Ribadeo, 18 de decembro de 2025. Ribadeo busca apoios na Xunta e na Deputación de Lugo para un campo de fútbol de herba artificial. O alcalde, Dani Vega, mantivo un encontro coa SD Ribadeo e co Ribadeo FC para abordar esta cuestión.
O rexedor explicou que “tivemos unha reunión coa SD Ribadeo e co Ribadeo FC para xestionar e para traballar en conxunto por un novo campo de herba artificial. O obxectivo é ese, ter un campo de herba artificial. A necesidade ven desde hai moito tempo, non é de agora. A urxencia ven de hai moito tempo, non e de agora. E desde logo nosoutros non queremos poñer ningún tipo de disculpa. É verdade que levamos só 2 anos, houbo moito que facer, hai que priorizar e xestión vai deso, de saber priorizar e saber as necesidades”.
Vega dixo que “as necesidades na área de Deportes son moitas. Por iso non só estamos traballando en conxunto coa SD e co Fútbol Club para ter un novo campo de herba artificial, senón xa toda a inversión que se fixo no Pepe Barrera ou tamén coas outras disciplinas deportivas, traballar para ter arranxado o pavillón que está situado na rúa Alfredo Deaño, tamén o pavillón de Cubellas, e dende logo todas as instalacións deportivas nas que durante estes anos fomos facendo inversión que vai en concepto de conservar o que hai e tamén mellorar o que estaba completamente destrozado ou abandonado”.
O alcalde subliñou: “unha mensaxe clara, campo de herba artificial para Ribadeo. Desde o Concello vamos loitalo constante e permanentemente. E agradecemos á SD e ao Ribadeo FC todo o apoio que nos están dando. Xuntos é como se fan as cousas, como se conseguen as cousas, e evidentemente, desde un traballo leal e constante é como vai vir un novo campo de herba artificial para Ribadeo. Vamos instar a Xunta de Galicia a que nos axude, que colabore con nos para ter este campo de herba artificial. Xa enviamos unha solicitude á Deputación e de momento non nos contestou”.
Dani Vega agarda que o apoio institucional sexa unha realidade: “esperemos que as institucións estean á altura, que traballemos sí conxuntamente, pero as administracións deben colaborar para que Ribadeo tamén siga avanzando na mellora das instalacións deportivas”.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
Pasada a medianoite, un vehículo saíuse da vía na N-634. Como consecuencia do impacto, tres persoas resultaron feridas. Da asistencia sanitaria ocupáronse os profesionais de Urxencias Sanitarias de Galicia-061 e os axentes da Garda Civil de Tráfico da seguridade na vía. Os Bombeiros de Barreiros tamén acudiron, sen embargo, ningún dos feridos estaba atrapado.
Baixo o título “A guerra en Oriente Medio. Do xenocidio en Palestina á agresión a Irán”, o analista internacional Duarte Correa ofrecerá unha intervención centrada na evolución do conflito, o impacto humanitario e as implicacións xeopolíticas da escalada bélica na rexión.
