Ribadeo, 4 de agosto de 2025. Ponentes de Colombia e Portugal participarán no XIV Fórum de Innovación e Formación sobre Vehículos, que se celebrará en Ribadeo do 27 ao 29 de agosto. Está organizado por Apaga.
O presidente da Asociación de Profesores de Automoción de Galicia, Álvaro Doural, explicou que “este ano temos un programa de 3 días, que se empezará o 27, coa charla da empresa Robert Bosch, a cargo de Jaime Aguado, que falará da diagnose de vehículos híbridos/eléctricos con kits Bosch. Despois a continuación, esa mañá vai haber unha exposición dos proxectos europeos que levamos feito desde a asociación, desde o proxecto de Theide sobre hidróxeno, que remata agora o 30 de agosto, ata outros proxectos de mobilidades de alumnos e profesores. Xa pola tarde vamos ter unha subida, como outros anos, ata ría de Abres, iremos a ese área recreativa en barco con todos os participantes. Está prevista para as 18:00 horas”.
Doural relatou que “o 28 de agosto contaremos cun especialista no tema de valoración de danos e accidentes. Trátase de Román Álvarez Vijande, da Escuela Nacional de Peritos. Tamén intervirá noutra charla Giovanny Muñoz Espitia, que é profesor da Universidade de Bogotá. Él vainos dar unha visión da formación profesional en Colombia, en Hispanoamérica é moi normal que o sistema de universidade e a formación profesional estean unidas, as institucións que imparten unha ensinanza imparten a outra. Contaremos tamén coa presenza dun periodista especialista do motor da revista Autofácil. Álvaro Sauras vai falar sobre o tema dos incendios nas baterías de vehículos eléctricos. Outra das charlas do xoves será a que pronunciará Daniel Santos, de Melisauto (concesionario de Toyota en Lisboa), onde os nosos alumnos dos proxectos de mobilidade van facer prácticas desde hai varios anos. É unha empresa moi centrada no tema da internacionalización e da acollida de alumnos. Vai falar sobre a tecnoloxía Toyota e sobre os procesos de prácticas e de acollemento de alumnos, explicará como eles están realizando todo ese tipo de formación”.
O presidente de Apaga contou que “xa o venres, o 29 de agosto, participará no Fórum José Luis Rodríguez, de BMW, técnico de formación, que vai falar sobre novos sistemas de baterías de vehículos eléctricos e como esa empresa está abordando todo o mantemento de baterías, reparacións e todo iso. Vamos ter unha batería precisamente dun vehículo ou un conxunto de baterías que compoñen un vehículo BMW, que practicamente o solo dese coche está cheo de baterías, que é unha cousa impresionante. Contaremos cunha plataforma desas, onde van todas as baterías, vamos tela montada alí no noso local. A xornada do venres rematará coa ponencia de Tomás Fernández, de Stellantis Groupe, que ten a súa fábrica en Vigo, a que antigamente era Citroen, para os que nos gusta a tecnoloxía Citroen nos gusta acordarnos da fábrica de Citroen, que era unha icona a nivel de Galicia e Europa”.
Álvaro Doural tivo palabras de agradecemento para as empresas que van a colaborar un ano máis co as súas axudas para que este Fórum se leve adiante e lamentou a falla de apoio da Deputación Provincial de Lugo este ano.
Sobre as inscricións o presidente de Apaga subliñou que “hai xa 50 persoas inscritas para participar nesta cita, pero aínda quedan unhas 15 prazas libres para xente de Ribadeo, xente que estea vinculada ao sector do automóbil, que lle apeteza ir por determinadas conferencias ou determinados temas. Non ten custe ningún. O único que teñen que facer é inscribirse na nosa páxina web www.apaga.es, por unha única cuestión, que é a capacidade que teñen as nosas instalacións”.
A iniciativa busca poñer en valor a diversidade cultural do municipio a través da gastronomía, convidando ás persoas de diferentes países a elaborar pratos típicos que se ofrecerán de forma gratuíta ao público. O Concello asumirá o custo dos ingredientes e asignará a cada participante un posto identificado co seu país de orixe. As inscricións poden realizarse ata o 29 de xullo enviando un correo a feiras@vilalba.es. Rouco chamou á participación para seguir construíndo unha Vilalba aberta e integradora, nunha feira que quere consolidarse como espazo de convivencia e dinamización da feira tradicional.
Ata o 4 de agosto poderán realizarse as renovacións, mantendo as tarifas aprobadas en asemblea: 200 € e 250 € para adultos, e acceso gratuíto para menores grazas ao convenio coa Fundación Imdecum, con opción voluntaria de abono infantil por 40 € con reserva de asento. A partir do 5 de agosto activaranse as novas altas. Os abonos poderán tramitarse a través de CLUBER ou presencialmente na oficina do club, con horario de mañá e tarde en xullo e só de mañá en agosto.
A Presidenta Carmela López destacou o valor deste produto emblemático da Mariña e o traballo do sector pesqueiro. Rocío Rivera e Herminia Pernas puxeron en valor a tradición mariñeira de Burela e o papel dos mariñeiros da Moncloa. O público degustou 450 tapas elaboradas con bonito nunha xornada que serviu de escaparate desta cita gastronómica e de convite a visitar Burela a próxima fin de semana.
As crianzas desfrutaron dunha refrescante xornada con inchables e xogos acuáticos na contorna do complexo deportivo da Veiga.
O campo de fútbol do Cascabeiro acolleu o pasado sábado a III Festa do Mexillón, organizada polo Celta Barreiros. Centos de persoas achegáronse a gozar dunha tarde de gastronomía e de música. En total foron servidas 670 racións entre veciñanza e visitantes, que saborearon mexillóns e lacón. Os organizadores amosasen satisfeitos da acollida: “estamos contentos pola boa resposta dos asistentes”. E tiveron palabras de agradecemento “para os Concellos de Barreiros e de Foz pola boa colaboración”.
Familias, amizades e persoas de todas as idades viviron cada xogada e cada aplauso, evidenciando que o fútbol é tamén unha oportunidade para fortalecer a convivencia e a unión da veciñanza. O municipio felicitou á Selección Española polo seu título mundial, un éxito histórico que fixo vibrar a toda a comunidade.
Trátase dunha mostra de 28 fotografías de gran formato do naturalista Ezequiel Martínez que reivindica a diversidade e a conservación da fauna salvaxe. A iniciativa, organizada polo Concello da Pastoriza en colaboración con ABANCA e Afundación dentro do proxecto Corrente cultural, poderá visitarse de balde ata o 26 de agosto. As imaxes, acompañadas de textos divulgativos elaborados por especialistas de Naturnova, amosan especies emblemáticas como o oso pardo, a cegoña, o cervo ou a aguia imperial, convidando a reflexionar sobre a importancia de protexer o patrimonio natural.
