Viveiro, 30 de decembro, 2025. O BNG de Viveiro votou en contra dos orzamentos municipais para 2026 presentados polo Partido Popular ao considerar que se trata duns orzamentos sen proxecto político, sen planificación e que incumpren compromisos adquiridos coa veciñanza.
Desde o Bloque recoñécese o esforzo técnico do persoal municipal por traer os orzamentos en tempo e forma, tal e como fora solicitado. Porén, a nivel político, os documentos presentados son os orzamentos dos incumprimentos, da improvisación e da falta total de xestión.
Non aparece consignación para actuacións fundamentais como o abastecemento e saneamento, a reforma da Praza de Abastos ou a captación de empresas. Tampouco figuran os máis de 370.000 euros comprometidos polo Partido Popular para o Conservatorio, unha partida clave que permitiría, entre outras cousas, reducir os atrasos no pagamento ao persoal e avanzar noutros proxectos estratéxicos para o concello.
“Os orzamentos carecen de proxectos propios definidos, non contan con convenios asinados nin cunha folla de ruta clara. As poucas inversións recollidas son herdadas do goberno anterior e aínda pendentes de executar, como o saneamento nas Aceñas”.
“A tal punto chega a falta de planificación que o propio goberno recoñece non saber en que investir os fondos de compensación ambiental”.
Ademais, o Partido Popular volve apostar polas subvencións nominativas “a dedo”, excluíndo entidades do tecido asociativo sen criterios claros nin concorrencia competitiva. Hai asociacións que dinamizan o concello durante todo o ano que quedan sen apoio económico, mentres o goberno municipal non dubida en apropiarse das súas actividades como se fosen programación municipal propia.
O BNG tamén denuncia o malgasto de fondos públicos, como o feito de pagar dúas veces por unha auditoría de servizos enerxéticos xa existente, nun uso irresponsable do diñeiro de todos e todas que require explicacións e responsabilidades políticas.
A todo isto súmase unha cuestión especialmente grave: o pleno no que se debateron e votaron os orzamentos desenvolveuse sen gravación nin emisión á veciñanza, rompendo coa práctica habitual de transparencia. A sesión foi improvisada na sala de Xuntas, cando existían alternativas como o Conservatorio ou o Teatro, xa utilizados noutras ocasións. “As condicións foron tan lamentables que os propios concelleiros nin sequera podiamos vernos as caras, sentados dándonos as costas uns a outros, amontoados e sen as mínimas garantías para un debate democrático e público” criticou Cotelo.
Cómpre lembrar que nos anteriores orzamentos o BNG optou pola abstención, dando un voto de confianza a un goberno que levaba pouco tempo. A pesar diso, o Partido Popular anunciou falsamente unha aprobación por unanimidade. “Advertimos daquela que esa empatía non se repetiría. Estes orzamentos non cumpren compromisos, non presentan proxecto político, reparten subvencións de maneira arbitraria e malgastan fondos públicos. Por todo iso, o BNG votou en contra” sentenciou a portavoz que conclúe conque “Viveiro merece planificación, seriedade, respecto polo diñeiro público e transparencia democrática. E o Partido Popular, a día de hoxe, non ofrece nada diso”
Ocorreu pasadas as 15:30 horas. Un traballador tivo que ser evacuado ao hospital logo de caerlle o tronco dunha árbore enriba mentres realizaba tarefas no monte en Cervo. Aínda que estaba liberado e consciente, precisaba asistencia sanitaria. Os profesionais de Urxencias Sanitarias de Galicia-061 trasladárono finalmente ao Hospital de Burela. Neste operativo tamén participaron a Garda Civil e a Policía Local de Cervo.
Subliñou o traballo colectivo, o papel do voluntariado e a participación de arredor de mil corredores. Tamén puxo en valor o impacto económico e social da proba e o apoio institucional que permite o seu crecemento, incluída a difusión en streaming que levou a CAMOVI e a Viveiro a todo o mundo.
O presidente, José Manuel Gómez Puente, destacou o bo tempo e o reencontro do grupo nun percorrido de 22 km entre Pedrafita e Triacastela. A próxima etapa será o 1 de maio, entre Triacastela e Sarria, e xa está aberta a inscrición no teléfono 623 22 68 25.
Ás doce en punto, tres foguetes —un por cada palabra do nome oficial— foron lanzados desde O Castrodouro, capital histórica do termo municipal e orixe da localidade, pois alí, hai 806 anos, Afonso IX concedeu o título de vila e todo un distrito que administrar; episodio histórico do que deriva o nome do concello. Os veciños reunidos mostraron a súa satisfacción pola recuperación da denominación histórica, afirmando moitos deles que nunca deixaran de empregar o nome completo. Do mesmo xeito, os maiores agradeceron aos impulsores da iniciativa a restitución do topónimo que a historia legou ao municipio alfocés.
Viveiro, 20 de abril, 2026. A proba volveu converter Viveiro nun punto destacado do deporte e da convivencia, ademais de supoñer un impulso económico para o municipio. María Loureiro destacou que a Camovi “é un exemplo de colaboración e esforzo colectivo, que sitúa Viveiro no mapa e dinamiza a economía local”. O Partido Socialista lembra o seu apoio histórico á carreira e reafirma o seu compromiso para seguir contribuíndo ao seu crecemento. O PSOE agradece tamén á veciñanza a súa acollida e implicación, fundamentais para que o evento continúe medrando ano tras ano.
Castro destacou o labor da Asociación e o potencial da tradición do ferro como motor económico, social e cultural para Riotorto, subliñando a importancia de impulsar iniciativas que garantan futuro para estes oficios. A Deputación de Lugo mantén unha colaboración estable coa entidade, cunha achega de 14.000 euros. No marco deste apoio, a Asociación avanzou na documentación dos oficios do ferro, catalogando ferramentas, técnicas e a historia das antigas “ferrerías de monte”.
O responsable provincial destacou "o traballo realizado pola organización ao longo destes anos para consolidar unha proba deportiva de primeiro nivel, que atrae tanto deportistas do máximo nivel competitivo como participación popular"
