Viveiro, 6 de decembro, 2025. O Grupo Municipal Socialista de Viveiro manifesta publicamente a súa profunda preocupación pola forma na que a alcaldesa está a dirixir os plenos municipais. As últimas sesións amosan, con claridade crecente, unha deriva marcada polo sectarismo, a falta de respecto institucional e un uso discrecional da palabra que vulnera o funcionamento normal da corporación.
O PSOE considera especialmente grave a maneira de proceder da rexedora cando se realizan alusións a membros do seu goberno. Segundo denuncian, permítelles intervir sen ter a palabra, alterando o desenvolvemento regulamentario da sesión e convertendo o pleno nun espazo onde as normas só se aplican segundo a conveniencia política do executivo.
Pola contra, cando a alcaldesa realiza afirmacións sobre o Partido Socialista —moitas delas, segundo o grupo municipal, absolutamente falsas e doadas de desmontar— impídese ao PSOE responder, negándolle o uso da palabra mesmo cando está a ser acusado directamente. Para os socialistas, esta actitude evidencia unha clara vontade de impedir que se coñeza a verdade e de limitar a capacidade da oposición para exercer o seu labor de control democrático.
O grupo municipal denuncia tamén que a alcaldesa aproveita o seu papel de presidenta do pleno para pechar debates con intervencións de duración arbitraria e sen posibilidade de réplica. Consideran que se trata dun comportamento impropio dunha institución democrática e que supón un uso partidista e autoritario da presidencia.
Desde o PSOE de Viveiro lembran que, aínda que foron apartados do Goberno local mediante unha moción de censura, seguen representando a milleiros de veciños e veciñas do concello. Por iso reclaman o mesmo respecto institucional que calquera outro grupo político. O que está a suceder, afirman, non só incumpre o Regulamento Orgánico Municipal, senón que constitúe unha falta de respecto á corporación e á propia democracia municipal.
Por todo isto, o Grupo Municipal Socialista pide á alcaldesa que rectifique, que respecte o regulamento e que trate a oposición coa dignidade que merece. “Gobernar non é mandar —sinalan—; gobernar é escoitar, permitir o debate e exercer a acción política con transparencia”. Uns principios que, lamentan, “hoxe brillan pola súa ausencia no Concello de Viveiro”.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partirán de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A alcaldesa Marta Rouco inaugurou a cita, que abriu coa IV Volta Ciclista á Terra Chá e cunha programación centrada na relación entre Galicia e Cuba e na memoria da emigración. Houbo unha mesa redonda sobre o Centro Galego da Habana, a exposición Galicia Imaxinada e música, ademais dunha mostra de xornais antigos. Rouco reivindicou a importancia de lembrar a emigración galega e apelou a mirar con humanidade as migracións actuais, destacando tamén o papel das asociacións culturais das parroquias na conservación das tradicións. A feira continou con desfile de época, xantar popular, xogos, animación, baile cubano, foliada, queimada e propostas musicais e artesanais ata a noite.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Ocorreu minutos antes das 11:30 horas. Unha persoa foi trasladada ao hospital tras resultar ferida na colisión entre un coche e un autobús no quilómetro 512 da A-8 en sentido A Coruña, en Vilaframil (Ribadeo). Entre os alertadores estiveron as persoas que viaxaban no coche, que puideran saír do vehículo. Por outra banda, o autobús conseguiu deterse uns metros máis adiante. Ao punto desprazáronse Urxencias Sanitarias de Galicia-061, a Garda Civil de Tráfico e os servizos de mantemento da autovía.
