Ribadeo, 7 de xaneiro, 2026. O grupo veciñal de Ribadeo volve alertar sobre a situación da Atención Primaria no municipio tras recoller varios casos ocorridos entre o 2 e o 5 de xaneiro. Segundo explican, tres persoas adultas solicitaron cita a través da web do Sergas e atopáronse con dúas respostas negativas —instándoas a acudir presencialmente ao centro— e unha terceira cunha cita asignada para o 23 de xaneiro.
Fontes sanitarias consultadas polo colectivo confirmaron que nesas datas só había dous médicos en consulta, previsión que se mantería nos días seguintes. Para o grupo, estes feitos “confirman unha situación que se arrastra desde hai anos e que se agrava coas xubilacións non substituídas”.
Un problema estrutural que non se resolve
O colectivo lembra que tanto a Xunta como o alcalde de Ribadeo teñen anunciado en repetidas ocasións que a situación melloraría tras as súas xestións coa Consellería de Sanidade, “promesas que non se cumpriron e que permiten que o deterioro continúe”.
Neste contexto, critican que o Pleno do Concello aprobara o 23 de decembro un novo trámite para ceder á Xunta uns terreos preto da estación de servizo do Xardín para construír un novo centro de saúde. Aseguran que a proposta “non aborda o problema real”, xa que “se fala de máis consultas e aparcamentos, pero non da falta de persoal sanitario”.
Tamén cuestionan a localización prevista, a un quilómetro do actual centro e “nunha zona con tráfico intenso”, o que consideran prexudicial para persoas maiores, familias e usuarias habituais.
“O atraso nas citas supera xa os vinte días”
O grupo denuncia que a maior parte das consultas do actual centro “carecen de persoal asistencial” e que os atrasos para unha primeira cita “superan os vinte días”. Afirman que esta situación se repite mes a mes e que “non se pode ocultar a incapacidade de dotar o servizo do persoal necesario”.
Datos sobre profesionais dispoñibles
Como argumento contra a idea de que “non hai médicos”, o colectivo cita datos do Ministerio de Sanidade: 17.553 profesionais presentáronse á última convocatoria MIR, o que interpretan como mostra de que existe persoal dispoñible. Engaden que moitos outros médicos están no estranxeiro ou en situacións laborais precarias e que “volverían a Galicia se houbese estabilidade e condicións dignas”.
Chamamento á cidadanía
O grupo conclúe facendo un chamamento á veciñanza de Ribadeo “a reaccionar ante unha situación que acabará afectando a toda a poboación” e insiste en que o problema sanitario do municipio “non é de edificios, senón de persoal”, algo ao que —afirma— nin a Xunta nin o alcalde dan resposta.
A representación terá lugar este sábado día 18, ás 19:30 horas, no local social da Asociación de Veciños de Marzán, un dos destinos habituais nas xiras anuais da compañía. O Centiño mantén así a tradición de visitar este espazo, onde agarda compartir co público unha tarde divertida e chea de humor. A agrupación teatral continúa así coa difusión da súa nova obra, que segue a percorrer diferentes escenarios da comarca.
Dezaoito locais hostaleiros de Ribadeo, Rinlo e Vilaframil ofrecerán diversas preparacións ata o vindeiro domingo: en escabeche, en salpicón, en empanada, ao allo, á prancha, en albóndega, etc… Todas as propostas poden consultarse nas redes sociais de Acisa Ribadeo, que agradece “unha vez máis o apoio da OPP do Porto de Burela, que nos doou 90 quilos de cabala para estas xornadas, produto que entregamos de xeito gratuíto aos locais participantes. Achegámoslles así unha parte do peixe que empregarán nesta nova cita gastronómica na que tamén colabora o Concello de Ribadeo”. Ata o porto, ao restaurante Marinero, se achegaron este mediodía o director territorial da Consellería de Mar, Alexandre Piñeiro, as concelleiras ribadenses Montse Seijo, Elena Sierra e Begoña Sanjurjo, a presidenta de Acisa, Carmen Cruzado, o xerente do colectivo empresarial, Jesús Pérez, e o técnico de Acisa, Jorge Fernández, que puideron degustar as elaboracións realizadas por este establecemento hostaleiro.
Durante a xornada Lionel compartirá a súa experiencia no mundo da escrita, dando a coñecer os seus procesos creativos e as temáticas que caracterizan os seus libros. O acto incluirá un coloquio participativo cos asistentes do club onde poderán preguntar e intercambiar opinións co autor sobre o libro lido “A raíña das velutinas”.
O sábado terá lugar no Casino o III Showcooking, con cociña en directo e maridaxe de viños. O público poderá votar os seus pinchos favoritos e participar no sorteo dunha noite no hotel Marqués de Riscal. A entrega de premios será o luns 20 ás 19:00 h. O Concello e Destino Navia animan a veciños e visitantes a gozar desta cita gastronómica.
Haberá degustación diaria de ostras na carpa do porto. Concertos, showcookings, visitas guiadas e actividades mariñeiras. Lancha pola ría, exposición de maquetas e concurso fotográfico #somoslasostra2026, ademais propostas especiais en Acueo, La Casilla e Restaurante Peñalba.
A etapa, cun percorrido duns 150 quilómetros, partiu arredor das 11:30 horas e rematou en Barreiros, atravesando concellos como Xermade, Muras, Viveiro ou Foz. A proba reúne a equipos do ciclismo profesional internacional e sitúa a provincia de Lugo como escenario dunha das citas deportivas máis destacadas do calendario. O Goberno colabora no desenvolvemento da carreira a través das Forzas e Corpos de Seguridade do Estado, que velan polo correcto desenvolvemento da proba e pola seguridade de participantes e afeccionados.
As persoas interesadas poden anotarse ata o 24 de abril na Casa do Concello (Cervo) ou na Casa da Cultura (San Cibrao). A actividade está dirixida a persoas pensionistas empadroadas no municipio. Trátase dunha xornada pensada para compartir, celebrar e desfrutar en comunidade.
