Cervo, 10 de setembro, 2025.O Concello de Cervo vén de presentar unha nova edición do programa de ocio e tempo libre “Brincos de Lecer coa Ra Ramira”, dirixido ao alumnado de Educación Infantil, Primaria e Secundaria do municipio.
A iniciativa, que se desenvolverá ao longo do curso 2025-2026 na Casa da Cultura de San Ciprián, inclúe unha ampla oferta de obradoiros lúdicos e educativos, pensados para estimular a creatividade, a aprendizaxe e a convivencia dos máis novos.
A gran novidade deste curso será o obradoiro “Playing in English”, unha actividade destinada a mellorar o idioma inglés a través do xogo, en colaboración coa English School de San Ciprián. Está dirixido a alumnado de Infantil, Primaria e 1º e 2º de ESO, con grupos e horarios adaptados a cada nivel:
Luns · 17:30-18:30 → Infantil
Martes · 17:30-18:30 → 1º e 2º de Primaria
Martes · 18:30-19:30 → 3º e 4º de Primaria
Mércores · 18:30-19:30 → 5º e 6º de Primaria
Xoves · 18:30-19:30 → 1º e 2º da ESO
Ademais, manteranse as actividades que xa tiveron moi boa acollida na pasada edición:
– Brincos: actividades de entretemento para alumnado de 4º, 5º e 6º de Infantil.
– Croacbooking: obradoiro de manualidades para alumnado de Primaria.
– Ramira de Castro: actividades de escritura creativa para alumnado de Primaria.
– Problemas na Charca: xogos e actividades matemáticas para alumnado de Primaria.
– Club de Ramira: lectura divertida para alumnado de 1º e 2º de ESO.
– Aprender a Aprender: estratexias de memoria e atención para o estudo, dirixido a alumnado de 5º e 6º de Primaria e de 1º e 2º de ESO.
– Findes Anfibios: obradoiros temáticos que se celebrarán dúas fins de semana ao mes, para alumnado de Primaria.
A alcaldesa, Dolores García Caramés, explicou que “repetimos a iniciativa que tivo moi boa acollida o curso pasado cando arrincou, xa que buscamos ofrecer ás familias unha nova ferramenta de conciliación tamén durante o curso, nun espazo seguro, educativo e divertido no que poidan aprender, facer amizades e desenvolver a súa creatividade as crianzas. Este ano reforzamos o programa cunha novidade moi especial, o obradoiro de inglés, que supón unha oportunidade para que practiquen o idioma dunha maneira divertida e dinámica”.
As actividades desenvolveranse de luns a venres en horario de tarde, con grupos diferenciados segundo a idade e nivel educativo. Ademais, os “Findes Anfibios” celebraranse dúas fins de semana ao mes.
As familias interesadas poden anotarse na Casa da Cultura de San Ciprián.
A proba , organizada polo Club Ciclista Viveiro, reuniu máis de 130 ciclistas e coroou as campioas galegas de todas as categorías femininas -desde infantil ata master-, e aos campions galegos de infantil e cadete. A Praza da Galeguidade acolleu a saída e meta da competición, que se desenvolveu nun circuíto estático de 18,9 quilómetros pasando polo Porto da Gañidoira, a 699 metros de altura.
Trátase de dous MG ZS Hybrid+ Comfort, equipados coa tecnoloxía híbrida autorrecargable Hybrid+, que permite combinar eficiencia e un menor consumo no uso habitual. Segundo os datos do fabricante para este modelo, presenta unhas emisións de entre 113 e 115 g/km de CO₂ e un consumo de combustible de entre 5 e 5,1 litros aos 100 quilómetros, segundo o ciclo WLTP. A adquisición supuxo un investimento de 51.848,50 euros, IVE incluído, financiado a través do Fondo de Compensación Ambiental correspondente ao ano 2026.
Conta con arredor de 90 expositores provintes de todos os puntos tanto de Galicia coma do resto de España e de varias partes do mundo, que exhibirán as súas pezas de tornería en madeira. Tamén acolle a XVIII edición da Exposición CONtornos. Entre os participantes, destaca a presencia dun expositor provinte da cidade arxentina de Córdoba, así coma outros de Reino Unido, Francia e Portugal. Estímase que ata o domingo se acheguen a esta mostra internacional uns 5.000 visitantes, principalmente provintes de toda Galicia e tamén de Portugal.
O horario será o seguinte: Martes, 20 de outubro: de 9:00 a 13:30 horas e de 15:15 a 18:00 horas. Mércores, 21 de outubro: de 9:00 a 13:30 horas. As persoas interesadas poden solicitar cita previa a través do teléfono 981 92 80 80 ou da páxina web 
A competición celebrarase entre o 24 e o 27 de setembro en Las Vegas, e Julia Cabarcos emprenderá esta mesma tarde a viaxe cara aos Estados Unidos para afrontar a súa participación na categoría Women's Physique.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
