Ribadeo, 21 de novembro, 2025. O próximo domingo 23 de novembro ás 12 no Cine Teatro de Ribadeo farase a presentación do novo libro de Lucía Ferro ilustrado por Andrea Lombardía “Pomba, a que non era”.
Na presentación estarán ambas autoras compartindo a súa experiencia á hora de realizar o conto, así como dúas psicólogas, Iria Díaz Ainse e Silvia Arias, que falarán das feridas causadas por traumas na infancia como o bullying e de como se tratan na obra. Recitarase ademais o texto do libro tanto en galego como en castelán acompañado por música en directo.
Outro dos temas que se tratarán é o uso de financiamento colectivo (crowdfunding) para a realización do proxecto. As artistas compartirán as vantaxes que ten, como a de outorgarlles unha total liberdade creativa para plasmar temas importantes pero en xeral ausentes nos contos infantís mais tamén as complicacións deste proceso.
Unha das consecuencias deste modo de publicación que está a chamar a atención dos seguidores de ambas creadoras é a imposibilidade de facerse xa cunha copia de “Pomba”. Explicarase que isto é así porque non hai de momento ningún exemplar impreso, nin sequera están todas as ilustracións rematadas. Só se chegará ao remate da obra se suficientes participantes se suman á campaña antes do día 26 de decembro.
Para máis información sobre o libro ou participar da campaña e recibilo en canto estea listo, pódese visitar a páxina de Goteo https://www.goteo.org/project/pomba-a-que-non-era, ou asistir á presentación, na que se repartirán algúns detalles con máis información do proxecto.
A cita, consolidada como un referente do verán cultural no municipio, reuniu na Praza dos Campos á formación anfitriona do encontro, a Agrupación La Sidrina, de Lugones (Asturias) e o Grupo Folklórico Estampas de México. A programación continuou o sábado coa celebración do Festival Folklórico Infantil. Villares puxo en valor o labor que o grupo Mistura desenvolve durante todo o ano na conservación e difusión do patrimonio cultural galego, así como a importancia de iniciativas coma este festival “para manter vivas as tradicións e dinamizar a vida social e cultural dos nosos concellos”.
Os cortes de circulación aplicaranse desde as 12.15 horas ata a finalización da sesión vermú e, de novo, desde as 20.30 horas ata o remate das actividades festivas en ambas as dúas xornadas. O Concello agradece a comprensión da veciñanza e recomenda planificar os desprazamentos tendo en conta estas restricións temporais.
As familias, o equipo docente, e o alumnado da Escola Infantil Municipal desfrutaron esta semana dunha xornada de convivencia e aprendizaxe neste parque. Ao longo do día, ademais de visitar a reserva e coñecer de preto numerosas especies animais, compartiron un agradable picnic nas instalacións do parque e tiveron acceso tanto á zona exclusiva da reserva como ao resto do recinto. A xornada rematou cunha actividade moi especial: un pequeno teatro participativo sobre a prevención dos incendios forestais, no que os nenos e nenas aprenderon a importancia de coidar os nosos montes e de evitar condutas que poidan provocar lumes, como abandonar obxectos de vidro na natureza. Un día cheo de experiencias, convivencia e aprendizaxes que reforzan o compromiso coa educación ambiental desde as primeiras idades.
A eucaristía, un dos actos centrais das festas patronais de Foz, continuou coa tradicional procesión e coa ofrenda floral en memoria das persoas falecidas no mar. A mandataria provincial formou parte da comitiva xunto a numerosos veciños e veciñas, visitantes, membros da corporación municipal e a pregoeira desta edición, María Nelle Castro Neira, focense moi vinculada ás festas desde a infancia.
O Concello de Ribadeo atende así a petición realizada pola Asociación Provincial de Empresarios de Hostelería e Turismo de Lugo, que solicitou permisividade neste sentido aos 67 Concellos da provincia de Lugo. Ademais o Concello autorizou a instalación dunha pantalla na praza de Porcillán. A petición foi realizada pola Asociación Cultural Festas do Carme.
Trátase dunha mostra de 28 fotografías de gran formato do naturalista Ezequiel Martínez que reivindica a diversidade e a conservación da fauna salvaxe. A iniciativa, organizada polo Concello da Pastoriza en colaboración con ABANCA e Afundación dentro do proxecto Corrente cultural, poderá visitarse de balde ata o 26 de agosto. As imaxes, acompañadas de textos divulgativos elaborados por especialistas de Naturnova, amosan especies emblemáticas como o oso pardo, a cegoña, o cervo ou a aguia imperial, convidando a reflexionar sobre a importancia de protexer o patrimonio natural.
Villares gabou o traballo realizado e subliñou que “a implicación do tecido social e dos veciños e veciñas é clave para transmitir as tradicións que forman parte da nosa identidade e reforzar os vínculos da comunidade”. Na xornada principal deste xoves destacou a ofrenda floral na honra dos mariñeiros falecidos. O venres e o sábado celebraranse o Festival Folklórico Internacional e o Festival Folklórico Infantil respectivamente, organizados polo Grupo Mistura.
