Alfoz, 4 de outubro de 2025. “Dende a xubilación do antigo conserxe do C.E.I.P. Castro de Ouro, antes do remate do curso escolar pasado, os pais e nais dos nenos e nenas deste centro están agardando a que o concello de Alfoz cubra a praza de conserxe”, afirma o PP.
“Durante o curso pasado o equipo de goberno mostraba as súas queixas ante a situación de falta de servizos do centro e a día de hoxe continúan a ter a falta do conserxe. Unha clara evidencia de falta de planificación e responsabilidade por parte da alcaldesa e do seu equipo de goberno”, engaden.
“Esta situación ten un impacto negativo, xa que as función desenvolvidas por esta figura non se están atendendo nin desenvolvendo na súa totalidade. Unha mostra disto é que a cancela do colexio permanece aberta durante as 24 horas do día, dando acceso a
calquera persoa allea ó mesmo”.
“Todo isto pon en manifesto a deixadez e a falta de intención do goberno de Alfoz, xa que nin sequera está convocada esta praza, para canto menos estar cuberta. O que indica que unha vez convocada a praza aínda van ser meses os que teñan que transcurrir ata que se cubra o posto de conserxe”.
“Esta é unha das moitas mostras da incapacidade de xestión deste equipo de goberno, un grupo político que vendeu aos veciños un cambio para Alfoz e que realmente sí que o están a ter: unha situación moito peor. Falta de resposta, falta de capacidade de xestión e de resolución de problemas e ideas para impulsar, factores que afectan profundamente á vida diaria dos alfocenses moi negativamente”.
“Esperamos que polo ben do noso concello empecen a traballar polo benestar e progreso, ou senon que lle dean paso a quen sería capaz de facelo, e está demostrado que o PP é capaz cando se pon ao frente de proxectos municipais” conclúen.
Preto de 200 corredoras e corredores participaron na carreira popular e na andaina entre os dous concellos, así como nas probas para as categorías de formación -pícaros, benxamín, alevín e sub 14/sub 16 que se organizaron na contorna do pavillón de Alfoz.
Celebrouse na Casa do Mar, organizado polo Concello e o Club de Xadrez San Roque. Houbo unha excelente participación, con 23 xogadores e xogadoras repartidos entre todas as categorías. Os gañadores foron: Sub 8: Gael Varela. Sub 10: Javier Fernández. Sub 12: Xulio Pernas. Sub 14: Junliang Wu. Sub 18: David Güeto. Absoluta: Alejandro Alloza. Na entrega de premios participou o concelleiro Alfredo Fernández, que felicitou aos xogadores polo seu gran nivel e animounos a seguir practicando este deporte.
Foi unha concentración simultánea en toda Galicia. No caso da Mariña celebrouse en Ribado nos Cantóns do Moreno.
Rematou con empate técnico entre o Río Xunco e o Río Cobo. Con especial agradecemento a Alba María, Lupe Blanco, Caxoto e Carmen Conde de Tarabela Creativa. O Festival de Narración de Cobo a Xunco levou contos e historias cada venres de setembro a diferentes lugares e parroquias do municipio, cunha programación pensada para persoas de todas as idades que culminou co Peche na Casa da Cultura, nunha batalla dialéctica entre os embaixadores/as dos dous ríos, Xunco (Caxoto) e Cobo (Carmen Conde).
O pasado xoves 25 de setembro mestres da Escola Municipal de Música deleitaron ao alumnado e ao profesorado do CEIP Pedro Caselles Rollán e do IES Illa de Sarón cunhas pequenas pezas musicais a modo de concerto didáctico nos ximnasios de ditos centros educativos de Xove co fin de amosarlles o traballo que día a día realizan nas clases da escola á vez que intentar conseguir novos alumnos para este curso que ven de empezar. Ademáis este mércores tivo lugar a presentación do novo curso da Escola Municipal de Música nunha aula do Colexio de Palmeiro, instalacións que usan a diario para desenvolver a sua programación.
A cita terá lugar na Praza de Santa María a partir das 12:00 horas e contará con postos de diferentes países do mundo dos que proceden veciños e veciñas migrantes de Vilalba. Serán eles e elas quen elaboren comidas típicas dos seus lugares de orixe, que se ofrecerán de forma totalmente gratuíta ata esgotar existencias a todas as persoas que se acheguen. Ademais da gastronomía, a feira incluirá trípticos informativos nos que descubrir aspectos clave da cultura e da historia de cada un dos países representados, ofrecendo así unha experiencia completa de coñecemento e convivencia.
Pola mañá realizarase unha visita guiada ao mosteiro, así como os seus arredores; a medio día visita a Portomarín, e pola tarde a ao pazo de Tor, en Monforte. O prezo da actividade será de 65€ para socios/as e 75 para non socios/as. Para que se realice a actividade deberá haber un mínimo de 20 persoas inscritas. Non se poderá exceder as 30 por limitacións de público nas visitas. Para inscribirse, enviar un correo indicando nome e apelidos. Para aboar o prezo xa se darán instrucións respondendo a dito correo. Tamén se pode facer a inscrición mediante mensaxe de WhatsApp ao 699809606.
