provincial desde a primeira edición e valorou "o impulso que a Asociación Fanto Fantini lle dá ano a ano ao festival, cun programa que vai máis alá do cartel musical e que profundiza na súa identificación e o seu vínculo con Burela e coa Mariña". A Vicepresidencia da Deputación achega 25.000 euros ao patricinio desta edición do Osa do Mar.
