Foz, 5 de setembro de 2025. O mes de setembro comeza con novas actividades no concello de Foz: as charlas San Martiño no Camiño, teatro amador na Casa da Cultura e a festa da Peregrina en Cordido.
A concelleira de Cultura, Inés López Couto, anuncia que “a cultura non para en Foz. Despois dun verán de intensa actividade o mes de setembro comeza tamén con múltiples opcións para os amantes do patrimonio, a historia, o teatro e como non, a festa. Estamos encantados de que aínda que xa vexamos próxima a finalización do verán a actividade cultural siga presente en Foz. Este é só o comezo dunha programación de outono que ven cargada de actividades, en colaboración con asociacións, AGADIC, a Academia Galega do Audiovisual e a Vicepresidencia da Deputación de Lugo, o Concello de Foz elaborou un completo programa de outono que se publicará en breve e que trae actividades para todos os gustos”.
Este venres deron comezo no Centro de Interpretación de San Martiño as charlas San Martiño no Camiño. A primeira versará sobre A Orde de Montegaudio en Galicia: O monxe guerreiro chegado de Terra Santa que fixo tremer o bispado de Mondoñedo, a cargo de Alberto Paraje Méndez, arquitecto técnico e secretario da Asociación Cultural de Estudios Históricos de Galicia, natural de Ribadeo e investigador e divulgador de historia local, autor de diferentes artigos e monográficos sobre Ribadeo. Á charla será ás 19.00 horas na Sala Multiusos Queralt do Centro de Interpretación de San Martiño.
Este venres, 5 de setembro, tamén comezou o Circuíto de Teatro organizado por Pico do Castro e Fegatea en Foz. Todos os venres do mes na Casa da Cultura ás 20.00 horas poderase desfrutar do mellor teatro afeccionado. O prezo da entrada será de tres euros. A primeira obra é Rutinas, da compañía Max Teatro.
E tamén chegan as festas patronais da parroquia de Cordido, que esta fin de semana celebran a Festa da Peregrina, o sábado 6 con misa e sesión vermú a partir das 13.30 horas coa orquestra Alianza e verbena con Alianza e La Rosa; e o domingo 7 de setembro a partir das 13.30 horas haberá misa e sesión vermú coa orquestra Acordes, que tamén actuará pola noite verbena. Xa a vindeira fin de semana, o 13 de setembro, organizan a súa gran sardiñada acompañados do dúo Belinda.
“Foz non deixa de estar cheo de eventos aínda que o verán quede atrás; a cultura é prioritaria”, destaca o alcalde de Foz, Fran Cajoto.
O delegado territorial da Xunta en Lugo participou este martes nos actos programados con motivo da festividade da Patroa de Ribadeo, Santa María do Campo.
Destacou o apoio da Deputación ao sector primario a través da Granxa Gayoso Castro, centro de referencia en recría, formación e innovación. O evento, organizado pola Asociación Pura Raza Cabalo Galego, incluíu o concurso morfolóxico de distintas categorías —ponis, cabalos do país, cruzados, percheróns, Pura Raza Galega e andadura serrada e chapeada— e unha exhibición de doma de alta escola con eguas de pura raza galega.
Nesta ocasión, a homenaxeada foi a de Román. Tras unha recepción ás portas do concello, a veciñanza da parroquia desprazouse a pé ata a Igrexa de Santa María co grupo tradicional Cerna de Árbol. Na misa, cantada pola Coral Polifónica Vilalbesa, realizáronse as ofrendas e púxose en valor a tradición “dos canteiros e os traballos en pedra” en Román, unha parroquia cun destacado patrimonio histórico e cultural. Tras a celebración na igrexa, os veciños e veciñas de Román compartiron uns pinchos de fraternidade no Centro Cultural.
A celebración estivo organizada pola asociación cultural Ourofest coa colaboración do Concello do Valadouro e contou co apoio do Goberno galego. Villares participou na celebración litúrxica, que contou coa actuación do coro da Escola de Música ‘Ao Compás do Río Ouro’, e compartiu coa veciñanza esta xornada festiva de especial arraigo na localidade.
O corte afectará ao tramo que vai desde o principio da vía ata o punto quilométrico 0,900. Para facilitar a execución das obras, será necesario que non haxa vehículos estacionados nese treito. Os traballos, executados pola empresa Jose No Mantiñan E Hijos Construcciones, S.A., forman parte dun proxecto conxunto para a mellora e acondicionamento de varias estradas provinciais no municipio de Xove, cun investimento total superior aos 800.000 euros.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
Daniel García reafirmou o apoio ao festival, que conta cunha colaboración estable e continuada da Vicepresidencia provincial desde a primeira edición e valorou "o impulso que a Asociación Fanto Fantini lle dá ano a ano ao festival, cun programa que vai máis alá do cartel musical e que profundiza na súa identificación e o seu vínculo con Burela e coa Mariña". A Vicepresidencia da Deputación achega 25.000 euros ao patricinio desta edición do Osa do Mar.
