A obra supón un investimento de case 50.000 euros financiado pola Axencia de Turismo de Galicia e busca incrementar o atractivo turístico e patrimonial desta zona tan importante para o municipio
Cervo, 21 de outubro do 2025. O Concello de Cervo segue a reforzar a súa aposta pola conservación e posta en valor do Conxunto Histórico Artístico de Sargadelos a través dunha nova actuación que mellora a accesibilidade e pon en valor a zona de esparcemento, un espazo clave pola súa beleza natural e o seu valor cultural e turístico.
As obras, en concreto, abranguen o acondicionamento e axardinamento do terreo da contorna dos antigos fornos de fundición favorecendo que poidan visitarse, e converterse así nun novo recurso turístico, incidindo sempre na integración paisaxística. Ademais a zona tamén se dotará de novo mobiliario —mesas, bancos e asadores de granito— pensado para o desfrute de veciños e visitantes.
Ademais, o proxecto contempla a creación dun itinerario accesible ou a instalación dun espazo específico para bicicletas, favorecendo unha mobilidade máis sostible e segura. Tamén se executan canalizacións e arquetas para unha futura iluminación ornamental que realzará os elementos arquitectónicos e o valor patrimonial de todo o conxunto.
Esta intervención, financiada pola Axencia de Turismo de Galicia cun investimento próximo aos 50.000 euros, forma parte do programa de mellora de infraestruturas turísticas nos concellos de ata 10.000 habitantes, e supón un paso máis na aposta do Concello pola recuperación e revitalización deste enclave tan emblemático, situado no corazón de Cervo.
A alcaldesa, Dolores García Caramés, e a edil de Medio Ambiente, Mali Méndez supervisaron os traballos e destacaron que esta nova actuación “contribúe a facer de Sargadelos un espazo máis atractivo, accesible e sostible, reforzando o seu papel como un dos principais reclamos turísticos, culturais e patrimoniais do municipio e consolidándoo como punto de encontro e de referencia cultural para veciños e visitantes”.
Este lume comezou o pasado mércores ás 13,35 horas e afectou finalmente unha superficie de 31,5 hectáreas de monte arborado. Para a súa extinción mobilizáronse, en total, 2 técnicos, 13 axentes, 27 brigadas, 24 motobombas, 3 pas, 3 helicópteros e 2 avións. 
Félix Jorquera pasou polos micrófonos de RadioVoz no Barco Museo Boniteiro Virxe do Carme ao concelleiro de Mar, Ramiro Fernández; á presidenta de Ledicia (entidade organizadora), Rocío Rivera; ao presidente da Fedaración estatal de confraría de pescadores, Basilio Otero; ao xerente de Expomar, José Manuel González; ao membro de Fanto Fantini (entidade organizadora do Festival Osa do Mar), Diego Campo; á pregoeira Paula Jorge Hora; ao cociñeiro Bruno Pena e á alcaldesa e Presidenta da Deputación, Carmela López.
O obxectivo deste aviso é que a cidadanía coñeza esta circunstancia con antelación e, especialmente, que as persoas con sensibilidade aos ruídos, así como as persoas propietarias de animais de compañía, poidan adoptar as medidas que consideren oportunas. O Concello agradece a comprensión e a colaboración durante estes días de celebración.
A obra, dirixida por Pepablo Patinho e preparada por rapaces de 10 a 14 anos ao longo do curso, servirá de antesala ao certame e permitirá visibilizar o labor formativo da Escola e o compromiso de Cariño co teatro desde idades temperás. O Concello anima á veciñanza e visitantes a asistir a esta cita que marca o inicio dunha nova edición na que o teatro volverá situar a vila como referente cultural galego.
Autoridades autonómicas, municipais e representantes da Apehl acompañaron o anuncio. O estand da marca estará na zona VIP da saída de cada etapa, onde se ofrecerán petiscos con produtos lucenses e material promocional, incluída a guía turístico-gastronómica. Cheché Real destacou a continuidade do proxecto e agradeceu o apoio institucional. A acción conta coa colaboración de numerosos consellos reguladores, entidades agroalimentarias e empresas da provincia.
Desde a entidade explican que “con este paso estratégico, la firma busca integrarse activamente en el tejido económico del municipio y colaborar de forma estrecha en la promoción de un modelo de turismo sostenible, desestacionalizado y respetuoso con el entorno natural…”. Engaden que “creemos que para proteger nuestro entorno primero debemos aprender a amarlo” e que “nuestra incorporación a ACISA representa una oportunidad idónea para crear sinergias con la hostelería, el comercio y los servicios locales”. Tamén sinalan que “la adhesión a la patronal ribadense refuerza el compromiso de la empresa con la calidad turística planificada de la zona”. Máis información en 
O evento reunirá artistas e agrupacións que representan a tradición musical da zona, nunha xornada pensada para reivindicar a historia sonora do Val e o legado das súas xeracións de músicos. A programación inclúe un obradoiro musical gratuíto para nenos de 5 a 12 anos, unha mesa redonda moderada polo escritor Lionel Rexes e unha ampla quenda de concertos con participación de intérpretes e grupos vinculados ao territorio. Durante todo o festival poderá visitarse a exposición fotográfica Aquí segue soando a música, que recolle imaxes antigas e actuais para mostrar a evolución musical da comarca desde comezos do século XX ata hoxe. A iniciativa conta coa colaboración do Concello do Valadouro, o Concello de Alfoz, a Xunta de Galicia, a Deputación de Lugo e o CENTRAD.
