Lugo, 30 de decembro, 2025. O grupo provincial do BNG non asistiu ao pleno extraordinario celebrado esta mañá na Deputación de Lugo baixo a presidencia de José Tomé. A formación nacionalista mantivo a posición adoptada nas últimas semanas nas que non participou en ningún órgano de goberno presidido por Tomé.
A portavoz Iria Castro reiterouse na tolerancia cero contra a violencia machista que guiou ao grupo provincial tras coñecerse a denuncia por acoso sexual presentada contra José Tomé nunha canle interna do Partido Socialista e que desembocou na súa renuncia definitiva ao cargo, oficializada esta mañá.
A deputada nacionalista lembrou que o BNG actuou desde o primeiro momento con contundencia, esixindo a dimisión de José Tomé dos seus cargos e reclamando tamén ao Partido Socialista a súa renuncia á acta de deputado provincial.
O grupo nacionalista refrendou esta posición tamén no pleno ordinario celebrado tras facerse efectiva a dimisión, votando a favor da moción de reprobación de José Tomé, presentada polo Partido Popular.
Na sesión, a portavoz nacionalista contrapuxo a coherencia e firmeza do BNG ao “carroñeirismo político” do PP, que se sumou a esta esixencia días despois cando decidiu utilizar “este caso para tratar de chegar ao goberno da Deputación de Lugo”. “Piden cabezas cando os acusados son outros, mentras despiden aos seus entre aplausos”, lembrou en referencia ao ex-conselleiro Alfonso Villares, para poñer de manifesto a hipocrisía política dos populares.
Periodo transitorio ata a elección de nova presidencia
A dimisión de José Tomé abre un periodo transitorio no que Efrén Castro asume a presidencia en función da Deputación de Lugo. O deputado nacionalista, ata agora vicepresidente, asume o cargo ata o vindeiro 14 de xaneiro, data na que se prevé, dacordo co regulamento, un pleno para a elección dunha nova presidencia.
“Coa dimisión de Tomé ábrese un tempo novo, temos catorce días para devolver a normalidade ao funcionamento desta institución. O BNG vai traballar niso”, sinalou Efrén Castro á entrada do pleno ordinario, no que actuou como presidente.
Neste espazo radiofónico, de 12 a 14 horas, Félix Jorquera falará coa directora do IES de Foz, Leticia Maseda, co coordinador do evento, José Ríos, así como con alumnado e profesorado participante e moi implicado nos Campionatos Internacionais de Baristas e Catas de Café, que estes días enchen Foz de xente e de aroma cafeteiro.
Os propietarios, Javier Montero e Tita Iglesias, recolleron o recoñecemento na Coruña, agradecendo o apoio da clientela, do seu equipo —formado integramente por mulleres— e da propia guía. O establecemento mantén esta recomendación desde 2021 e suma tamén un Sol Repsol, obtido en 2024 e renovado para 2026. O hotel restaurante Javier Montero abriu as súas portas en novembro de 2018.
Unha comedia orientada para público adulto dirixida por Cándio Pazó. Hora: 20.30. Sipnose: 1880, Curros Enríquez é denunciado polo bispo de Ourense por uns poemas do seu libro Aires da miña terra, un dos piares do Rexurdimento Galego. A pesar da opinión contraria do fiscal, un xuíz dá curso á denuncia e o célebre escritor é procesado e condenado.
A xornada comezou cun aperitivo no bar O Colorado, onde os socios se reuniron para o tradicional brinde previo ao xantar. O encontro continuou no Restaurante Asturias nun ambiente de fraternidade, gozando dun cocido digno de exaltación e dunha longa sobremesa. Durante a velada, os asistentes compartiron lembranzas e falaron das actividades que a asociación prepara para o futuro, nun ano no que Os Cacholeiros se achegan ao seu 35º aniversario. A entidade aproveita esta celebración para reivindicar unha vez máis os pratos tradicionais, elaborados con produtos locais e de tempada, e o labor dos establecementos hostaleiros do concello e da comarca.
A cita terá lugar ás 14.30 horas no Restaurante Louzao, en Area. A actividade, promovida polo Centro de Información á Muller e pola Delegación Municipal da Muller do Concello de Viveiro, está concibida como un encontro de convivencia e participación arredor do 8M. O prezo do xantar é de 50 euros. O Concello de Viveiro publicará nos vindeiros días a programación completa organizada con motivo do 8M.
A presidenta da Deputación, Carmela López, e outros cargos do PSdeG destacaron o valor do grelo como produto emblemático e subliñaron que iniciativas como esta impulsan a economía local, apoian ao sector produtor e reforzan a identidade do rural lucense.
O distintivo, concedido por ADEAC, recoñece a excelencia ambiental e a xestión sostible do territorio.En 2026 o programa acada cifras récord, con máis de 1.200 km de sendeiros en 154 municipios. A senda franquía destaca pola súa calidade paisaxística e ambiental, ao unir Castello e Porcía a través de acantilados, praias e espazos de alto valor ecolóxico. Este recoñecemento reforza o compromiso de El Franco cun modelo que combina conservación, educación ambiental e turismo sostible, situando o concello na rede estatal de itinerarios de excelencia. A entrega oficial das bandeiras será o 6 de marzo no Castelo de Cullera.
