A pesar das numerosísimas ocasións do Burela, non lograron puntuar en Vista Alegre ante o Ceutí
Burela, 20 de decembro, 2025. Partido dominado polos mariñáns, sobre todo na segunda parte, con numerosas ocasións que non chegaron a entrar en portería rival durante 40 frustrantes minutos coa mala sorte que ás veces caracteriza ao deporte e que non por iso derrubará a un equipo que sabemos que volverá das vacacións co chip recargado.
Abre o partido con ocasión de Alberto que a recupera e dispara no minuto un, despexando co pé Mario Gómez e outra de Meira no 6 que detén o porteiro coas mans. Volve tentalo Alán nunha boa transición un minuto despois e sácaa Mario a córner. Presiona buscando o gol o Burela, sen deixar moitas opcións ao equipo visitante que a penas ten ocasións nestes primeiros minutos. Sácaa Charly do oco xunto ao pau nun saque de falta directo do Ceutí e volve sacala, esta vez João, tras o saque de banda no minuto 9. Volve sacar moi ben João nunha contra no minuto 11 e chega o 0-1, un gol de Moñino que remata un saque de banda. Un Burela con mala sorte continúa tentándoo con numerosísimas ocasións pero sen conseguir o empate, ata que chega o segundo de Moñino nunha contra no minuto 14 e que sentencia unha primeira parte que foi do equipo local.
Na segunda parte o cadro de David Rial logra achegarse no marcador no minuto 23, cun gol de Marquinho a pase de Pitero nunha situación de contraataque. Téntao Alán no 25 lanzando desde a banda pero rozando o pau e outra vez dous minutos despois rematando un pase de Charly, pero despexa o porteiro a córner. Falta perigosa para o Reyco Burela no 26 que tira Izan rasa e directa, pero sácaa Mario Gómez co pé e téntao Charly no 27 disparando ao primeiro pau unha deixada de costas de Marquinho. Lánzaa fóra Charly a porta baleira nunha nunha situación de saída de porteiro e recuperación no minuto 8, non logrando rematar Izan un balón do coruñés segundos despois. Volve Marquinho cun disparo afastado directo a portería que salva o porteiro do conxunto Ceutí e continúa presionando o Burela empeñado nun empate que parece non querer chegar. Tira á cruceta Pitero no 33 tras un xiro e disparo lateral e pide tempo morto Morenín. Sácaa Mario por arriba da portería no 35 nun disparo de Marquinho tras un saque de banda de Charly. Por fin chega o empate, un remate de cabeza do capitán burelense tras un balón ao pau de Marquinho, pero na primeira xogada do saque de centro, Álex García vaise pola banda escapando a Pitero e métea nun cara a cara con João. Sae Charly coa camiseta de porteiro-xogador buscando o empate con xogo de 5 pero outra vez o ex-burelista Álex García anota a portería baleira o 2-4. Continúan intentándoo con xogo de 5 con Charly e outra vez balón ao pau, de Izan, nun bo disparo raso desde os 10m e dispara fóra a 37 segundos do final continuando co xogo de 5. Sácaa Charly a 15 segundos coa elástica azul nunha contra do Ceutí na que será a última ocasión do partido.
Ficha Técnica Reyco Burela FS 2-4 UA Ceutí
Reyco Burela FS (2): João Silva; Pitero (C), Charly, Alberto, Izan -quinteto inicial-, Marquinho, Meira, Alán, Walter.
UA Ceutí (4): Mario Gómez; Nacho Torres, Álvaro, Álex Moñino, Gustabo Barbosa -quinteto inicial,- David Señoret, Álex García, Antón, Mario Carrión.
Goles: 0-1, min. 11: Moñino. 0-2, min. 14: Moñino. 1-2, min. 23: Marquinho. 2-2, min. 35: Pitero. 2-3, min. 36: Álex García. 2-4, min. 38: Álex García.
Árbitros: José Antonio Cañas Mañas // Rubén Miguel Velasco // Óscar Luis Gulín Piñeiro // María López López. Por parte do Reyco Burela veu a tarxeta amarela Izan (30’), Por parte do UA Ceutí, Álex García (19’) e Nacho Torres (39’).
Incidencias: Partido correspondente á xornada 13 de Segunda División Masculina disputado no pavillón municipal Vista Alegre de Burela.
Arxentina de nacemento e viveirense de corazón, retomou en Galicia a súa vocación artística e atopou na escultura a súa forma de expresión. A súa obra céntrase en figuras humanas cargadas de emoción, en soidade ou en relación cos outros. A exposición reúne pezas seleccionadas e premiadas en certames de Madrid, Barcelona, Valdepeñas e Florencia nos últimos oito anos, que agora regresan —como a súa autora— á casa. Poderá visitarse ata o 29 de agosto.
Villares gabou o traballo do club Val de Francos, “que en tempo récord logrou situar esta cita entre as máis atractivas da provincia para os afeccionados á hípica”. Neste sentido, destacou a proxección que está a gañar este deporte e o impulso que recibe da Xunta, principalmente a través dun convenio coa Federación Hípica Galega polo que destina máis de 80.000 euros para as actividades a desenvolver este ano. A proba discorrerá por camiños forestais de terra, a excepción dos cruces de estradas, e constará de tres modalidades, con distancias de 80, 60 e 40 quilómetros respectivamente.
A clasificación final quedou do seguinte xeito: en Sub-10, Los 5 FC proclamáronse campións, seguidos de Los Balones; en Sub-12, o primeiro posto foi para Aston Birra, seguido de Minavo de Kiev e The Blues Bananas; en Sub-15, o equipo Piti levou o título, seguido de PDC e Camoca; en Sub-17, PDC acadou o primeiro posto, por diante de Papa Cu Leti e Motototo; e na categoría Sénior, Motototo resultou gañador, seguido de Descansa e Texeira Lima. As medallas foron entregadas pola alcaldesa, Dolores García Caramés, acompañada polos concelleiros José Manuel Balseiro e Alfredo Fernández, que felicitaron a todos os participantes polo seu esforzo e deportividade.
As reservas poderán realizarse por teléfono, chamando ao 982 560 162, ou a través do correo electrónico cultura@viveiro.gal, en horario de 9:00 a 14:00 horas. Cada persoa poderá solicitar un máximo de catro entradas. Desde o Concello de Viveiro anímase á veciñanza a asistir a esta representación e lembra que as reservas se atenderán a partir da apertura do prazo.
A clasificación final situou a Braulio Gayoso (TM Luarca) como gañador, seguido de Eugenio Alonso (CD San Ciprián), e dun terceiro posto compartido por Carlos Ron (Atletic Génova TM) e Domingo Larriety (TM Luarca). A alcaldesa de Cervo, Dolores García Caramés, entregou os trofeos e destacou o éxito dun torneo que xa se consolidou como unha cita imprescindible do calendario deportivo estival. O Concello felicita aos gañadores, a todos os participantes polo alto nivel amosado durante a xornada e ao CD San Ciprián pola excelente organización dun evento que continúa reforzando o seu papel como referente do tenis de mesa no norte peninsular.
Durante o evento realizouse unha ofrenda aos mariñeiros falecidos e, seguidamente, tivo lugar a subida da imaxe da Virxe do Carme ata a Igrexa. Esta última xornada continuou cunha misa solemne, á que asistiron numerosos veciños e visitantes que se achegaron ata a localidade mariñá, seguida da procesión acompañada pola Banda Naval e de actuacións musicais. A programación completarase a partir das 17:00 horas con diferentes actividades para os máis cativos e cativas.
Estará dedicada á figura de Leopoldo Calvo-Sotelo, xa que neste 2026 cúmprese o centenario do nacemento de quen fora presidente do Goberno. No acto interviñeron o presidente do RCNR, Pablo Fernández, o director territorial de Deportes da Xunta, Manuel Otero, un dos fillos do tamén alcalde honorario de Ribadeo Víctor Calvo-Sotelo, e o rexedor ribadense, Dani Vega. Todos exaltaron a práctica deportiva na ría, a labor desenvolvida polo Real Club Náutico e a vinculación de Leopoldo Calvo-Sotelo co estuario. Entre o público asistente estaban máis membros da familia Calvo-Sotelo, directivos e ex directivos do RCNR, edís de Ribadeo e representantes de Acisa.
