O equipo de goberno de O Valadouro acusa ao BNG de “victimismo e de acudir ás mentiras para tratar de ser o centro de atención”

O Valadouro, 20 de novembro, 2025. O PP afirmque que “no último pleno celebrado o pasado martes, PSOE e BNG unha vez máis recorren ás provocacións para tratar de desestabilizar ao alcalde tras dar as explicacións oportunas sobre a modificación de crédito a gasto corrente”.

“No pleno, o alcalde retiroulle a palabra ao voceiro do BNG xa que tras dar resposta de que se pasa o diñeiro á partida de gasto corrente, éste insiste en seguir preguntando, polo que, para continuar co pleno, era preciso retirarlle a palabra”.

“O señor Chao di que xera unha mala imaxe realizar as modificacións de crédito ao que o alcalde indícalle que peor imaxe xera non ter presupostos tal e como sucedía nas últimas lexislaturas, e que os erros, hai que correxilos”.

“Unha vez máis o BNG demostra que ten que acudir ás notas de prensa con mentiras e victimizándose para ser visibles, pois, se non o fan así ou falando do Partido Popular, ou mesmo detrás dunha pancarta, non se sabe que existen”.

“Nunha nota de prensa posterior ao pleno, o BNG recorre novamente a ese victimismo e ás mentiras”.

“En primeiro lugar, explicarlle á señora Barreira e ao señor Chao, por si aínda non se enteraron, que o equipo de goberno está formado únicamente polo grupo do Partido Popular. UDIVAL non forma parte do mesmo, polo que sempre que estea de acordo apoiará as nosas decisións e cando non, absterase ou votará en contra”.

“Por outra banda, dicir que en ningún momento se lle faltou ao respecto ao señor Chao e moito menos se insultou como ben indican na nota de prensa”.

“Cabe lembrarlle ao señor Chao que faltar ao respecto á veciñanza e incluso aos empresarios, que moitos son autónomos e veciños, é non pagar facturas por traballos realizados, perder subvencións ou mesmo non actuar en tempo e forma con algunha subvención concedida. Iso si é faltarlle á veciñanza ademáis de ser un “desorde” e unha mala xestión que o corrobora non levando a cabo as tarefas precisas para poder realizar o cobro dos recibos correspondentes en tempo e forma”.

“O problema que ten o PSOE-BNG co actual equipo de goberno é que non lles gusta que o concello se vaia estabilizando pouco a pouco, progresando e saíndo da parálise na que levaba tempo sometido debido ao desorde, como se indica na nota de prensa do BNG, que eles si tiñan e da cal a señora Barreira e o señor Chao formaban parte”.

“Á hora de elaborar un presuposto é complicado equilibralo cando se ve alterado por facturas impagadas de gobernos anteriores ás cales tivemos que facer fronte por un importe que ascende aos 150000€”.

“Salientar que a presente modificación de crédito se realiza conforme ao informe de intervención mediante baixas ou por anulacións noutras partidas minorando os créditos consignados e reasignándoos nas partidas deficitarias, sen incremento neto do gasto do orzamento municipal. Esta reestructuración interna do gasto optimiza o funcionamento da entidade local reforzando aquelas áreas nas que o crédito resulta máis necesario. Por este motivo, o Partido Popular defende a mesma postura que defendía na oposición, a de optimizar recursos, dado que con gobernos PSOE-BNG era práctica habitual incrementar o gasto do orzamento municipal tirando de remanente de tesourería, técnica que tratamos de evitar e non usar polo que neste caso mantense o equilibrio orzamentario inicial”, conclúen.