A Mariña, 13 de decembro de 2025. A FCAM (Federación de Comercio A Mariña) fai un balance positivo da campaña De compras polo comercio da Mariña Lucense, que tivo lugar do 25 de outubro ao 30 de novembro.
A presidenta da FCAM, Carmen Cruzado, subliñou que “foron 5 fins de semana de traballo para a promoción do comercio local desta comarca con visitas a ducias de negocios das vilas polas que pasamos: Foz, Lourenzá, Ribadeo, Viveiro e Burela e nas que as 18 persoas convidadas coas que contamos puideron coñecer de preto negocios con cerca de 100 anos de vida, negocios lonxevos con varias xeracións á súa fronte e tamén comercios de nova apertura. E sobre todo descubriron a paixón e o esforzo que hai detrás de cada mostrador”.
Cruzado Iglesias contou que “con esta campaña realizamos 5 sorteos de vales de compra por importe de 2.500 euros en Barreiros, Mondoñedo, A Pontenova, Xove e Burela. E as nosas convidadas e convidados durmiron en hoteis desta comarca e gozaron da exquisita gastronomía na hostalería da Mariña. Con esta campaña contribuímos á dinamización do comercio local, pero tamén dos hoteis e dos restaurantes polos que pasamos este outono”.
A presidenta da FCAM tivo palabras de agradecemento “para todas e cada unha das persoas que traballaron para que este proxecto fose unha realidade; a todas as persoas convidadas procedentes de ámbitos como o xornalismo, o cine, o deporte, a cultura; a todas as asociacións de comerciantes; aos Concellos; aos hostaleiros pola súa implicación… todos demos o mellor de nós para ofrecer unha boa imaxe do comercio da Mariña, da súa hostalería e dos seus enclaves turísticos. Todo isto foi posible grazas ao financiamento da Dirección Xeral de Comercio, á que lle agradecemos o seu apoio”.
A campaña da FCAM De compras polo comercio da Mariña Lucense tivo unha grande repercusión mediática: “tanto nos medios de comunicación máis próximos como noutros de ámbito nacional, grazas á visita das persoas convidadas, que falaron desta campaña nas súas redes sociais e tamén nos medios nos que traballan: televisións, radios, publicacións escritas, etc… Desde a FCAM fomos contando a través das nosas redes sociais en vídeos todo o desenvolvemento desta campaña que xerou máis de 31.000 visualizacións”.
A FCAM segue a traballar a prol dos negocios locais da Mariña: “agardamos que a campaña de Nadal na que nos atopamos sexa moi positiva para todas e todos”.
Estará dedicada á figura de Leopoldo Calvo-Sotelo, xa que neste 2026 cúmprese o centenario do nacemento de quen fora presidente do Goberno. No acto interviñeron o presidente do RCNR, Pablo Fernández, o director territorial de Deportes da Xunta, Manuel Otero, un dos fillos do tamén alcalde honorario de Ribadeo Víctor Calvo-Sotelo, e o rexedor ribadense, Dani Vega. Todos exaltaron a práctica deportiva na ría, a labor desenvolvida polo Real Club Náutico e a vinculación de Leopoldo Calvo-Sotelo co estuario. Entre o público asistente estaban máis membros da familia Calvo-Sotelo, directivos e ex directivos do RCNR, edís de Ribadeo e representantes de Acisa.
O grupo, composto por cinco mulleres e sete homes cunha media de 26 anos, foi recibido pola subdelegada do Goberno, Olimpia López, que lles agradeceu o compromiso co servizo público e destacou o papel esencial da Policía Nacional na seguridade cidadá. Oito axentes estarán na Comisaría de Lugo, dous en Monforte e dous en Viveiro. Ao finalizar as prácticas, escollerán destino definitivo segundo a puntuación obtida no proceso selectivo.
A iniciativa busca poñer en valor a diversidade cultural do municipio a través da gastronomía, convidando ás persoas de diferentes países a elaborar pratos típicos que se ofrecerán de forma gratuíta ao público. O Concello asumirá o custo dos ingredientes e asignará a cada participante un posto identificado co seu país de orixe. As inscricións poden realizarse ata o 29 de xullo enviando un correo a feiras@vilalba.es. Rouco chamou á participación para seguir construíndo unha Vilalba aberta e integradora, nunha feira que quere consolidarse como espazo de convivencia e dinamización da feira tradicional.
Ata o 4 de agosto poderán realizarse as renovacións, mantendo as tarifas aprobadas en asemblea: 200 € e 250 € para adultos, e acceso gratuíto para menores grazas ao convenio coa Fundación Imdecum, con opción voluntaria de abono infantil por 40 € con reserva de asento. A partir do 5 de agosto activaranse as novas altas. Os abonos poderán tramitarse a través de CLUBER ou presencialmente na oficina do club, con horario de mañá e tarde en xullo e só de mañá en agosto.
A Presidenta Carmela López destacou o valor deste produto emblemático da Mariña e o traballo do sector pesqueiro. Rocío Rivera e Herminia Pernas puxeron en valor a tradición mariñeira de Burela e o papel dos mariñeiros da Moncloa. O público degustou 450 tapas elaboradas con bonito nunha xornada que serviu de escaparate desta cita gastronómica e de convite a visitar Burela a próxima fin de semana.
As crianzas desfrutaron dunha refrescante xornada con inchables e xogos acuáticos na contorna do complexo deportivo da Veiga.
Trátase dunha mostra de 28 fotografías de gran formato do naturalista Ezequiel Martínez que reivindica a diversidade e a conservación da fauna salvaxe. A iniciativa, organizada polo Concello da Pastoriza en colaboración con ABANCA e Afundación dentro do proxecto Corrente cultural, poderá visitarse de balde ata o 26 de agosto. As imaxes, acompañadas de textos divulgativos elaborados por especialistas de Naturnova, amosan especies emblemáticas como o oso pardo, a cegoña, o cervo ou a aguia imperial, convidando a reflexionar sobre a importancia de protexer o patrimonio natural.
