Viveiro, 5 de decembro, 2025. O BNG de Viveiro súmase ás concentracións impulsadas polas familias do CEIP Plurilingüe de Covas, que cada venres, ás 09.00 horas da mañá, levan a cabo concentracións diante do centro baixo o lema de “Venres Negro” para denunciar a grave falta de recursos de apoio educativo. O obxectivo destas protestas é reclamar unha atención digna para o alumnado con necesidades específicas de apoio, especialmente nas áreas de Audición e Linguaxe (AL) e Pedagoxía Terapéutica (PT).
A portavoz municipal do BNG en Viveiro, Iria Cotelo, xunto co concelleiro nacionalista Juan Ramón Martínez e o deputado do BNG no Parlamento galego, Daniel Castro, mantiveron o pasado luns unha reunión con familias e representantes da ANPA do CEIP Plurilingüe de Covas, tras as reiteradas denuncias públicas sobre os recortes no profesorado de atención á diversidade.
O centro conta con 154 nenos e nenas matriculados, dos cales máis de 30 precisan atención especializada, unha porcentaxe moi elevada que vén arrastrando, curso tras curso, un progresivo deterioro nos recursos destinados ao apoio educativo. As familias e o profesorado coinciden en sinalar que, malia o esforzo constante do cadro docente, os medios actuais son claramente insuficientes para dar resposta ás necesidades reais do alumnado.
Desde o ámbito municipal, Iria Cotelo cualifica a situación de “totalmente insostible”, subliñando que “falamos dun centro cunha elevada concentración de alumnado con necesidades específicas de apoio educativo, con nenos e nenas en risco de exclusión social e cun alto índice de absentismo”. Nesta liña, denuncia que “lonxe de reforzar os recursos onde máis falta fan, a Consellería de Educación segue aplicando recortes”.
Pola súa banda, o deputado Daniel Castro lembra que “esta realidade é perfectamente coñecida polas administracións públicas” e cualifica como inaceptable “que se siga aplicando un catálogo xeral para asignar o persoal de apoio, baseándose unicamente no número total de alumnado, sen ter en conta a complexidade social e educativa de cada centro”.
Precisamente para dar unha resposta inmediata a esta problemática, Daniel Castro rexistrou o pasado 3 de decembro unha Proposición non de Lei no Parlamento Galego para instar á Xunta a reforzar de maneira urxente o CEIP de Covas cunha profesional de Audición e Linguaxe a tempo completo e outra de Pedagoxía Terapéutica a media xornada. Así mesmo, reclama unha resposta inmediata ás demandas das familias, dada a situación de emerxencia educativa que atravesa o centro.
No eido municipal, Iria Cotelo presentou tamén un rogo no pleno ordinario de decembro do pasado mércores, no que estiveron presentes familias e representantes da ANPA, para instar á actual alcaldesa de Viveiro a reunirse coas familias e co profesorado e a exercer de intermediaria ante a Xefatura Territorial de Educación, coa fin de acadar unha solución urxente e inmediata para o centro.
Desde o BNG queren tamén poñer en valor a constancia das familias, que cada venres manteñen as súas concentracións como símbolo da loita pola igualdade de oportunidades e polo dereito a unha educación pública de calidade, e anuncian que continuarán apoiando todas as iniciativas de mobilización ata que se dean solucións reais e efectivas.
A representación terá lugar este sábado día 18, ás 19:30 horas, no local social da Asociación de Veciños de Marzán, un dos destinos habituais nas xiras anuais da compañía. O Centiño mantén así a tradición de visitar este espazo, onde agarda compartir co público unha tarde divertida e chea de humor. A agrupación teatral continúa así coa difusión da súa nova obra, que segue a percorrer diferentes escenarios da comarca.
Dezaoito locais hostaleiros de Ribadeo, Rinlo e Vilaframil ofrecerán diversas preparacións ata o vindeiro domingo: en escabeche, en salpicón, en empanada, ao allo, á prancha, en albóndega, etc… Todas as propostas poden consultarse nas redes sociais de Acisa Ribadeo, que agradece “unha vez máis o apoio da OPP do Porto de Burela, que nos doou 90 quilos de cabala para estas xornadas, produto que entregamos de xeito gratuíto aos locais participantes. Achegámoslles así unha parte do peixe que empregarán nesta nova cita gastronómica na que tamén colabora o Concello de Ribadeo”. Ata o porto, ao restaurante Marinero, se achegaron este mediodía o director territorial da Consellería de Mar, Alexandre Piñeiro, as concelleiras ribadenses Montse Seijo, Elena Sierra e Begoña Sanjurjo, a presidenta de Acisa, Carmen Cruzado, o xerente do colectivo empresarial, Jesús Pérez, e o técnico de Acisa, Jorge Fernández, que puideron degustar as elaboracións realizadas por este establecemento hostaleiro.
Durante a xornada Lionel compartirá a súa experiencia no mundo da escrita, dando a coñecer os seus procesos creativos e as temáticas que caracterizan os seus libros. O acto incluirá un coloquio participativo cos asistentes do club onde poderán preguntar e intercambiar opinións co autor sobre o libro lido “A raíña das velutinas”.
O sábado terá lugar no Casino o III Showcooking, con cociña en directo e maridaxe de viños. O público poderá votar os seus pinchos favoritos e participar no sorteo dunha noite no hotel Marqués de Riscal. A entrega de premios será o luns 20 ás 19:00 h. O Concello e Destino Navia animan a veciños e visitantes a gozar desta cita gastronómica.
Haberá degustación diaria de ostras na carpa do porto. Concertos, showcookings, visitas guiadas e actividades mariñeiras. Lancha pola ría, exposición de maquetas e concurso fotográfico #somoslasostra2026, ademais propostas especiais en Acueo, La Casilla e Restaurante Peñalba.
A etapa, cun percorrido duns 150 quilómetros, partiu arredor das 11:30 horas e rematou en Barreiros, atravesando concellos como Xermade, Muras, Viveiro ou Foz. A proba reúne a equipos do ciclismo profesional internacional e sitúa a provincia de Lugo como escenario dunha das citas deportivas máis destacadas do calendario. O Goberno colabora no desenvolvemento da carreira a través das Forzas e Corpos de Seguridade do Estado, que velan polo correcto desenvolvemento da proba e pola seguridade de participantes e afeccionados.
As persoas interesadas poden anotarse ata o 24 de abril na Casa do Concello (Cervo) ou na Casa da Cultura (San Cibrao). A actividade está dirixida a persoas pensionistas empadroadas no municipio. Trátase dunha xornada pensada para compartir, celebrar e desfrutar en comunidade.
