O delegado territorial de Lugo, Javier Arias, comprobou hoxe a marcha dos traballos e indicou que se prevé que estean rematados no mes de abril
A Fonsagrada, 1 de decembro de 2025. A Xunta de Galicia avanza na construción dunha glorieta que ordenará o tráfico no acceso á Fonsagrada pola estrada autonómica LU-530. O delegado territorial de Lugo, Javier Arias, comprobou hoxe a marcha dos traballos e indicou que están executados nun 40% e a previsión é que rematen o vindeiro mes de abril.
A Consellería de Vivenda e Planificación de Infraestruturas inviste preto de 220.000 euros nesta actuación, que servirá para ordenar os fluxos circulatorios no arranque da zona urbana. É un punto de notable densidade de tráfico no que conflúen tres estradas autonómicas: a travesía da LU-530 (avenida de Galicia), que conecta a localidade con Baleira, Castroverde e Lugo; a LU-730 (rúa Maior) e a LU-740, que se afasta do núcleo cara a Vilardíaz.
A glorieta ten un diámetro exterior de 30 metros, con beirarrúas, e a parte central será axardinada con céspede artificial. Estará iluminada cunha columna cilíndrica de aceiro inoxidable de 12 metros de altura, equipada con catro proxectores rectangulares con luminarias de tecnoloxía LED.
Ademais, lévanse a cabo outras actuacións complementarias na zona, como o acondicionamento do ramal de acceso ás vivendas da marxe Este da LU-730, no que se incorporan beirarrúas, cinco prazas de aparcamento e iluminación LED. Igualmente, habilítase un espazo de parada fronte ao hotel existente na contorna, con enlace directo á rotonda.
Arias afirmou que o obxectivo principal é incrementar a seguridade e a funcionalidade da estrada para os usuarios, pero tamén se deseñou coa intención de mellorar a estética neste punto de entrada e saída da Fonsagrada, situado na traza do Camiño Primitivo.
A maiores, nestas primeiras fases da obra colaborouse na renovación da rede de abastecemento e saneamento municipal, que presentaba un estado moi deteriorado e danos que mesmo impedían o normal desenvolvemento dos traballos na vía.
Baixo o título “A guerra en Oriente Medio. Do xenocidio en Palestina á agresión a Irán”, o analista internacional Duarte Correa ofrecerá unha intervención centrada na evolución do conflito, o impacto humanitario e as implicacións xeopolíticas da escalada bélica na rexión.
A proba, organizada polo CP Altrúan, reunirá 137palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García achegouse esta tarde a Ribadeo para presentar a proba, que comezará ás 15.30 coa saída dos prebenxamíns e benxamíns. A continuación e de forma escalonada, desenvolveranse as probas das categorías infantil, alevín e cadete e xuvenil.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
A Garda Civil de Burela tomou declaración este 10 de xuño a unha representante do departamento en liña de Porcelana de Sargadelos, que denunciou unha estafa na que se emprega a imaxe da empresa para enganar clientes. Segundo explicou, desde finais de abril están a aparecer páxinas web falsas con descontos do 80% e perfís fraudulentos en redes sociais como Instagram, TikTok e Facebook, a través dos que varios usuarios xa foron estafados. A compañía presentou denuncias contra distintos dominios e contas, das que só unha continúa activa, e achegou tamén os rexistros da marca e as comunicacións realizadas ante Meta. A denuncia foi formalizada no cuartel da Garda Civil de Burela, onde quedou incorporada ás dilixencias abertas polo corpo.
O deputado galego Francisco Millán Mon explicoulles o día a día da súa actividade nesta cámara e a importancia da Unión Europea para Galicia e viceversa. Desde a dirección do centro agradecen “a súa exposición e o trato dispensado ao alumnado e profesorado desprazado a Bruxelas”. Neste 2026 cúmprense 40 anos da adhesión de España á Comunidade Económica Europea, así se denominaba naquel momento. O IES de Ribadeo é Escola Mentora do Programa Escolas Embaixadoras do Parlamento Europeo.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
A mostra, aberta na sala de exposicións do Auditorio Municipal de luns a venres entre as 18:00 e as 22:00 horas, reúne preto de 30 obras de artistas emerxentes e consolidados, ofrecendo diversas miradas sobre a paisaxe, a identidade, a memoria e a realidade contemporánea. A alcaldesa, Marta Rouco, destacou o valor de que Vilalba forme parte desta programación compartida e o impacto positivo que supón para a actividade cultural local.
