Ribadeo, 7 de outubro de 2025. O Concello presenta Ribadeo en Rede, unha serie de encontros e actividades que terán lugar os vindeiros días 11 e 12 de outubro.
A concelleira de Comercio, Marta Saiz, explica que “esta mostra, na que se poderá disfrutar da gastronomía, de obradoiros, de música, así como tamén do mercado de produtos da nosa terra, está organizada polo Concello de Ribadeo en colaboración coa Sucadoira e coa Rede EuSumo para o fomento do cooperativismo e a economía social, na que o Concello está integrada”.
A edil ribadense conta que “o programa dará comezo o sábado 11 cunha mesa redonda que levará por título Proxectos en Rede e que servirá para dar visibilidade aos proxectos e entidades que tecen redes e oportunidades no territorio”. Na mesa, que se celebrará na Praza de Abastos, participarán persoas de diferentes ámbitos. A parte institucional contará coa presenza de Pablo Fernández, secretario xeral de Emprego, Martín Alemparte, director da Axencia Galega de Calidade Alimentaria, Vidal Martínez-Sierra, presidente do GDR Terras de Miranda, Rosa Ana Rodríguez, técnica do GALP A Mariña-Ortegal e Manuel Valín, director do CFEA Pedro Murias de Ribadeo.
Saiz segue a relatar que “no mesmo espezo, tamén se manterán conversas abertas con ribadenses dedicados ao mar, á gandeiría e á horta coa idea de crear un espazo para coñecer e compartir experiencias arredor da economía social e solidaria, a alimentación sostible, o desenvolvemento rural e mariñeiro, a educación, a calidade alimentaria e a innovación territorial. Haberá para finalizar a programación da mañá do sábado unha degustación de produtos da nosa terra”.
A concelleira de Comercio indica que “pola tarde, no porto ribadense, haberá un obradoiro familiar da man de Dani Prieto, biólogo e traballador da Confraría de Pescadores de Ribadeo. A actividade, que leva por nome Descubrindo a ría dende o microscopio, contará con prazas limitadas para unha mellor experiencia, polo que se recomenda reservar praza enviando un correo a adl@ribadeo.gal. Xa o domingo, de novo na Praza de Abastos coincidindo coa última xornada do Mercado dos Domingos, haberá un obradoiro de prensado de mazá, así como unha elaboración e degustación de receitas da man da Asociación de Cociñeiros de Lugo. Nesta ocasión, o produto seleccionado para a degustación será a Faba de Lourenzá acompañada de produtos do mar. Para poñer punto e final a esta fin de semana dedicada a Economía Social, poderemos disfrutar do concerto de Iria Estévez e Gonzo Piña”.
E engade: “queremos convidar a todas as persoas a que participen nas actividades organizadas, porque será unha estupenda ocasión de poñer en valor e recoñecer a importancia dun sector económico moi importante na nosa vila ao mesmo tempo que disfrutamos e aprendemos coa programación que teremos. Tamén queremos resaltar a importancia do Mercado dos Domingos, que chega esta fin de semana á súa fin por este ano e que é un perfecto exemplo de produtos de proximidade e de calidade”.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
A piscina abrirá de luns a venres de 8:30 a 13:00 e de 15:30 a 22:00, e os sábados de 8:30 a 14:30. O ximnasio manterá horario continuo de luns a venres, de 8:30 a 22:00, e os sábados de 8:30 a 14:30. A tempada arrinca tras diversas melloras nas instalacións, entre elas a renovación da cuberta do polideportivo, cun investimento de 195.000 euros, así como a substitución de portas de emerxencia, a intervención en pontóns das piscinas e o cambio das huellas de volteo. O Concello continúa así reforzando o mantemento e a seguridade dun complexo utilizado diariamente por numerosos veciños e deportistas.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
