Os deputados do Grupo Provincial Popular tiveron que coñecer no Parlamento galego algunhas das liñas que marcarán os vindeiros orzamentos provinciais ante a negativa de José Tomé a reunirse co Grupo Provincial Popular e escoitar propostas e necesidades dos 67 concellos, así como non presentar as contas provinciais antes do 15 de outubro, como establece a lei
Lugo, 31 de outubro de 2025. Os deputados do Grupo Provincial Popular na Deputación de Lugo denuncian que “unha vez máis José Tomé volveu a facer gala da súa falta de diálogo, de transparencia e de respecto institucional”, que volve amosar o seu desinterese por escoitar aos veciños da provincia.
O voceiro provincial popular, Antonio Ameijide, lamenta que “tivese que ser en Santiago onde se presentasen as liñas mestras das contas da Deputación, en lugar de na provincia de Lugo”. “José Tomé segue negándose a reunirse co Grupo maioritario da corporación, unha mostra evidente de falta de lealdade institucional e de desprezo a quen representa e escoita á maioría dos veciños da provincia”, sinalou, do mesmo xeito que “se nega a escoitar as necesidades dos 67 concellos”.
Un ano máis, os orzamentos da Deputación chegan tarde – a Lei Reguladora das Facendas Locais recolle no seu artigo 168.4 que o presidente da entidade formará o presuposto xeral e o remitirá, informado pola Intervención e con anexos e documentación complementaria ao Pleno da corporación antes do día 15 de outubro para a súa aprobación, emenda ou devolución – e sen vontade de consenso, nin de incorporar achegas realizadas por todos os veciños da provincia. “Tomé presentou antes as contas provinciais en Santiago que en calquera punto da provincia de Lugo, unha nova falta de respecto cara os lucenses e un claro síntoma de falta de proxecto para a provincia”, denunciou.
Ademais, Antonio Ameijide critica que “un ano máis, Tomé falou moi pouco das contas da Deputación e si confrontou moito coa Xunta”. “Vai a Santiago coa escusa de falar dos orzamentos da Deputación, pero o único que fai é criticar á Xunta de Galicia”, sinalou, ao que engadiu que “é un claro síntoma de que Tomé e o seu goberno de PSOE e BNG carecen de proxecto para Lugo e teñen un modelo político esgotado”.
O voceiro popular recorda que no pleno desta semana defendemos unha iniciativa na que se pedía incorporar ás contas da Deputación para 2026 cinco medidas acordadas cos representantes dos 67 concellos da provincia. “Nin sequera quixeron escoitar cinco iniciativas nas que coincidían todos os concellos, sen excepción”, apuntou.
Antonio Ameijide recorda que “José Tomé leva seis anos sen escoitar aos alcaldes que non son amigos, seis anos sen pisar máis da metade da provincia e seis anos esquecéndose de que máis da metade dos veciños existen”.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
Pasada a medianoite, un vehículo saíuse da vía na N-634. Como consecuencia do impacto, tres persoas resultaron feridas. Da asistencia sanitaria ocupáronse os profesionais de Urxencias Sanitarias de Galicia-061 e os axentes da Garda Civil de Tráfico da seguridade na vía. Os Bombeiros de Barreiros tamén acudiron, sen embargo, ningún dos feridos estaba atrapado.
Baixo o título “A guerra en Oriente Medio. Do xenocidio en Palestina á agresión a Irán”, o analista internacional Duarte Correa ofrecerá unha intervención centrada na evolución do conflito, o impacto humanitario e as implicacións xeopolíticas da escalada bélica na rexión.
