As instalacións da Deputación de Lugo en Castro Riberas de Lea acollen este xoves unha xornada sobre os sistemas de distribución e redución de emisións, análise de nutrientes do esterco e documentación dixital da aplicación
Lugo, 30 de outubro de 2025. A Granxa Gayoso Castro da Deputación de Lugo acolle este xoves unha xornada formativa sobre a dixitalización dos sistemas de xurro. A cita, na que participaron un cento de gandeiros e gandeiras da provincia, enmárcase na colaboración da institución provincial co Ministerio de Agricultura, Pesca e Alimentación para impulsar a informatización do sector agroalimentario e do medio rural en España.
Durante toda a mañá, as persoas participantes terán a opción de formarse nos sistemas de distribución e redución de emisións de xurro, análise de nutrientes do esterco e documentación dixital da aplicación. Esta actividade tecnico-práctica arrancou ás 10:00 horas na Aula da Granxa Experimental de Leite co obxectivo de amosar as últimas innovacións na aplicación do xurro, un aspecto clave na sustentabilidade e eficiencia da agricultura galega.
Baixo o nome de DIGIPurín, esta iniciativa enmárcase no compromiso da Deputación de Lugo e do Goberno do Estado de impulsar a modernización do sector agroalimentario da provincia de Lugo, promovendo prácticas máis sostibles, eficientes e adaptadas á normativa. Unha oportunidade para os profesionais do sector de acceder a formación práctica e actualizada, coñecer as últimas innovacións tecnolóxicas e establecer conexións con expertos e empresas do sector, e para o desenvolvemento dun territorio no que o sector primario ten un peso específico tan importante.
Ao longo desta semana, máis de 40 científicas, divulgadoras, xornalistas e activistas participan nunha campaña simultánea en todo o Estado para achegar á cidadanía as consecuencias que os recentes ataques a Irán poden ter na vida cotiá. No marco desta iniciativa, celebrarase en Ribadeo un acto informativo o venres 17, na Escola Municipal de Música, ás 19:00 horas. Toda a información sobre o No Normal Tour está dispoñible en: 
Haberá degustación diaria de ostras na carpa do porto. Concertos, showcookings, visitas guiadas e actividades mariñeiras. Lancha pola ría, exposición de maquetas e concurso fotográfico #somoslasostra2026, ademais propostas especiais en Acueo, La Casilla e Restaurante Peñalba.
A etapa, cun percorrido duns 150 quilómetros, partiu arredor das 11:30 horas e rematou en Barreiros, atravesando concellos como Xermade, Muras, Viveiro ou Foz. A proba reúne a equipos do ciclismo profesional internacional e sitúa a provincia de Lugo como escenario dunha das citas deportivas máis destacadas do calendario. O Goberno colabora no desenvolvemento da carreira a través das Forzas e Corpos de Seguridade do Estado, que velan polo correcto desenvolvemento da proba e pola seguridade de participantes e afeccionados.
Reyco Burela FS convoca a todos os socios e socias á Asemblea Extraordinaria que se celebrará o martes 28 de abril no salón de conferencias de Burela (antiga biblioteca) nunha primeira convocatoria prevista para as 20.00 h. e segunda para as 20.30 h. O acceso será única e exclusivamente para socios e socias, que deberán asistir á xuntanza co carné de socio/a e o DNI. Orde do día: 1. Lectura e aprobación da acta anterior. 2. Situación económica xeral. 3. Procedementos xudiciais contra o club. 4. Accións adoptadas para a continuidade do club. 5. Rogos e preguntas
O acto está organizado pola A.C. Francisco Lanza e contará coa participación de Dores Fernández Abel, en representación da entidade, xunto co autor da obra. Duarte Correa xa visitara Ribadeo no ano 2022 para ofrecer unha charla sobre a situación política internacional, centrada daquela na guerra de Ucraína. Nesta nova ocasión, o público poderá volver seguir a súa capacidade de análise e síntese, que lle permitirá ofrecer unha visión actualizada dun contexto xeopolítico en constante transformación.
A parada principal foi Cee, onde a expedición foi recibida no Museo Fernando Blanco, afondando nos vínculos históricos entre ambos municipios. Durante a visita, o director do centro destacou a “dobre conexión” entre Ortigueira e Cee, lembrando a figura de Manuel Rebollar, músico ortegán que dirixiu a Banda de Música de Cee entre 1927 e 1940. O recordo ao artista foi un dos momentos máis emotivos da xornada, ilustrando os lazos culturais que unen ás dúas localidades desde hai case un século.
