O popular quere poñer en valor “as enormes potencialidades” que ten a provincia, dende A Mariña á Ribeira Sacra, pasando pola Terra Chá ou a Montaña, “polo que hai que traballar durante todo o ano para atraer turistas”
Lugo, 23 de xaneiro de 2026. “PSOE e BNG seguen demostrando unha absoluta falta de interese polo turismo como motor estratéxico de desenvolvemento da provincia”. Así de contundente se amosou o voceiro provincial popular, Antonio Ameijide, tras ver a presentación que realizaron tanto socialistas como nacionalistas da provincia de Lugo en Fitur 2026.
Antonio Ameijide explica que esa reflexión se fundamenta en que “tanto para PSOE como para BNG a súa preocupación polo turismo redúcese a acudir tres días a Fitur, cun vídeo promocional e unha presentación duns 12 minutos, unha actuación claramente insuficiente para unha provincia con enormes potencialidades turísticas que levan case dúas décadas abandonado”.
O popular sinala que “o turismo non pode limitarse a unha acción puntual unha vez ao ano” xa que a provincia de Lugo “ten moitísimas potencialidades que cómpre fomentar cun traballo constante e planificación todo o ano”.
“Un traballo que non é só de promoción, senón que tamén hai que coidar estradas e as infraestruturas, manter espazos naturais e zonas verdes, garantir boas comunicacións e proxectar unha imaxe sólida e continua da provincia no exterior”, denunciou.
PSOE E BNG NON FIXERON NADA, SO TEÑEN O QUE HERDARON
Antonio Ameijide tamén destacou que “resulta chamativo que todos os recursos turísticos que se utilizan para promocionar a provincia foron creados durante gobernos do Partido Popular na Deputación”. Entre eses recursos están a Ribeira Sacra, os embarcadoiros fluviais, a potenciación da Mariña con paseos, accesos ás praias e melloras nas comunicacións, ou espazos verdes emblemáticos como o Paseo do Rato ou o Paseo do Miño. Incluso as Reservas da Biosfera, que agora se presentan en Fitur como reclamo.
Pola contra, tras case vinte anos de gobernos de PSOE e BNG, non se puxo en marcha ningún proxecto relevante, “o único que fixeron foi abandonar o sector”, poñendo como exemplo o complexo turístico de Augas Mestas, en Quiroga, pechado por falta de vontade política, malia ser unha instalación pioneira e hoxe plenamente vixente.
Antonio Ameijide destacou “o gran traballo” que están a facer dende a Xunta de Galicia, os concellos e o sector privado na promoción da provincia. “O sector privado, os concellos e a Xunta están a facer un esforzo enorme. A hostalaría inviste, mellora servizos e trata ao visitante con profesionalidade; os concellos traballan para atraer visitantes, e a Xunta segue a potenciar o Camiño de Santiago, mentres a Deputación de Lugo permanece ausente”, explicou.
A iniciativa busca poñer en valor a diversidade cultural do municipio a través da gastronomía, convidando ás persoas de diferentes países a elaborar pratos típicos que se ofrecerán de forma gratuíta ao público. O Concello asumirá o custo dos ingredientes e asignará a cada participante un posto identificado co seu país de orixe. As inscricións poden realizarse ata o 29 de xullo enviando un correo a feiras@vilalba.es. Rouco chamou á participación para seguir construíndo unha Vilalba aberta e integradora, nunha feira que quere consolidarse como espazo de convivencia e dinamización da feira tradicional.
Ata o 4 de agosto poderán realizarse as renovacións, mantendo as tarifas aprobadas en asemblea: 200 € e 250 € para adultos, e acceso gratuíto para menores grazas ao convenio coa Fundación Imdecum, con opción voluntaria de abono infantil por 40 € con reserva de asento. A partir do 5 de agosto activaranse as novas altas. Os abonos poderán tramitarse a través de CLUBER ou presencialmente na oficina do club, con horario de mañá e tarde en xullo e só de mañá en agosto.
A Presidenta Carmela López destacou o valor deste produto emblemático da Mariña e o traballo do sector pesqueiro. Rocío Rivera e Herminia Pernas puxeron en valor a tradición mariñeira de Burela e o papel dos mariñeiros da Moncloa. O público degustou 450 tapas elaboradas con bonito nunha xornada que serviu de escaparate desta cita gastronómica e de convite a visitar Burela a próxima fin de semana.
As crianzas desfrutaron dunha refrescante xornada con inchables e xogos acuáticos na contorna do complexo deportivo da Veiga.
O campo de fútbol do Cascabeiro acolleu o pasado sábado a III Festa do Mexillón, organizada polo Celta Barreiros. Centos de persoas achegáronse a gozar dunha tarde de gastronomía e de música. En total foron servidas 670 racións entre veciñanza e visitantes, que saborearon mexillóns e lacón. Os organizadores amosasen satisfeitos da acollida: “estamos contentos pola boa resposta dos asistentes”. E tiveron palabras de agradecemento “para os Concellos de Barreiros e de Foz pola boa colaboración”.
Familias, amizades e persoas de todas as idades viviron cada xogada e cada aplauso, evidenciando que o fútbol é tamén unha oportunidade para fortalecer a convivencia e a unión da veciñanza. O municipio felicitou á Selección Española polo seu título mundial, un éxito histórico que fixo vibrar a toda a comunidade.
Trátase dunha mostra de 28 fotografías de gran formato do naturalista Ezequiel Martínez que reivindica a diversidade e a conservación da fauna salvaxe. A iniciativa, organizada polo Concello da Pastoriza en colaboración con ABANCA e Afundación dentro do proxecto Corrente cultural, poderá visitarse de balde ata o 26 de agosto. As imaxes, acompañadas de textos divulgativos elaborados por especialistas de Naturnova, amosan especies emblemáticas como o oso pardo, a cegoña, o cervo ou a aguia imperial, convidando a reflexionar sobre a importancia de protexer o patrimonio natural.
