O delegado territorial de Lugo, Javier Arias, explica que ademais das obras de acondicionamento substituíronse as 200 butacas por unhas novas
Vilalba, 10 de novembro de 2025. A Consellería de Educación, Ciencia, Universidades e FP renovou o salón de actos do Instituto de Educación Secundaria (IES) Santiago Basanta Silva de Vilalba cun investimento de 43.760 euros.
O delegado territorial de Lugo, Javier Arias, comprobou hoxe o resultado da actuación, que supuxo unha modernización importante deste espazo, incluída a substitución das 200 butacas por outras novas.
Os traballos incluíron a reparación e pintado das paredes, melloras na zona do escenario, a renovación do chan e o cambio das portas de acceso.
En conxunto, “levouse a cabo unha completa actualización que permite contar cunhas instalacións máis cómodas e mellor acondicionadas para todos os actos que acolle o instituto ao longo do curso”, destacou Arias.
A intervención enmárcase no Plan de Nova Arquitectura Pedagóxica, promovido pola Xunta para modernizar os colexios e institutos galegos. No que respecta a Vilalba, Arias destacou entre as actuacións máis recentes a reforma da eficiencia enerxética do CEIP Terra Chá, cun investimento que rondou os 200.000 euros.
Así mesmo, salientou que cada verán realízanse “reformas máis pequenas pero fundamentais para o bo funcionamento dos centros”. No municipio vilalbés, a Xunta destinou preto de 38.000 euros a melloras eléctricas e outras reparacións en varios colexios e na Escola de Educación Infantil aproveitando as pasadas vacacións estivais.
O grupo teatral O Centiño de San Martiño (Foz) actuou este sábado en Marzán, convidado pola asociación veciñal Torques de Marzán. O local quedou pequeno ante a resposta do público: 73 persoas, un récord de asistencia para unha obra de teatro na parroquia. A comedia provocou constantes risas e un ambiente moi participativo. A iniciativa volve demostrar o valor de levar actividade cultural e teatro afeccionado ás parroquias e barrios, achegando propostas escénicas a lugares afastados dos grandes circuítos. O Centiño continuará a xira de “O Autobús” nas vindeiras semanas: Sábado 25 de abril: Vilaronte (Foz). Sábado 2 de maio: Casa da Cultura de Trabada
Dezaoito locais hostaleiros de Ribadeo, Rinlo e Vilaframil ofrecerán diversas preparacións ata o domingo: en escabeche, en salpicón, en empanada, ao allo, á prancha, en albóndega, etc… Todas as propostas poden consultarse nas redes sociais de Acisa Ribadeo, que agradece “unha vez máis o apoio da OPP do Porto de Burela, que nos doou 90 quilos de cabala para estas xornadas, produto que entregamos de xeito gratuíto aos locais participantes. Achegámoslles así unha parte do peixe que empregarán nesta nova cita gastronómica na que tamén colabora o Concello de Ribadeo”. Ata o porto, ao restaurante Marinero, se achegaron este venres o director territorial da Consellería de Mar, Alexandre Piñeiro, as concelleiras ribadenses Montse Seijo, Elena Sierra e Begoña Sanjurjo, a presidenta de Acisa, Carmen Cruzado, o xerente do colectivo empresarial, Jesús Pérez, e o técnico de Acisa, Jorge Fernández, que puideron degustar as elaboracións realizadas por este establecemento hostaleiro.
O sábado tivo lugar no Casino o III Showcooking, con cociña en directo e maridaxe de viños. O público poderá votar os seus pinchos favoritos e participar no sorteo dunha noite no hotel Marqués de Riscal. A entrega de premios será o luns 20 ás 19:00 h. O Concello e Destino Navia animan a veciños e visitantes a gozar desta cita gastronómica.
Haberá degustación diaria de ostras na carpa do porto. Concertos, showcookings, visitas guiadas e actividades mariñeiras. Lancha pola ría, exposición de maquetas e concurso fotográfico #somoslasostra2026, ademais propostas especiais en Acueo, La Casilla e Restaurante Peñalba.
A etapa, cun percorrido duns 150 quilómetros, partiu arredor das 11:30 horas e rematou en Barreiros, atravesando concellos como Xermade, Muras, Viveiro ou Foz. A proba reúne a equipos do ciclismo profesional internacional e sitúa a provincia de Lugo como escenario dunha das citas deportivas máis destacadas do calendario. O Goberno colabora no desenvolvemento da carreira a través das Forzas e Corpos de Seguridade do Estado, que velan polo correcto desenvolvemento da proba e pola seguridade de participantes e afeccionados.
A cita contará con charlas, obradoiros, concurso de fotografía e unha ampla zona expositiva. A feira será de acceso gratuíto e está pensada para gozar en familia.
