Ribadeo, 23 de outubro de 2025. Teatro, música, literatura, exposicións e obradoiros son algunhas das propostas da axenda cultural de Ribadeo para o último trimestre do ano, que foi presentada pola edil Begoña Sanjurjo.
A concelleira de Cultura explicou que “preparamos unha axenda diversa para este último trimestre do ano, pensada para chegar a toda a veciñanza, desde o público infantil ata o adulto, e que combina teatro, música, literatura, exposicións e obradoiros. Queremos que Ribadeo siga sendo un referente cultural na comarca e que cada trimestre a cidadanía poida gozar de novas propostas de calidade”.
Begoña Sanjurjo contou que “durante o mes de outubro, destacan as representacións teatrais da XXII Mostra de Teatro Afeccionado Daniel Cortezón, da que xa desfrutamos a pasada fin de semana; os Seráns de Teatro nas escolas das parroquias; e diversas actividades na Biblioteca El Viejo Pancho, como o Certame de Microrrelatos Ilustrados Ano Castelao 2025 e a conmemoración do Día da Biblioteca. Este venres presentamos o libro Bon proveito, Amiguiños, que retrata 90 anos de Radio en Lugo”.
A edil ribadense seguiu a relatar que “o mes de novembro chega con novas propostas escénicas e musicais, como o musical Las diosas del K-pop, o espectáculo infantil Rosalía, a pulga que escribía, o Festival de Jazz, e as Xornadas arredor da Ría de Ribadeo, dentro do programa Ribadeo Cara ao Mar. A música será protagonista na festividade da súa patroa Santa Cecilia, con concertos da Banda Municipal e da Coral Polifónica. Ademais, a Biblioteca acollerá presentacións literarias e encontros culturais con autores galegos e nacionais. O penúltimo día do mes Amigos da Gaita celebrará o magosto e o último día teremos no teatro o espectáculo Na casa delas, no que o cuarteto Son de Corda xunta música e poesía”.
E engadiu: “xa en decembro, seguiremos gozando do teatro, do Festival de Jazz e tamén teremos un concerto solidario de Gospel coa formación africana Aba Taano. A programación cultural vestirase de Nadal co Festival da Escola Municipal de Música e Danza, os concertos de panxoliñas, o espectáculo Aquí como en Viena da Banda Municipal, e a festa pre fin de ano Vendaval Fest no Campo de San Francisco, que porá o broche festivo á tempada”.
Begoña Sanjurjo manifestou: “queremos agradecer a participación das asociacións culturais, da Escola de Música e Danza, da Biblioteca, que fan posible unha axenda tan viva e participativa. A cultura é unha ferramenta esencial para a cohesión social e para o benestar da nosa comunidade. Esta axenda cultural do 4º trimestre pode consultarse en formato dixital na web do Concello e nos taboleiros informativos dos espazos municipais. Vémonos nos espazos culturais”.
Castro destacou o labor da Asociación e o potencial da tradición do ferro como motor económico, social e cultural para Riotorto, subliñando a importancia de impulsar iniciativas que garantan futuro para estes oficios. A Deputación de Lugo mantén unha colaboración estable coa entidade, cunha achega de 14.000 euros. No marco deste apoio, a Asociación avanzou na documentación dos oficios do ferro, catalogando ferramentas, técnicas e a historia das antigas “ferrerías de monte”.
O responsable provincial destacou "o traballo realizado pola organización ao longo destes anos para consolidar unha proba deportiva de primeiro nivel, que atrae tanto deportistas do máximo nivel competitivo como participación popular"
O grupo teatral O Centiño de San Martiño (Foz) actuou este sábado en Marzán, convidado pola asociación veciñal Torques de Marzán. O local quedou pequeno ante a resposta do público: 73 persoas, un récord de asistencia para unha obra de teatro na parroquia. A comedia provocou constantes risas e un ambiente moi participativo. A iniciativa volve demostrar o valor de levar actividade cultural e teatro afeccionado ás parroquias e barrios, achegando propostas escénicas a lugares afastados dos grandes circuítos. O Centiño continuará a xira de “O Autobús” nas vindeiras semanas: Sábado 25 de abril: Vilaronte (Foz). Sábado 2 de maio: Casa da Cultura de Trabada
A xornada contou con degustación gratuíta de viños elaborados por adegas da contorna, unha cata comentada e un mercado de produtos gastronómicos locais, permitindo aos asistentes coñecer de primeira man a riqueza do produto de proximidade. O pregón desta edición correu a cargo de Alejandro Gándara, quen presentou o seu proxecto audiovisual 360 curvas, unha obra que reflexiona sobre a distancia entre A Fonsagrada e Lugo e sobre o conflito social e político asociado á perda da súa condición de cabeceira de comarca, no marco da loita contra a despoboación.
Haberá degustación diaria de ostras na carpa do porto. Concertos, showcookings, visitas guiadas e actividades mariñeiras. Lancha pola ría, exposición de maquetas e concurso fotográfico #somoslasostra2026, ademais propostas especiais en Acueo, La Casilla e Restaurante Peñalba.
A etapa, cun percorrido duns 150 quilómetros, partiu arredor das 11:30 horas e rematou en Barreiros, atravesando concellos como Xermade, Muras, Viveiro ou Foz. A proba reúne a equipos do ciclismo profesional internacional e sitúa a provincia de Lugo como escenario dunha das citas deportivas máis destacadas do calendario. O Goberno colabora no desenvolvemento da carreira a través das Forzas e Corpos de Seguridade do Estado, que velan polo correcto desenvolvemento da proba e pola seguridade de participantes e afeccionados.
A cita contará con charlas, obradoiros, concurso de fotografía e unha ampla zona expositiva. A feira será de acceso gratuíto e está pensada para gozar en familia.
