Daniel García: “as nenas e nenos teñen que ter referentes para que vexan a actividade agrogandeira como un opción de futuro”.
Barreiros, 17 de decembro de 2025. A gandería Mantono Holstein, na Insua, en Barreiros, acolleu este martes unha das últimas actividades formativas da cuarta edición do programa Da Escola á Granxa, organizado pola área de Rural da Vicepresidencia da Deputación de Lugo.
Medio cento de alumnas e alumnos de infantil e primaria do CEIP de San Miguel de Reinante, no mesmo concello de Barreiros, participaron na actividade da man da ANPA, unha das 73 asociacións de nais e pais de toda a provincia que se sumaron á cuarta edición do programa, pensado para achegar as novas xeracións á actividade agrogandeira.
Da man de Saúl Dorado, as nenas e nenos coñeceron o día a día desta granxa familiar de leite, con máis de 240 animais -máis de 100 en muxido – recoñecida en diferentes certames polo seu traballo de selección e mellora xenética e cunha produción orientada á elaboración de queixos de Entrepinares.
O deputado de Rural Daniel García e a alcaldesa de Barreiros Ana Ermida seguiron de preto a actividade na que as nenas e nenos coñeceron as características do establo, o funcionamento da sala de muxido ou as condicións en que se conserva o leite ata a súa recollida, ademais de degustar algúns dos queixos que se elaboran con el.
Daniel García valorou o desenvolvemento da cuarta edición do programa que “pecharemos con máis de 200 actividades realizadas e coa participación de preto de 7.000 nenas e nenos de infantil e primaria de toda a provincia”
O responsable provincial agradeceu “a colaboración das granxas que se sumaron ao proxecto, así como das anpas e dos colexios que deciden incorporar estas actividades á aprendizaxe das súas fillas e fillos”, Nesa liña remarcou, remarcou que “as nenas e nenos teñen que ter referentes e vivencias positivas para que vexan a actividade agrogandeira como un opción de futuro, que é o que pretendemos con este programa”.
Ana Ermida subliñou a importancia da produción agrogandeira no concello, “unha labor fundamental para a economía pero tamén socialmente” e incidiu “no recoñemento ás ganderías do concello, que levan moitos anos traballando e que tiveron a capacidade de adaptarse aos tempos”.
A cuarta edición do programa Da Escola á Granxa contou coa participación de 45 granxas repartidas por toda a provincia e dedicadas a actividades diversas, desde a produción de froita e produtos de horta ata a cría de gando vacún, ovino, cabrún, avícola ou cabalar, a produción de leite ou a elaboración de queixos e marmeladas. As granxas configuran a oferta formativa do programa, dirixido a anpas de centros educativos de toda a provincia, que reciben financiamento para o desprazamento. O programa pechará a finais de ano cun total de 200 actividades realizadas e a participación de máis de 7.000 alumnos e alumnas de infantil e primaria.
O investigador achegarase a Ribadeo para falar sobre Urraca, considerada por moitos a emperatriz de todos os galegos e galegas. A entidade xa coñece o bo facer de Picallo, pois en anteriores ocasións participou como ilustrador nas presentacións das novelas Ao sur da liberdade e Entre a vontade e o destino, de Xosé Henrique Costas, deixando unha excelente impresión. Nesta ocasión, o público poderá escoitar ao Picallo historiador, que achegará novos datos sobre o reino de Galiza, unha realidade histórica que durante anos permaneceu agochada e que hoxe se recupera grazas a publicacións e investigacións como a súa.
A última xornada tivo lugar o sábado 7 de marzo no Local Social, coa disputa da final entre as dúas parellas clasificadas. A continuación celebrouse a tradicional cea e a entrega de premios ás tres primeiras parellas. Os equipos gañadores foron: 1º posto: Carlos e Toñito. 2º posto: Eladio e Santi. 3º posto: Tomás e Demetrio. A Xunta Directiva agradece a excelente acollida desta edición e expresa o seu desexo de seguir contando coa participación de todos nas vindeiras convocatorias.
Ocorreu minutos antes das 15 horas e o vehículo obstaculizaba a circulación. O 112 Galicia tivo constancia deste accidente a través dun particular: un camión acababa de envorcar no quilómetro 10 da LU-541, en Ladra (Vilalba). Nun primeiro momento pensouse que o condutor podía estar atrapado, mais conseguiu saír polo seus propios medios. No operativo participaron Urxencias Sanitarias de Galicia-061, os Bombeiros de Vilalba, a Garda Civil de Tráfico e os servizos de mantemento da estrada. O vehículo perdeu algo de combustible como consecuencia do impacto, pero os bombeiros resolveron rapidamente a situación.
No marco desta iniciativa, a asociación realizará o 6 de maio unha viaxe a Monforte, que incluirá visitas ao Museo do Ferrocarril ou ao Pazo de Tor, ao conxunto monumental de San Vicente do Pino, ao Centro do Viño da Ribeira Sacra e unha explicación exterior do Colexio de Nosa Señora da Antiga. As persoas interesadas en participar poden inscribirse entre o 10 de marzo e o 10 de abril chamando ao 660 47 72 30 ou escribindo ao correo vencelloburela@gmail.com.
Esta iluminación comezará acendendo en días sinalados, nos que se celebre ou queira darlle visibilidade a algún acontecemento. “Pareceunos un bo día este 8 de marzo, no que conmemoramos o Día da Muller, comezar o uso desta instalación”, explica a concelleiro de alumeado, Ángel Fernández Neira. “As letras de Foz son un signo de identidade do noso pobo e esta iluminación dálles unha nova vida”, explica o alcalde, Fran Cajoto.
Durante a visita, as representantes municipais fixéronlle entrega dun ramo de flores e compartiron con ela un momento moi agradable, celebrando xuntas esta data significativa. Con este xesto, o Concello quixo recoñecer e poñer en valor ás persoas maiores de Burela, que forman parte fundamental da comunidade e son depositarias da memoria, da experiencia e dos valores do municipio.
O 14 inaugúrase o Rincón da Poesía, con música de gaitas e concerto de Xuaco Amieva, ademais da presentación de Viaxe a Dacondo I. O 21 terá lugar un recital poético-musical na Casa de Cultura, con música en directo, participación de autores locais, presentación do libro Tu voz en mi voz e homenaxe a Luis Pérez del Súcaro.
