A alcaldesa Mariña Gueimunde e os concelleiros Saray Ventura e Vicente Vázquez participan no acto que se celebra en Ovar e Santa María da Feira, ao que tamén asiste Pepe Veiga, presidente da Xunta de Cofradías de Semana Santa de Viveiro
Viveiro, 9 de outubro de 2025. O Concello de Viveiro participa no encontro internacional sobre a Semana Santa organizado por Holy Week Conference, que se desenvolve entre as localidades portuguesas de Ovar e Santa María da Feira. A iniciativa reúne a representantes institucionais, investigadores e expertos de varios países europeos.
A delegación viveirense está composta pola alcaldesa Mariña Gueimunde e os concelleiros Saray Ventura e Vicente Vázquez. Tamén asiste Pepe Veiga, presidente da Xunta de Cofradías de Semana Santa de Viveiro.
O encontro, que se celebra baixo o lema «Identidade, Patrimonio Cultural e Turismo», inclúe conferencias, mesas redondas e comunicacións temáticas centradas na posta en valor das celebracións relixiosas como parte do patrimonio cultural e da identidade das comunidades locais.
A xornada inaugural de onte, celebrada na Escola de Artes e Oficios de Ovar, comezou coa conferencia «Identidade e circunstancia. Consideracións baseadas en algunhas festas relixiosas», a cargo de Jean-Yves Durand (Universidade do Minho), e desenvolveranse actuacións musicais e un recital de agrupacións portuguesas.
O programa continuará hoxe con sesións sobre patrimonio cultural, identidade e turismo, coa participación de expertos e representantes institucionais de Portugal, España, Polonia, Eslovenia e Croacia.
Mariña Gueimunde destacou que «esta participación é unha mostra do noso compromiso coa preservación e proxección internacional da Semana Santa de Viveiro, recoñecida como Festa de Interese Turístico Internacional e elemento clave da nosa identidade colectiva».
A alcaldesa engadiu que «Viveiro comparte con outras cidades europeas unha tradición viva que é ao mesmo tempo fe, cultura e patrimonio, e encontros como este serven para fortalecer esas alianzas e seguir aprendendo uns dos outros».
O evento pecharase mañá cunha mesa redonda sobre o papel do turismo na conservación das tradicións locais. Terá lugar na Biblioteca Municipal de Santa Maria da Feira. Despois, realizarase unha visita guiada pola cidade antes do xantar de clausura.
As crianzas desfrutaron dunha refrescante xornada con inchables e xogos acuáticos na contorna do complexo deportivo da Veiga.
O campo de fútbol do Cascabeiro acolleu o pasado sábado a III Festa do Mexillón, organizada polo Celta Barreiros. Centos de persoas achegáronse a gozar dunha tarde de gastronomía e de música. En total foron servidas 670 racións entre veciñanza e visitantes, que saborearon mexillóns e lacón. Os organizadores amosasen satisfeitos da acollida: “estamos contentos pola boa resposta dos asistentes”. E tiveron palabras de agradecemento “para os Concellos de Barreiros e de Foz pola boa colaboración”.
Familias, amizades e persoas de todas as idades viviron cada xogada e cada aplauso, evidenciando que o fútbol é tamén unha oportunidade para fortalecer a convivencia e a unión da veciñanza. O municipio felicitou á Selección Española polo seu título mundial, un éxito histórico que fixo vibrar a toda a comunidade.
O acto está organizado pola Asociación de Irmandade Locudy, nunha proposta cultural que pon o foco na relación entre Galicia e Bretaña a través da figura de Castelao.
Era o único ocupante do vehículo. O 112 Galicia tivo coñecemento do accidente uns minutos despois das 10:00 horas deste domingo. Segundo indicou un particular, un coche caera por un desnivel duns 20 metros no quilómetro 2 da LU-P-6104. Desde a Sala de Operacións do 112 Galicia informouse ao Servizo de Urxencias Sanitarias de Galicia-061, aos Bombeiros de Barreiros, á Garda Civil de Tráfico e á Agrupación de Voluntarios de Protección Civil de Trabada. Unha vez no punto, os servizos de emerxencias indicaron que había unha persoa falecida, único ocupante do vehículo, sen que nada se puidera facer por salvarlle a vida.
A cita, consolidada como un referente do verán cultural no municipio, reuniu na Praza dos Campos á formación anfitriona do encontro, a Agrupación La Sidrina, de Lugones (Asturias) e o Grupo Folklórico Estampas de México. A programación continuou o sábado coa celebración do Festival Folklórico Infantil. Villares puxo en valor o labor que o grupo Mistura desenvolve durante todo o ano na conservación e difusión do patrimonio cultural galego, así como a importancia de iniciativas coma este festival “para manter vivas as tradicións e dinamizar a vida social e cultural dos nosos concellos”.
A eucaristía, un dos actos centrais das festas patronais de Foz, continuou coa tradicional procesión e coa ofrenda floral en memoria das persoas falecidas no mar. A mandataria provincial formou parte da comitiva xunto a numerosos veciños e veciñas, visitantes, membros da corporación municipal e a pregoeira desta edición, María Nelle Castro Neira, focense moi vinculada ás festas desde a infancia.
