Ribadeo, 30 de setembro, 2025. O pasado 15 de setembro tivo lugar, no paraninfo do IES de Ribadeo Dionisio Gamallo, a lección inaugural deste novo curso académico, a cargo de D. Xosé María García Palmeiro, baixo o título: “Ramón González e Dona Corona, exemplares mecenas”. Asistiu o alumnado de 4º ESO e 1º de bacharelato, profesorado, autoridades e colaboradores do centro.
Abriu o acto a nova directora, María Ron Cancio, quen deu a benvida a todo o público e agradeceu a D. Xosé María García Palmeiro que aceptase o encargo da apertura deste curso académico. A vicedirectora, Sofía Acevedo, achegou ao público a traxectoria profesional de D. Xosé María, lembrando que no ano 1958, o noso conferenciante foi alumno da promoción do bacharelato laboral que inaugurou as instalación do noso centro, chamado daquela Instituto Laboral de Ribadeo.
Acompañou o acto, ao piano, o alumno de 2º ESO, Mateo Villapol Bello.
D. Xosé María é un barreirense (San Miguel de Reinante, 1948), licenciado en Historia pola USC e que realizou estudos de xornalismo na UCM. Afincado hoxe en Vigo, adicou corenta anos initerrumpidos ao xornalismo, dende o ano 1973, ata a súa xubilación no 2013.
Foi o primeiro decano electo do Colexio Profesional de Xornalistas de Galicia (2000-2004), e tamén foi director de comunicación do Consello da Cultura Galega (2000-2013).
Traballou en diferentes medios e espazos de comunicación, na prensa: revista Teima, La Voz de Galicia, El País, Faro de Vigo; na radio: Radio Popular de Vigo e Onda Cero Radio; na televisión: TVE en Galicia e na TVG.
Na Radio Popular de Vigo, Xosé María caracterizouse por propostas informativas críticas e participativas e unha proactiva incorporación do idioma galego á antena.
No seu discurso, Xosé María acercounos ao matrimonio formado polo ribadense Ramón González e a porriñesa Corona González Santos, que destacaron pola súa labor benéfica e filantrópica a finais do século XIX e comezos do século XX. Ramón, nacido en Porcillán no 1856, emigrou, sendo moi novo, á cidade arxentina de Rosario. Alí fixo unha importante fortuna que lle permitiu retornar a Galicia, no ano 1899, e abrir sucursais do Banco Español del Río de la Plata, xa que fora conselleiro delegado en Rosario, nas ciudades de Santiago e Vigo.
No ano 1900, Ramón González coñeceu a Dona Corona nunha viaxe que fixo a O Porriño, establecéndose alí.
Subvencionou, entre outras colaboracións, clases e instrumentos musicais do Ateneo ribadense, financiou a construción do teatro e deu 150.000 pesetas da época para construir a Praza de Abastos.
Foi unha conferencia chea de emotividade, na que D. Xosé María fixo partícipe a todo o público das súas lembranzas no instituto e tamén tivo un agarimoso recordo para o seu profesorado e compañeiros de estudos.
Ao final do acto, D. Xosé María recibiu, como recordo da xornada, unha peza cerámica que representa a fachada do noso instituto, que el nomeou “a miña casa”, “a vosa casa”. Ademáis, a historiadora ribadense Celia Castro, presente no acto, entregoulle a petición da dirección, a súa última obra adicada: “Ramón González e Corona González Santos: un matrimonio de filántropos”.
A directora, María Ron Cancio, pechou o acto dando as grazas ao relator, a todo o público asistente e, de xeito especial, a Alfonso Piñeiro, exdirector do centro, por retomar ás conferencias inaugurais, e tamén ao exprofesor Roberto Rodríguez, pola súa axuda na organización da conferencia.
A iniciativa busca poñer en valor a diversidade cultural do municipio a través da gastronomía, convidando ás persoas de diferentes países a elaborar pratos típicos que se ofrecerán de forma gratuíta ao público. O Concello asumirá o custo dos ingredientes e asignará a cada participante un posto identificado co seu país de orixe. As inscricións poden realizarse ata o 29 de xullo enviando un correo a feiras@vilalba.es. Rouco chamou á participación para seguir construíndo unha Vilalba aberta e integradora, nunha feira que quere consolidarse como espazo de convivencia e dinamización da feira tradicional.
Ata o 4 de agosto poderán realizarse as renovacións, mantendo as tarifas aprobadas en asemblea: 200 € e 250 € para adultos, e acceso gratuíto para menores grazas ao convenio coa Fundación Imdecum, con opción voluntaria de abono infantil por 40 € con reserva de asento. A partir do 5 de agosto activaranse as novas altas. Os abonos poderán tramitarse a través de CLUBER ou presencialmente na oficina do club, con horario de mañá e tarde en xullo e só de mañá en agosto.
A Presidenta Carmela López destacou o valor deste produto emblemático da Mariña e o traballo do sector pesqueiro. Rocío Rivera e Herminia Pernas puxeron en valor a tradición mariñeira de Burela e o papel dos mariñeiros da Moncloa. O público degustou 450 tapas elaboradas con bonito nunha xornada que serviu de escaparate desta cita gastronómica e de convite a visitar Burela a próxima fin de semana.
As crianzas desfrutaron dunha refrescante xornada con inchables e xogos acuáticos na contorna do complexo deportivo da Veiga.
O campo de fútbol do Cascabeiro acolleu o pasado sábado a III Festa do Mexillón, organizada polo Celta Barreiros. Centos de persoas achegáronse a gozar dunha tarde de gastronomía e de música. En total foron servidas 670 racións entre veciñanza e visitantes, que saborearon mexillóns e lacón. Os organizadores amosasen satisfeitos da acollida: “estamos contentos pola boa resposta dos asistentes”. E tiveron palabras de agradecemento “para os Concellos de Barreiros e de Foz pola boa colaboración”.
Familias, amizades e persoas de todas as idades viviron cada xogada e cada aplauso, evidenciando que o fútbol é tamén unha oportunidade para fortalecer a convivencia e a unión da veciñanza. O municipio felicitou á Selección Española polo seu título mundial, un éxito histórico que fixo vibrar a toda a comunidade.
Trátase dunha mostra de 28 fotografías de gran formato do naturalista Ezequiel Martínez que reivindica a diversidade e a conservación da fauna salvaxe. A iniciativa, organizada polo Concello da Pastoriza en colaboración con ABANCA e Afundación dentro do proxecto Corrente cultural, poderá visitarse de balde ata o 26 de agosto. As imaxes, acompañadas de textos divulgativos elaborados por especialistas de Naturnova, amosan especies emblemáticas como o oso pardo, a cegoña, o cervo ou a aguia imperial, convidando a reflexionar sobre a importancia de protexer o patrimonio natural.
