O mandatario provincial participou este xoves pola mañá en Madrid nunha xornada que abordou o futuro das deputacións, onde deixou patente o papel que as institucións provinciais teñen para a cohesión territorial e como apoio “fundamental” para os pequenos concellos
Lugo, 20 de novembro de 2025. O Presidente da Deputación de Lugo, José Tomé Roca, participou este xoves en Madrid na Xornada sobre o Futuro das Deputacións Provinciais, organizada pola Federación Española de Municipios e Provincias (FEMP) e celebrada na súa sede institucional. A cita reuniu responsables provinciais, representantes municipais, persoal técnico da administración local e expertos en gobernanza pública para debater sobre os desafíos estruturais e de futuro das deputacións, nomeadamente o financiamento, a gobernanza e o equilibrio territorial.
Tomé Roca puxo o foco na necesidade de abordar con rigor a situación das competencias impropias que as deputacións están a asumir, en especial no ámbito dos servizos sociais, un eido no que as demandas crecen e a responsabilidade das entidades provinciais é cada vez maior. “É fundamental reforzar o papel das deputacións como institucións de cohesión territorial, garantes da igualdade de oportunidades e do apoio técnico e económico aos concellos máis pequenos. Pero as competencias teñen que estar acompañadas de financiamento. E non o digo eu, é que o di a propia Lei”, afirmou o Presidente.
Subliñou que se trata dun asunto “vital, que todas as deputacións debemos reivindicar de maneira conxunta, desde a cooperación institucional e co obxectivo de garantir servizos públicos de calidade en todo o territorio”. Nese sentido, falou do caso da Deputación de Lugo, que ten unha rede de Centros de Atención a Maiores con 9 residencias funcionando e con outras 9 proxectadas, en construción ou en trámites de apertura.
Ao tempo, defendeu o papel das deputacións como institucións “próximas e imprescindibles para o equilibrio territorial e o apoio ao municipalismo, especialmente no rural”, lembrando que sen elas os concellos carecerían da capacidade necesaria para prestar servizos esenciais en condicións de igualdade.
As deputacións, goberno intermedio imprescindible
Tomé Roca reivindicou tamén o papel estratéxico das deputacións dentro da estrutura institucional do Estado. “Se non houbera deputacións, habería que crear un organismo semellante que exercese como goberno intermedio. Os concellos precísannos; somos fundamentais para que poidan prestar servizos básicos”, subliñou.
Defendeu que o futuro das deputacións depende dunha gobernanza sólida, dunha definición clara das súas competencias e dunha suficiencia financeira que lles permita responder ás necesidades actuais, especialmente nun contexto marcado polo reto demográfico, o despoboamento e a crecente demanda de servizos sociais.
A rede viaria provincial, clave para a cohesión territorial
O Presidente da Deputación de Lugo abandeirou un asunto que cualificou de “estratéxico” para garantir a igualdade entre territorios: o estado das estradas provinciais. Recordou que as deputacións suman en conxunto 67.773 quilómetros de vías, das cales máis de 4.200 km están na provincia de Lugo. “Algunhas provincias temos dificultades importantes para mantelas en bo estado. Hai moitos problemas e necesidades acumuladas”, afirmou. Engadiu que, en clave de cohesión territorial, “é moi importante arranxar as nosas vías de comunicación, sobre todo para conectar aqueles núcleos do rural que están máis afastados”.
Para facer fronte a esta situación, reivindicou unha vez máis a creación dun equipo de traballo dentro da FEMP co obxectivo de solicitar ao Goberno de España unha partida específica nos Orzamentos Xerais do Estado destinada á mellora e mantemento das estradas provinciais. Lembrou que esta liña de financiamento “xa existiu no pasado e foi eliminada durante o Goberno de Mariano Rajoy”, polo que considerou prioritario recuperala “para contribuír a fixar poboación no rural e impulsar un turismo non masificado e sustentable”.
Rematou sinalando que “non pode haber igualdade entre cidadáns se non hai igualdade entre territorios” e insistiu na necesidade de avanzar cara a un modelo de financiamento estable, suficiente e xusto, que permita ás deputacións seguir desempeñando o seu papel imprescindible ao servizo dos concellos e da cidadanía.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Pasada a medianoite, un vehículo saíuse da vía na N-634. Como consecuencia do impacto, tres persoas resultaron feridas. Da asistencia sanitaria ocupáronse os profesionais de Urxencias Sanitarias de Galicia-061 e os axentes da Garda Civil de Tráfico da seguridade na vía. Os Bombeiros de Barreiros tamén acudiron, sen embargo, ningún dos feridos estaba atrapado.
Baixo o título “A guerra en Oriente Medio. Do xenocidio en Palestina á agresión a Irán”, o analista internacional Duarte Correa ofrecerá unha intervención centrada na evolución do conflito, o impacto humanitario e as implicacións xeopolíticas da escalada bélica na rexión.
A proba, organizada polo CP Altrúan, reunirá 137palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García achegouse esta tarde a Ribadeo para presentar a proba, que comezará ás 15.30 coa saída dos prebenxamíns e benxamíns. A continuación e de forma escalonada, desenvolveranse as probas das categorías infantil, alevín e cadete e xuvenil.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
A Garda Civil de Burela tomou declaración este 10 de xuño a unha representante do departamento en liña de Porcelana de Sargadelos, que denunciou unha estafa na que se emprega a imaxe da empresa para enganar clientes. Segundo explicou, desde finais de abril están a aparecer páxinas web falsas con descontos do 80% e perfís fraudulentos en redes sociais como Instagram, TikTok e Facebook, a través dos que varios usuarios xa foron estafados. A compañía presentou denuncias contra distintos dominios e contas, das que só unha continúa activa, e achegou tamén os rexistros da marca e as comunicacións realizadas ante Meta. A denuncia foi formalizada no cuartel da Garda Civil de Burela, onde quedou incorporada ás dilixencias abertas polo corpo.
O deputado galego Francisco Millán Mon explicoulles o día a día da súa actividade nesta cámara e a importancia da Unión Europea para Galicia e viceversa. Desde a dirección do centro agradecen “a súa exposición e o trato dispensado ao alumnado e profesorado desprazado a Bruxelas”. Neste 2026 cúmprense 40 anos da adhesión de España á Comunidade Económica Europea, así se denominaba naquel momento. O IES de Ribadeo é Escola Mentora do Programa Escolas Embaixadoras do Parlamento Europeo.
