Ribadeo, 31 de outubro, 2025. O atraso nas obras do Hospital Asilo é como o relato dunha crónica anunciada, afirma o BNG. “Se botamos a vista atrás, poderemos comprobalo. Así, inicialmente estaba previsto que o 25 de abril de 2025 fose a data prevista para o remate das obras. Pero houbo que aprobar unha primeira prórroga até o 25 de setembro do mesmo ano. Non sendo capaz o goberno municipal de dar remate a esas obras en dita data, volveu considerar unha segunda prórroga até o 25 de novembro deste ano 2025. Pero esta prórroga non se chegou a aplicar polo concurso de acredores da empresa construtora”.
“Nos primeiros catro meses de obras só se executou o 1,2% da mesma. En data 27 de setembro de 2024 o goberno municipal, aproveitando a visita da Conselleira de Política Social e Igualdade, Fabiola García, lanzouse a presumir de que as obras ían a bo ritmo. Pero en realidade só ía executado o 26,42%. A principios do mes de novembro, a porcentaxe de execución era tan só de 32,74%, segundo a certificación emitida polo director de obra”.
Posteriormente, a 26 de febreiro de 2025, o alcalde insiste en que “as obras da residencia do Hospital Asilo avanzan a bo ritmo”, e reitera que “non houbo ningún modificado do proxecto”. En certificación de obra de 11 de marzo de 2025, tan só constaba como executado o 67,41% da mesma. En abril, practicamente ao remate do prazo de execución de obra, tan só estaba executado o 71%, quedando por executar 473.000€.
Ante o retraso manifesto que se estaba a producir, e como resposta ás nosas demandas, o alcalde de Ribadeo “sacou da manga o argumento de modificación de obra que, segundo el, debería ter feito o anterior goberno. Por que motivo decide a esta altura ese modificado e non o fixo nun principio? Soa a escusa. Así, cando solicitamos copia do proxecto de modificado, o goberno municipal responde que non é posíbel facilitar acceso e copia do proxecto [do modificado] xa que aínda se está preparando”. Ante a nosa insistencia, volve responder que non é posíbel facilitar dita documentación de prórroga xa que non foi obxecto de prórroga, senón de ampliación de prazo por un total de cinco meses”. Cando aínda faltaba por executar perto do 30% das obras, o alcalde de Ribadeo négase a informar do estado das obras xogando coas palabras: substitúe “prórroga” por “ampliación de prazo” e queda tan ancho”.
En reunión de Xunta de Portavoces mantida o martes 21 de outubro de 2025, o alcalde ribadense afirmou que non notara nada raro no funcionamento da empresa, pero que si notaba “que traballaba con moito retraso”. “En que quedamos? Ían a bo ritmo as obras, ou a empresa traballaba con retraso? Se se fixeran as cousas ben desde un principio, hoxe poderiamos ter rematada a obra con independencia dos vaivéns da empresa e os usuarios e usuarias, e as súas familias, verían máis cerca a data de regreso a Ribadeo, á súa residencia. Unha vez máis queda patente que este alcalde é un fraude, por moito que xogue coas palabras”, conclúen os nacionalistas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
Pasada a medianoite, un vehículo saíuse da vía na N-634. Como consecuencia do impacto, tres persoas resultaron feridas. Da asistencia sanitaria ocupáronse os profesionais de Urxencias Sanitarias de Galicia-061 e os axentes da Garda Civil de Tráfico da seguridade na vía. Os Bombeiros de Barreiros tamén acudiron, sen embargo, ningún dos feridos estaba atrapado.
Baixo o título “A guerra en Oriente Medio. Do xenocidio en Palestina á agresión a Irán”, o analista internacional Duarte Correa ofrecerá unha intervención centrada na evolución do conflito, o impacto humanitario e as implicacións xeopolíticas da escalada bélica na rexión.
A proba, organizada polo CP Altrúan, reunirá 137palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García achegouse esta tarde a Ribadeo para presentar a proba, que comezará ás 15.30 coa saída dos prebenxamíns e benxamíns. A continuación e de forma escalonada, desenvolveranse as probas das categorías infantil, alevín e cadete e xuvenil.
