Alfoz, 16 de novembro de 2025. O Concello de Alfoz vén de executar unha importante actuación de mellora e integración paisaxística na cuberta da grada principal do Campo de Fútbol Municipal, ao abeiro das axudas da Xunta de Galicia para a corrección de impactos paisaxísticos destinadas a concellos, xestionadas polo Instituto de Estudos do Territorio.
A intervención contou cun orzamento total de 28.809,08 euros, dos cales o Concello recibiu unha subvención de 20.000 euros, destinada a contribuír á modernización e mellora das instalacións municipais. A actuación centrouse na retirada da antiga cuberta de fibrocemento con amianto, un material que, co paso do tempo, presentaba roturas e degradacións. Estas fendas supuñan un risco para a saúde, xa que a fragmentación do fibrocemento pode liberar po de amianto, perigoso para as persoas usuarias do recinto e para a veciñanza da contorna. Para garantir unha intervención segura, a retirada realizouse mediante unha empresa especializada e autorizada, que se encargou do manexo, encapsulado, transporte e eliminación do material conforme á normativa vixente, trasladándoo a un vertedoiro específico para residuos con amianto. Unha vez retirada a cuberta antiga, procedeuse á instalación dunha nova cobertura de chapa lacada, máis integrada coa paisaxe e acorde cos criterios estéticos establecidos na Guía de Cor e Materiais de Galicia. Tamén se acometeu o pintado integral da estrutura metálica da grada, empregando imprimación antioxidante e esmalte verde, mellorando tanto o aspecto visual da instalación como a súa protección fronte á corrosión.
Desde o Concello de Alfoz destacan que esta actuación “mellora de maneira moi significativa a seguridade e a calidade dunha das instalacións deportivas máis utilizadas do municipio, ao tempo que elimina un material perigoso e permite que a grada se integre moito mellor na paisaxe da zona”. O goberno local subliña tamén que este tipo de intervencións son posibles grazas ao apoio económico do Instituto de Estudos do Territorio, que “permite avanzar na renovación das infraestruturas públicas, dignificando os espazos municipais e contribuíndo a un rural máis coidado, máis seguro e máis atractivo”.
Estará dedicada á figura de Leopoldo Calvo-Sotelo, xa que neste 2026 cúmprese o centenario do nacemento de quen fora presidente do Goberno. No acto interviñeron o presidente do RCNR, Pablo Fernández, o director territorial de Deportes da Xunta, Manuel Otero, un dos fillos do tamén alcalde honorario de Ribadeo Víctor Calvo-Sotelo, e o rexedor ribadense, Dani Vega. Todos exaltaron a práctica deportiva na ría, a labor desenvolvida polo Real Club Náutico e a vinculación de Leopoldo Calvo-Sotelo co estuario. Entre o público asistente estaban máis membros da familia Calvo-Sotelo, directivos e ex directivos do RCNR, edís de Ribadeo e representantes de Acisa.
O grupo, composto por cinco mulleres e sete homes cunha media de 26 anos, foi recibido pola subdelegada do Goberno, Olimpia López, que lles agradeceu o compromiso co servizo público e destacou o papel esencial da Policía Nacional na seguridade cidadá. Oito axentes estarán na Comisaría de Lugo, dous en Monforte e dous en Viveiro. Ao finalizar as prácticas, escollerán destino definitivo segundo a puntuación obtida no proceso selectivo.
A iniciativa busca poñer en valor a diversidade cultural do municipio a través da gastronomía, convidando ás persoas de diferentes países a elaborar pratos típicos que se ofrecerán de forma gratuíta ao público. O Concello asumirá o custo dos ingredientes e asignará a cada participante un posto identificado co seu país de orixe. As inscricións poden realizarse ata o 29 de xullo enviando un correo a feiras@vilalba.es. Rouco chamou á participación para seguir construíndo unha Vilalba aberta e integradora, nunha feira que quere consolidarse como espazo de convivencia e dinamización da feira tradicional.
Ata o 4 de agosto poderán realizarse as renovacións, mantendo as tarifas aprobadas en asemblea: 200 € e 250 € para adultos, e acceso gratuíto para menores grazas ao convenio coa Fundación Imdecum, con opción voluntaria de abono infantil por 40 € con reserva de asento. A partir do 5 de agosto activaranse as novas altas. Os abonos poderán tramitarse a través de CLUBER ou presencialmente na oficina do club, con horario de mañá e tarde en xullo e só de mañá en agosto.
A Presidenta Carmela López destacou o valor deste produto emblemático da Mariña e o traballo do sector pesqueiro. Rocío Rivera e Herminia Pernas puxeron en valor a tradición mariñeira de Burela e o papel dos mariñeiros da Moncloa. O público degustou 450 tapas elaboradas con bonito nunha xornada que serviu de escaparate desta cita gastronómica e de convite a visitar Burela a próxima fin de semana.
As crianzas desfrutaron dunha refrescante xornada con inchables e xogos acuáticos na contorna do complexo deportivo da Veiga.
Trátase dunha mostra de 28 fotografías de gran formato do naturalista Ezequiel Martínez que reivindica a diversidade e a conservación da fauna salvaxe. A iniciativa, organizada polo Concello da Pastoriza en colaboración con ABANCA e Afundación dentro do proxecto Corrente cultural, poderá visitarse de balde ata o 26 de agosto. As imaxes, acompañadas de textos divulgativos elaborados por especialistas de Naturnova, amosan especies emblemáticas como o oso pardo, a cegoña, o cervo ou a aguia imperial, convidando a reflexionar sobre a importancia de protexer o patrimonio natural.
