As prazas son limitadas, polo que é preciso reservar praza a través de comisionviveiroenfestas@gmail.com ou no whatsapp do teléfono 614 191 962
Viveiro, 9 de novembro de 2025. A Comisión de Festas do San Roque de Viveiro, Viveiro en Festas, organiza a súa segunda Cea-Baile de Nadal o vindeiro venres, 19 de decembro, nun Hotel Resort de Viveiro.
O evento, que ten como obxectivo recaudar fondos para as Festas de San Roque, promete unha noite chea de gastronomía, música, sorteos e diversión.
O acceso ao espazo será a partir das 21:30 horas, e a cea dará comezo ás 22:00 horas. O prezo por persoa é de 69 euros, que inclúe un donativo para a comisión.
O menú estará composto por un petisco de benvida, langostinos ao forno, filloa rechea de marisco, meixelas de porco ao mencía e milfollas con xeado. Todo acompañado por viños D.O. Rías Baixas e D.O. Ribeira Sacra, así como café, té, infusións e licores.
A festa continuará cunha barra libre (bebidas non premium) e música cun DJ ata as 03:30 horas.
As prazas son limitadas, polo que se recomenda reservar canto antes a través do correo comisionviveiroenfestas@gmail.com ou a través do whatsapp no teléfono 614 191 962. En caso de ir en grupo, agradécese que se apunten nunha reserva todas as persoas xuntas.
Con esta iniciativa, Viveiro en Festas continúa traballando para manter viva a tradición e garantir unhas festas patronais á altura da vila viveirense.
Ocorreu pasadas as 15:30 horas. Un traballador tivo que ser evacuado ao hospital logo de caerlle o tronco dunha árbore enriba mentres realizaba tarefas no monte en Cervo. Aínda que estaba liberado e consciente, precisaba asistencia sanitaria. Os profesionais de Urxencias Sanitarias de Galicia-061 trasladárono finalmente ao Hospital de Burela. Neste operativo tamén participaron a Garda Civil e a Policía Local de Cervo.
Subliñou o traballo colectivo, o papel do voluntariado e a participación de arredor de mil corredores. Tamén puxo en valor o impacto económico e social da proba e o apoio institucional que permite o seu crecemento, incluída a difusión en streaming que levou a CAMOVI e a Viveiro a todo o mundo.
O presidente, José Manuel Gómez Puente, destacou o bo tempo e o reencontro do grupo nun percorrido de 22 km entre Pedrafita e Triacastela. A próxima etapa será o 1 de maio, entre Triacastela e Sarria, e xa está aberta a inscrición no teléfono 623 22 68 25.
Ás doce en punto, tres foguetes —un por cada palabra do nome oficial— foron lanzados desde O Castrodouro, capital histórica do termo municipal e orixe da localidade, pois alí, hai 806 anos, Afonso IX concedeu o título de vila e todo un distrito que administrar; episodio histórico do que deriva o nome do concello. Os veciños reunidos mostraron a súa satisfacción pola recuperación da denominación histórica, afirmando moitos deles que nunca deixaran de empregar o nome completo. Do mesmo xeito, os maiores agradeceron aos impulsores da iniciativa a restitución do topónimo que a historia legou ao municipio alfocés.
Viveiro, 20 de abril, 2026. A proba volveu converter Viveiro nun punto destacado do deporte e da convivencia, ademais de supoñer un impulso económico para o municipio. María Loureiro destacou que a Camovi “é un exemplo de colaboración e esforzo colectivo, que sitúa Viveiro no mapa e dinamiza a economía local”. O Partido Socialista lembra o seu apoio histórico á carreira e reafirma o seu compromiso para seguir contribuíndo ao seu crecemento. O PSOE agradece tamén á veciñanza a súa acollida e implicación, fundamentais para que o evento continúe medrando ano tras ano.
Castro destacou o labor da Asociación e o potencial da tradición do ferro como motor económico, social e cultural para Riotorto, subliñando a importancia de impulsar iniciativas que garantan futuro para estes oficios. A Deputación de Lugo mantén unha colaboración estable coa entidade, cunha achega de 14.000 euros. No marco deste apoio, a Asociación avanzou na documentación dos oficios do ferro, catalogando ferramentas, técnicas e a historia das antigas “ferrerías de monte”.
O responsable provincial destacou "o traballo realizado pola organización ao longo destes anos para consolidar unha proba deportiva de primeiro nivel, que atrae tanto deportistas do máximo nivel competitivo como participación popular"
