Aprobada unha proposta no Pleno provincial para que a Administración autonómica incremente o Fondo de Cooperación Local nos Orzamentos 2026 e así compensar o custe dos servizos que lle son propios e fai recaer nas arcas municipais
Lugo, 28 de outubro de 2025. A Deputación de Lugo instará á Xunta de Galicia a saldar os 600M€ que debe aos concellos por facerlles asumir competencias impropias. Así se acordou no Pleno ordinario do mes de outubro celebrado este martes no Pazo de San Marcos, tras unha proposta de Goberno que contou cos votos a favor de PSdeG e BNG e os votos en contra do PPdeG.
Valorou o Presidente da institución provincial, José Tome Roca, valorou antes da sesión plenaria que “asumir as competencias impropias está lastrando a economía dos concellos, porque desde os concellos estamos pagando uns servizos que debería pagar a Xunta de Galicia”. Denunciou que a Xunta ten “conxelado” o Fondo de Cooperación Local dende o 2010 e que o reparte “con criterios partidistas” e explicou que os 187M€ cos que está dotada esa partida nos Orzamentos autonómicos 2026 van supoñer uns 600.000€ para cada un dos 313 concellos de Galicia. “Cun orzamento cen veces maior ao desta institución, a Xunta vailles dar a concellos como Monforte ou Mondoñedo o mesmo que reciben do Plan Deputación”, reprochou.
Explicou a Voceira socialista do Goberno, Pilar García Porto, no Pleno que a débeda foi cifrada pola Federación Galega de Municipios e Provincias (FEGAMP). Puxo como exemplo algúns deses custos, como o do Servizo de Axuda no Fogar, que se incrementa ano a ano polo envellecemento da poboación e a falla de residencias públicas ou os gastos derivados da decisión da Xunta de Galicia de facer de balde as escolas infantís municipais, “coa súa peculiar política de invitar a costa do peto de outros”.
Mediante o texto aprobado, a Deputación reclamará á Xunta que os Orzamentos 2026 incrementen o Fondo de Cooperación Local para saldar esa débeda; que incorporen partidas destinadas a garantir a prestación de servizos no rural en plena igualdade co entorno urbano; e que esas partidas se sitúen arredor dos 500M€ que o propio Rueda cifrou como necesarias.
Escola Universitaria de Enfermería
O Pleno tamén aprobou unha moción socialista reclamando que a Escola Universitaria de Enfermería de Lugo manteña o seu carácter de centro autonómico no caso de ser integrado na USC. A iniciativa saíu adiante por unanimidade, cos votos a favor do PSdeG e BNG e coa abstención do PPdeG.
Segundo valorou o Presidente, a Escola de Enfermería “non pode ser unha sucursal doutra facultade, ten que ter entidade propia porque creo que ten capacidade suficiente, as vimbias formativas suficientes e todos aqueles requisitos necesarios” e pediu ademais que a Xunta de Galicia “deixe de marear a perdiz”. Engadiu Pilar García Porto nese sentido que, “desde o noso compromiso co ensino superior público, os socialistas de Lugo vimos apostando polo carácter universitario como un sinal fundamental da nosa provincia. O campus de Lugo é un piar de desenvolvemento e unha ferramenta de futuro que cumpre facer medrar con sentido, non minguar de xeito irreflexivo”, argumentou a Deputada.
A moción aprobada recolle reclamar tamén á Xunta unha explicación clara da súa pretensión no proceso de integración da Escola Universitaria de Lugo na USC; que garanta a preservación do status da escola como centro autónomo como facultade se cumpre os criterios para esta denominación, ou como Escola Unitaria de non cumprilos; que garanta a continuidade do profesorado e persoal auxiliar, do seu proxecto educativo e dos medios precisos para seguir medrando na excelencia formativa; e que achegue á USC os fondos precisos para manter a personalidade propia e para que poida contribuír de xeito relevante a paliar a falla de profesionais nese eido.
No acto impuxéronlles o birrete e entregáronlles diploma e orla. Despois cantaron unha canción para as familias asistentes. Houbo moitos aplausos e algunhas lágrimas de emoción.
O vendedor da ONCE Daniel José López Legaspi foi quen levou a sorte ao municipio desde o seu posto de venda situado na Praza Maior.
Trátase dun programa de actividades para a infancia e a mocidade que se desenvolverá en xullo e agosto con propostas educativas, deportivas e culturais pensadas para facilitar a conciliación familiar. A oferta inclúe ludoteca, talleres creativos e tecnolóxicos, deporte, contacontos e eventos comunitarios como o Mercado Infantil Solidario ou o Carnaval de Verano. As inscricións realizaranse do 1 ao 15 de xuño no Concello, con prioridade para menores empadroados. O programa reforza o compromiso municipal co apoio ás familias e cun verán activo e accesible para a mocidade do concello.
A comunidade educativa convida especialmente a antigos alumnos, mestres e familias a participar nesta xornada de reencontros e lembranzas.
A festa incorporou unha mesa doce decorada con temática de faros e unha sesión de coctelería dedicada á elaboración de vermús. As persoas asistentes recibiron ademais un detalle conmemorativo: unha botella de aceite de oliva virxe extra de Oleonavas, en homenaxe ás raíces familiares do propietario. O evento incluíu numerosos sorteos grazas á colaboración de diferentes empresas, con premios como comidas en O Noso Lar, na Bodega de Ana ou no Restaurante Nito, ademais de licores, paletillas e circuítos termais. Para esta ocasión preparouse tamén unha carta especial con táboas de carne e instalouse un mural conmemorativo no local. O establecemento agradeceu a fidelidade da clientela e o apoio da veciñanza ao longo desta década, fundamentais para acadar este aniversario tan significativo.
Tras máis de vinte anos dedicada ao debuxo científico, expón desde 2013 e a súa pintura, definida pola crítica como expresiva, colorista e próxima ao surrealismo, chegou xa a numerosos países europeos e americanos. 
