Vegadeo, 1 de setembro de 2025. O vindeiro domingo 7 de setembro, Vegadeo será protagonista do deporte internacional ao acoller a saída da etapa 15 da Volta Ciclista a España 2025. Un acontecemento histórico que situará á vila no mapa deportivo e mediático mundial.
Con motivo desta cita, o Concello puxo en marcha unha campaña especial para encher de cor e ambiente festivo as rúas, implicando ao tecido comercial e a toda a cidadanía baixo o lema: “Vegadeo coa Volta”.
Para lograr que a vila se tinga de vermello, lanzouse unha promoción que premiará as compras nos comercios locais:
Quen realice compras iguais ou superiores a 50 € en calquera establecemento de Vegadeo, entre o 26 de agosto e o 6 de setembro, poderán recibir @gratuitamente unha camiseta conmemorativa.
Os tickets deberán presentarse na Oficina de Turismo, dentro do seu horario habitual.
Non hai límite de camisetas por persoa: cada compra igual ou superior a 50 €, ou a suma de varios tickets que alcancen esa cantidade, dará dereito a unha nova peza.
Horario de entrega na Oficina de Turismo
Martes a sábado: de 10:00 a 14:00 h e de 16:00 a 19:00 h
Domingos: de 10:00 a 14:00 h
Luns: pechado
A promoción manterase activa ata o 6 de setembro ou ata fin de existencias.
O alcalde de Vegadeo destacou que “a Volta é moito máis que deporte: é unha oportunidade única para proxectar a imaxe de Vegadeo, dinamizar a economía local e mostrar a hospitalidade da nosa xente. Queremos que veciños e visitantes vivan a xornada vestidos de vermello, como símbolo de unión e entusiasmo por este gran acontecemento”.
A celebración da Volta Ciclista en Vegadeo enmárcase dentro da estratexia do Concello para impulsar o comercio local, atraer visitantes e consolidar á vila como referente na organización de grandes eventos deportivos e culturais.
Para máis información sobre a campaña ou a entrega de camisetas, pódese contactar coa Oficina de Turismo de Vegadeo.
O Restaurante Oviedo-2 será o encargado de elaborar o caldo, o compango e as filloas de sobremesa. O acto incluirá tamén lectura de poemas e música, coa participación de Eli García-Bouso, que interpretará algunhas pezas inspiradas en Rosalía de Castro. O prezo do xantar será de 15 euros para socios/as e 20 euros para non socios/as. As persoas interesadas poden inscribirse enviando un correo a agrupacionfranciscolanza@gmail.com ou mediante unha mensaxe de WhatsApp ao 699 809 606.
Neste espazo radiofónico, de 12 a 14 horas, Félix Jorquera falará coa directora do IES de Foz, Leticia Maseda, co coordinador do evento, José Ríos, así como con alumnado e profesorado participante e moi implicado nos Campionatos Internacionais de Baristas e Catas de Café, que estes días enchen Foz de xente e de aroma cafeteiro.
Os propietarios, Javier Montero e Tita Iglesias, recolleron o recoñecemento na Coruña, agradecendo o apoio da clientela, do seu equipo —formado integramente por mulleres— e da propia guía. O establecemento mantén esta recomendación desde 2021 e suma tamén un Sol Repsol, obtido en 2024 e renovado para 2026. O hotel restaurante Javier Montero abriu as súas portas en novembro de 2018.
Unha comedia orientada para público adulto dirixida por Cándido Pazó. Hora: 20.30. Sipnose: 1880, Curros Enríquez é denunciado polo bispo de Ourense por uns poemas do seu libro Aires da miña terra, un dos piares do Rexurdimento Galego. A pesar da opinión contraria do fiscal, un xuíz dá curso á denuncia e o célebre escritor é procesado e condenado.
A xornada comezou cun aperitivo no bar O Colorado, onde os socios se reuniron para o tradicional brinde previo ao xantar. O encontro continuou no Restaurante Asturias nun ambiente de fraternidade, gozando dun cocido digno de exaltación e dunha longa sobremesa. Durante a velada, os asistentes compartiron lembranzas e falaron das actividades que a asociación prepara para o futuro, nun ano no que Os Cacholeiros se achegan ao seu 35º aniversario. A entidade aproveita esta celebración para reivindicar unha vez máis os pratos tradicionais, elaborados con produtos locais e de tempada, e o labor dos establecementos hostaleiros do concello e da comarca.
A cita terá lugar ás 14.30 horas no Restaurante Louzao, en Area. A actividade, promovida polo Centro de Información á Muller e pola Delegación Municipal da Muller do Concello de Viveiro, está concibida como un encontro de convivencia e participación arredor do 8M. O prezo do xantar é de 50 euros. O Concello de Viveiro publicará nos vindeiros días a programación completa organizada con motivo do 8M.
A presidenta da Deputación, Carmela López, e outros cargos do PSdeG destacaron o valor do grelo como produto emblemático e subliñaron que iniciativas como esta impulsan a economía local, apoian ao sector produtor e reforzan a identidade do rural lucense.
