Xove, 16 de decembro, 2025. A Concellaría de Cultura do Concello de Xove anuncia unha nova edición do seu tradicional Concerto de Nadal, unha cita xa consolidada dentro da programación cultural do municipio. O evento celebrarase o sábado 20 de decembro ás 18:00 horas no Salón de Actos do Centro Cívico de Xove.
Este ano, o concerto da Escola Municipal de Música e da Orquestra Clásica de Xove presentará unha proposta especialmente emotiva: a interpretación de seis temas do histórico disco Xente Cativa, gravado pola Escola nos seus inicios, no ano 1988.
Naquela época, as pezas non contaban con partituras escritas, polo que para esta ocasión empregarase a gravación orixinal en audio como fondo musical, recuperando así a esencia e o espírito dun proxecto pioneiro. A música, composta polo profesor asturiano Nacho Fonseca e interpretada en bable, constitúe unha valiosa mostra da memoria musical e cultural da escola.
A adaptación actual corre a cargo de Xan Carballal, e será interpretada por máis de trinta alumnos e alumnas da Escola Municipal de Música e por membros da Orquestra Clásica de Xove. O público poderá gozar dun programa variado, pensado para toda a familia, que combina a nostalxia das pezas orixinais co espírito do Nadal.
O concerto servirá tamén como antesala das celebracións previstas para 2026, ano no que se conmemorará o 40 aniversario da creación da Escola Municipal de Música de Xove e o 35 aniversario do curso de Semana Santa.
O Concello fai un chamamento especial a todas aquelas persoas que, alá por 1988, iniciaron a súa formación musical na Escola —cando os ensaios se realizaban no CEIP Pedro Caselles Rollán— para que se acheguen a compartir este reencontro. A intención é que poidan revivir e recoñecer a evolución dun proxecto que eles mesmos axudaron a iniciar a finais dos anos 80.
Desde o Concello de Xove sublíñase que este acto busca dinamizar a vida cultural do municipio, crear un espazo de encontro para veciños e visitantes e poñer en valor o talento local, a formación musical da mocidade e a participación cidadá na programación cultural.
O delegado territorial da Xunta en Lugo participou este martes nos actos programados con motivo da festividade da Patroa de Ribadeo, Santa María do Campo.
Destacou o apoio da Deputación ao sector primario a través da Granxa Gayoso Castro, centro de referencia en recría, formación e innovación. O evento, organizado pola Asociación Pura Raza Cabalo Galego, incluíu o concurso morfolóxico de distintas categorías —ponis, cabalos do país, cruzados, percheróns, Pura Raza Galega e andadura serrada e chapeada— e unha exhibición de doma de alta escola con eguas de pura raza galega.
Nesta ocasión, a homenaxeada foi a de Román. Tras unha recepción ás portas do concello, a veciñanza da parroquia desprazouse a pé ata a Igrexa de Santa María co grupo tradicional Cerna de Árbol. Na misa, cantada pola Coral Polifónica Vilalbesa, realizáronse as ofrendas e púxose en valor a tradición “dos canteiros e os traballos en pedra” en Román, unha parroquia cun destacado patrimonio histórico e cultural. Tras a celebración na igrexa, os veciños e veciñas de Román compartiron uns pinchos de fraternidade no Centro Cultural.
A celebración estivo organizada pola asociación cultural Ourofest coa colaboración do Concello do Valadouro e contou co apoio do Goberno galego. Villares participou na celebración litúrxica, que contou coa actuación do coro da Escola de Música ‘Ao Compás do Río Ouro’, e compartiu coa veciñanza esta xornada festiva de especial arraigo na localidade.
O corte afectará ao tramo que vai desde o principio da vía ata o punto quilométrico 0,900. Para facilitar a execución das obras, será necesario que non haxa vehículos estacionados nese treito. Os traballos, executados pola empresa Jose No Mantiñan E Hijos Construcciones, S.A., forman parte dun proxecto conxunto para a mellora e acondicionamento de varias estradas provinciais no municipio de Xove, cun investimento total superior aos 800.000 euros.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
Daniel García reafirmou o apoio ao festival, que conta cunha colaboración estable e continuada da Vicepresidencia provincial desde a primeira edición e valorou "o impulso que a Asociación Fanto Fantini lle dá ano a ano ao festival, cun programa que vai máis alá do cartel musical e que profundiza na súa identificación e o seu vínculo con Burela e coa Mariña". A Vicepresidencia da Deputación achega 25.000 euros ao patricinio desta edición do Osa do Mar.
