Advirte de que o centro de saúde non conta con facultativo fixo, só atende 4 horas e non todos os días da semana
Ourol, 25 de novembro de 2025. O alcalde socialista de Ourol, José Luis Pajón, denuncia a situación “absolutamente insostible” que sofre o municipio pola falta de cobertura médica e polas demoras desproporcionadas na atención sanitaria. Advirte de que a primeira cita dispoñible no centro de saúde non é ata o 17 de decembro, o que supón máis de vinte días de agarda para unha consulta. “É inconcibible e profundamente inxusto deixar sen atención médica a un concello envellecido como Ourol, cunha poboación que ten de media 63 anos”, critica o rexedor.
Pajón explica que, desde a xubilación da médica titular o pasado agosto, o centro de saúde carece dun facultativo fixo. A atención redúcese a tan só catro horas ao día, sen servizo de urxencias nin visitas a domicilio, e nin sequera se garante todos os días da semana. A isto súmase que cada xornada acode un profesional distinto -un grupo de tres médicos que van rotando-, o que obriga a que a veciñanza teña que repetir a súa situación clínica en cada consulta. “Nun municipio maioritariamente envellecido, isto fai imposible garantir unha atención sanitaria digna”, denuncia.
Esta realidade está a levar a moitas persoas a buscar atención fóra do concello. Pajón salienta que hai pacientes que se ven obrigados a acudir directamente ao Hospital da Mariña sen derivación, onde incluso se lles reprocha presentarse sen indicación médica. “Vas ao centro de saúde e non hai médico. Vas a urxencias e non te atenden. Vas a Burela e aínda che botan a bronca. É inadmisible”, critica.
Ao mesmo tempo, estase a producir un fenómeno que agrava aínda máis esta problemática: veciños que deciden darse de alta no centro de saúde de Muras para poder ter médico de cabeceira e acceso a cita. Isto implica que as súas tarxetas sanitarias deixan de computar en Ourol, reducindo o número de pacientes asignados ao municipio e dificultando que a Xunta considere prioritario reforzar o servizo. “Perdemos tarxetas e, con iso, perdemos capacidade de defensa. É un círculo vicioso que nos prexudica cada vez máis”, lamenta o socialista.
José Luis Pajón esixe unha resposta inmediata por parte da Xunta e do Sergas, que restablezan de inmediato un médico a tempo completo, con atención diaria, cobertura urxente e visitas a domicilio, e que poñan fin a unha situación que o alcalde cualifica de “insostible, inxustificada e profundamente discriminatoria para a nosa veciñanza”.
O delegado territorial da Xunta en Lugo participou este martes nos actos programados con motivo da festividade da Patroa de Ribadeo, Santa María do Campo.
Destacou o apoio da Deputación ao sector primario a través da Granxa Gayoso Castro, centro de referencia en recría, formación e innovación. O evento, organizado pola Asociación Pura Raza Cabalo Galego, incluíu o concurso morfolóxico de distintas categorías —ponis, cabalos do país, cruzados, percheróns, Pura Raza Galega e andadura serrada e chapeada— e unha exhibición de doma de alta escola con eguas de pura raza galega.
Nesta ocasión, a homenaxeada foi a de Román. Tras unha recepción ás portas do concello, a veciñanza da parroquia desprazouse a pé ata a Igrexa de Santa María co grupo tradicional Cerna de Árbol. Na misa, cantada pola Coral Polifónica Vilalbesa, realizáronse as ofrendas e púxose en valor a tradición “dos canteiros e os traballos en pedra” en Román, unha parroquia cun destacado patrimonio histórico e cultural. Tras a celebración na igrexa, os veciños e veciñas de Román compartiron uns pinchos de fraternidade no Centro Cultural.
A celebración estivo organizada pola asociación cultural Ourofest coa colaboración do Concello do Valadouro e contou co apoio do Goberno galego. Villares participou na celebración litúrxica, que contou coa actuación do coro da Escola de Música ‘Ao Compás do Río Ouro’, e compartiu coa veciñanza esta xornada festiva de especial arraigo na localidade.
O corte afectará ao tramo que vai desde o principio da vía ata o punto quilométrico 0,900. Para facilitar a execución das obras, será necesario que non haxa vehículos estacionados nese treito. Os traballos, executados pola empresa Jose No Mantiñan E Hijos Construcciones, S.A., forman parte dun proxecto conxunto para a mellora e acondicionamento de varias estradas provinciais no municipio de Xove, cun investimento total superior aos 800.000 euros.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
Daniel García reafirmou o apoio ao festival, que conta cunha colaboración estable e continuada da Vicepresidencia provincial desde a primeira edición e valorou "o impulso que a Asociación Fanto Fantini lle dá ano a ano ao festival, cun programa que vai máis alá do cartel musical e que profundiza na súa identificación e o seu vínculo con Burela e coa Mariña". A Vicepresidencia da Deputación achega 25.000 euros ao patricinio desta edición do Osa do Mar.
