O proxecto contempla actuar nun treito de 155 metros, coa execución de beirarrúas, accesos ás parcelas, dotación dos servizos necesarios e conexión co sistema de vixilancia e seguridade do parque
A Pastoriza, 28 de outubro de 2025. A Consellería de Economía e Industria destina 96.000 euros á ampliación das infraestruturas viarias do polígono da Pastoriza, con cargo á orde de axudas a concellos para acometer melloras nas áreas empresariais.
O delegado territorial, Javier Arias, e o alcalde, Darío Cabaneiro, visitaron a zona para informar sobre o proxecto, que se executará nunha parte do parque sen urbanizar, dándolle continuidade cara o Oeste.
Así, está previsto acometer novas infraestruturas viarias nun treito de 155 metros, con beirarrúas a ambos lados e accesos ás parcelas, incluídos os rebaixes nos bordos para facilitar a entrada de vehículos.
Tamén se habilitarán as canalizacións de baixa tensión, saneamento e abastecemento. Ademais, adecuarase o alumeado público e as instalacións de vixilancia e seguridade, que estarán conectadas co sistema de cámaras existente no polígono.
O obxectivo é crear os servizos necesarios para o asentamento de novas empresas.
Actualmente, 17 firmas desenvolven a súa actividade nesta área industrial, cuxa superficie ronda os 100.000 metros cadrados.
Arias destacou que esta orde de axudas da Xunta “contribúe á modernización e á competitividade dos polígonos industriais”, e facilitan que as empresas “dispoñan dos servizos e infraestruturas que precisan para desenvolver o seu traballo”.
As achegas foron convocadas no mes de febreiro cun crédito de 3M€, e ante a boa acollida que tiveron entre os concellos ampliouse o orzamento en 2,5M€ para financiar máis proxectos.
A representación terá lugar este sábado día 18, ás 19:30 horas, no local social da Asociación de Veciños de Marzán, un dos destinos habituais nas xiras anuais da compañía. O Centiño mantén así a tradición de visitar este espazo, onde agarda compartir co público unha tarde divertida e chea de humor. A agrupación teatral continúa así coa difusión da súa nova obra, que segue a percorrer diferentes escenarios da comarca.
Dezaoito locais hostaleiros de Ribadeo, Rinlo e Vilaframil ofrecerán diversas preparacións ata o vindeiro domingo: en escabeche, en salpicón, en empanada, ao allo, á prancha, en albóndega, etc… Todas as propostas poden consultarse nas redes sociais de Acisa Ribadeo, que agradece “unha vez máis o apoio da OPP do Porto de Burela, que nos doou 90 quilos de cabala para estas xornadas, produto que entregamos de xeito gratuíto aos locais participantes. Achegámoslles así unha parte do peixe que empregarán nesta nova cita gastronómica na que tamén colabora o Concello de Ribadeo”. Ata o porto, ao restaurante Marinero, se achegaron este mediodía o director territorial da Consellería de Mar, Alexandre Piñeiro, as concelleiras ribadenses Montse Seijo, Elena Sierra e Begoña Sanjurjo, a presidenta de Acisa, Carmen Cruzado, o xerente do colectivo empresarial, Jesús Pérez, e o técnico de Acisa, Jorge Fernández, que puideron degustar as elaboracións realizadas por este establecemento hostaleiro.
Durante a xornada Lionel compartirá a súa experiencia no mundo da escrita, dando a coñecer os seus procesos creativos e as temáticas que caracterizan os seus libros. O acto incluirá un coloquio participativo cos asistentes do club onde poderán preguntar e intercambiar opinións co autor sobre o libro lido “A raíña das velutinas”.
O sábado terá lugar no Casino o III Showcooking, con cociña en directo e maridaxe de viños. O público poderá votar os seus pinchos favoritos e participar no sorteo dunha noite no hotel Marqués de Riscal. A entrega de premios será o luns 20 ás 19:00 h. O Concello e Destino Navia animan a veciños e visitantes a gozar desta cita gastronómica.
Haberá degustación diaria de ostras na carpa do porto. Concertos, showcookings, visitas guiadas e actividades mariñeiras. Lancha pola ría, exposición de maquetas e concurso fotográfico #somoslasostra2026, ademais propostas especiais en Acueo, La Casilla e Restaurante Peñalba.
A etapa, cun percorrido duns 150 quilómetros, partiu arredor das 11:30 horas e rematou en Barreiros, atravesando concellos como Xermade, Muras, Viveiro ou Foz. A proba reúne a equipos do ciclismo profesional internacional e sitúa a provincia de Lugo como escenario dunha das citas deportivas máis destacadas do calendario. O Goberno colabora no desenvolvemento da carreira a través das Forzas e Corpos de Seguridade do Estado, que velan polo correcto desenvolvemento da proba e pola seguridade de participantes e afeccionados.
As persoas interesadas poden anotarse ata o 24 de abril na Casa do Concello (Cervo) ou na Casa da Cultura (San Cibrao). A actividade está dirixida a persoas pensionistas empadroadas no municipio. Trátase dunha xornada pensada para compartir, celebrar e desfrutar en comunidade.
