O Deputado de Promoción Económica e Social explicou que “estamos a falar de máis de 5,1M€ para asegurar que as residencias de Castroverde, A Fonsagrada, Navia de Suarna, Pedrafita do Cebreiro, Pol, Ribadeo, Ribas de Sil, Trabada e Meira sigan abertas”
Lugo, 28 de outubro de 2025. O Pleno da Deputación acordou este martes aprobar as addendas de ampliación dos convenios marco e específicos da rede de residencias provinciais, co obxectivo de estender os seus efectos económicos ata xuño do 2026. Unha medida que garante a continuidade deste servizo e mantén a estabilidade nas prestacións asistenciais ás persoas da provincia. O Deputado de Promoción Económica e Social, Pablo Rivera Capón, explicou que “estamos a falar de máis de 5,1M€ para asegurar que as residencias de Castroverde, A Fonsagrada, Navia de Suarna, Pedrafita do Cebreiro, Pol, Ribadeo, Ribas de Sil, Trabada e Meira sigan abertas”.
Este acordo permitirá á Deputación de Lugo e aos concellos traballar no novo marco xurídico sobre o que se sostén o modelo provincial de Centros de Atención a Maiores da institución -que haberá que renovar o ano que vén- sen afectar ás persoas usuarias nin aos municipios nos que se sitúan. Concretamente, estas addendas de ampliación evitan que os convenios queden sen cobertura económica antes de tempo, manteñen a estabilidade e a continuidade do servizo asistencial e permiten planificar o gasto con previsión, sen modificar as condicións esenciais xa acordadas no 2018.
“Falamos de garantir o funcionamento de 9 residencias de maiores que temos en funcionamento nos nosos concellos, que son seguridade para as familias, emprego para o rural e, sobre todo, dignidade para as persoas maiores”, valorou Rivera Capón. Reprochou a falta de compromiso da Xunta de Galicia coa veciñanza da provincia e sinalou que a pesar de ser a Administración coas competencias “a súa política de residencias en Lugo é inexistente”. Nese sentido, destacou que non teñen nin un só proxecto novo en marcha a pesar da situación de sobreenvellecemento da poboación no territorio.
A medida saíu adiante grazas aos votos do PSdeG e o BNG e coa abstención do PPdeG.
Un modelo 100% público e de calidade
O modelo asistencial da Deputación é 100% público, sen ánimo de lucro, e distínguese pola súa aposta pola atención personalizada e polo benestar das persoas maiores. A diferencia doutros modelos privados, o sistema da institución lucense non busca rendibilidade económica, senón que inviste na mellora da calidade de vida e no benestar dos usuarios. Isto tamén supón unha importante creación de emprego local, contribuíndo ao desenvolvemento económico das zonas rurais.
Este modelo tamén garante a igualdade de acceso aos servizos, independentemente da
situación económica de cada usuario, e ten un forte impacto social, creando máis de 225 postos de traballo directos e mellorando a vida de máis de 300 veciños da provincia que residen nos centros provinciais.
Estará dedicada á figura de Leopoldo Calvo-Sotelo, xa que neste 2026 cúmprese o centenario do nacemento de quen fora presidente do Goberno. No acto interviñeron o presidente do RCNR, Pablo Fernández, o director territorial de Deportes da Xunta, Manuel Otero, un dos fillos do tamén alcalde honorario de Ribadeo Víctor Calvo-Sotelo, e o rexedor ribadense, Dani Vega. Todos exaltaron a práctica deportiva na ría, a labor desenvolvida polo Real Club Náutico e a vinculación de Leopoldo Calvo-Sotelo co estuario. Entre o público asistente estaban máis membros da familia Calvo-Sotelo, directivos e ex directivos do RCNR, edís de Ribadeo e representantes de Acisa.
A iniciativa busca poñer en valor a diversidade cultural do municipio a través da gastronomía, convidando ás persoas de diferentes países a elaborar pratos típicos que se ofrecerán de forma gratuíta ao público. O Concello asumirá o custo dos ingredientes e asignará a cada participante un posto identificado co seu país de orixe. As inscricións poden realizarse ata o 29 de xullo enviando un correo a feiras@vilalba.es. Rouco chamou á participación para seguir construíndo unha Vilalba aberta e integradora, nunha feira que quere consolidarse como espazo de convivencia e dinamización da feira tradicional.
Ata o 4 de agosto poderán realizarse as renovacións, mantendo as tarifas aprobadas en asemblea: 200 € e 250 € para adultos, e acceso gratuíto para menores grazas ao convenio coa Fundación Imdecum, con opción voluntaria de abono infantil por 40 € con reserva de asento. A partir do 5 de agosto activaranse as novas altas. Os abonos poderán tramitarse a través de CLUBER ou presencialmente na oficina do club, con horario de mañá e tarde en xullo e só de mañá en agosto.
A Presidenta Carmela López destacou o valor deste produto emblemático da Mariña e o traballo do sector pesqueiro. Rocío Rivera e Herminia Pernas puxeron en valor a tradición mariñeira de Burela e o papel dos mariñeiros da Moncloa. O público degustou 450 tapas elaboradas con bonito nunha xornada que serviu de escaparate desta cita gastronómica e de convite a visitar Burela a próxima fin de semana.
As crianzas desfrutaron dunha refrescante xornada con inchables e xogos acuáticos na contorna do complexo deportivo da Veiga.
Trátase dunha mostra de 28 fotografías de gran formato do naturalista Ezequiel Martínez que reivindica a diversidade e a conservación da fauna salvaxe. A iniciativa, organizada polo Concello da Pastoriza en colaboración con ABANCA e Afundación dentro do proxecto Corrente cultural, poderá visitarse de balde ata o 26 de agosto. As imaxes, acompañadas de textos divulgativos elaborados por especialistas de Naturnova, amosan especies emblemáticas como o oso pardo, a cegoña, o cervo ou a aguia imperial, convidando a reflexionar sobre a importancia de protexer o patrimonio natural.
