Alfoz, 18 de decembro, 2025. Organizado pola Concellaría de Cultura do Concello de Alfoz, o venres 19 ás 20:00 h., na Casa da Cultura, terá lugar a presentación da novela As donas da noite, galardoada no X Concurso de Relatos “Balbino” e publicada por Edicións Fervenza, entidade convocante do certame.
Esta novela supón a cuarta obra narrativa longa do autor Lionel Rexes, tras A raíña das velutinas, A montaña do poeta e Nove lúas.
No evento estarán presentes os responsables da editorial, membros do xurado do certame, e representantes da Xunta e da Fundación “Neira Vilas”, entidades colaboradoras no concurso literario. O propio autor asinará exemplares ao final do acto.
As donas da noite é unha obra pensada para o público xuvenil, aínda que apta para calquera tipo de lector. O seu argumento enfronta dúas realidades (urbe/rural) en que os personaxes deberán desenvolverse aprendendo uns códigos para eles descoñecidos, pois trátase de persoas novas, en idade universitaria e habituadas ao ámbito urbano.
Do mesmo xeito mestúrase na trama a materia lendaria, influída polas supersticións propias dos ámbitos máis tradicionais, coas actitudes irreflexivas inherentes á xuventude.
Todo empeza cando catro estudantes, dúas rapazas e dous rapaces, deciden retirarse a unha aldea durante unha ponte festiva para artellar a implantación dun sindicato nas súas facultades. Na aldea deberán contactar cun individuo de mediana idade, alguén vinculado a círculos contestatarios disposto a orientalos e aconsellalos, mais, ao mesmo tempo, este personaxe inquietante irá introducíndoos nun submundo que a sociedade rural mira de esguello e con certo reparo. A partir de aí o desenvolvemento da acción tórnase vibrante por culpa dos celos, as desconfianzas, as traizóns e unha especie de maldición a planear sobre todos eles.
O xurado encargado de escoller a novela gañadora destacou deste texto: “A súa inmersión nun rural poliédrico no que convive o herdo espiritual de séculos coas novas realidades sociais, laborais e relacionais. Salientando a visión de aldeas complexas e arredadas de visións bucólicas ou idílicas, substituíndo isto nas súas páxinas por potentes personaxes que nos enfrontan á supervivencia do agro galego, os movementos asociativos e a convivencia entre tradición e modernidade. Escrita cunha prosa poderosa, de diálogos incisivos, As donas da noite é unha novela que agradará a aquel lectorado que desexe contemplar o noso rural cunha outra ollada.”
A portada do libro foi deseñada polo fotógrafo e creador audiovisual valadourés Carlos Cornide “Belga”.
A piscina abrirá de luns a venres de 8:30 a 13:00 e de 15:30 a 22:00, e os sábados de 8:30 a 14:30. O ximnasio manterá horario continuo de luns a venres, de 8:30 a 22:00, e os sábados de 8:30 a 14:30. A tempada arrinca tras diversas melloras nas instalacións, entre elas a renovación da cuberta do polideportivo, cun investimento de 195.000 euros, así como a substitución de portas de emerxencia, a intervención en pontóns das piscinas e o cambio das huellas de volteo. O Concello continúa así reforzando o mantemento e a seguridade dun complexo utilizado diariamente por numerosos veciños e deportistas.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
