Burela, 10 de xaneiro, 2026. Debut de Juanma Marrube como adestrador do Burela na tempada 25/26, acompañado tamén polo estre debut de Nico, nun complicadísimo encontro ante o Móstoles, cuarto clasificado da táboa. O equipo mariñán mostrou orde, ideas novas e unha actitude competitiva nunha das pistas máis difíciles da categoría, quedándose moi preto de sumar un punto.
O partido comezou costa arriba para o Burela, que encaixou o 1-0 no minuto 3 nun disparo de Carlitos, que se foi de Charly pola banda e abriu cedo o marcador para os locais. Nos seguintes minutos o xogo mantívose igualado, con poucas ocasións claras, e o Móstoles estivo a piques de ampliar a vantaxe nunha transición finalizada por Charly que se marchou rozando o segundo pau.
O Burela respondeu con varios intentos de Charly, aínda que sen acerto, e no tramo final da primeira parte Alberto evitou o segundo gol local nunha acción moi perigosa na área mariñá, sacando o balón por riba da portería cando non había porteiro baixo paus. A mellor ocasión visitante chegou no minuto 16, cun disparo de Pitero ao segundo pau tras recibir de Charly, e no 18 Izan estrelou o balón no pau tras outro bo pase desde a banda. No minuto 20, unha contra conducida por Charly rematou coa primeira amarela do partido para Dani Santos, que cortou a xogada.
Xa na segunda parte, Alberto estivo a piques de empatar no minuto 2 nunha boa contra. No 25, outra chegada perigosa súa obrigou a Rafa Luque a intervir co peito, xerando unha contra que salvou João Silva case sobre a liña. O gardameta brasileiro volveu aparecer cun paradón a disparo de Palomares.
O Burela seguiu medrando e no ecuador da segunda metade Pitero tivo unha das ocasións máis claras tras unha recuperación e contra iniciada por Izan, que combinou con Alán. João volveu responder con seguridade ante unha chegada de Aarón Chamorro, e pouco despois Izan obrigou de novo a Rafa Luque a intervir. Charly rozou o pau e o porteiro local evitou o empate nunha gran xogada colectiva dos visitantes que rematou Pitero.
No minuto 36 o Burela continuaba buscando o empate cun xogo moi ordenado, sorprendendo por momentos a un rival, a priori, moi superior. Nos dous últimos minutos, Juanma Marrube apostou polo xogo de cinco con Nico como porteiro-xogador. O Móstoles estivo a piques de marcar a portería baleira, pero o balón marchou preto do pau. Finalmente, a 0,4 segundos do final, Armando anotou o 2-0 cun disparo a porta baleira que sentenciou un partido moi competido polos de Marrube.
Ficha Técnica MRB FS Móstoles 2-0 Reyco Burela FS
MRB FS Móstoles (2): Rafa Luque; Carlitos, Charly, Dani Santos (C), Suko -quinteto inicial,- Manu Diz, Palomares, Aarón Chamorro, Armando, Velasco
Reyco Burela FS (0): João Silva; Pitero (C), Charly, Izan, Nico -quinteto inicial-, Alberto, Starna (P), Alán.
Goles: 1-0, min. 3: Carlitos. 2-0, min. 40: Armando.
Árbitros: David Vela // Eugenio Quintero // Cristian Cubero // Alba María Villegas. Por parte do MRB FS Móstoles viron a tarxeta amarela Dani Santos (19’), Jiménez (30’), Palomares (37’), Armando (39’), Dani Sánchez (39’), Tino de la Cruz (39’). Por parte do Reyco Burela, Izan (27’), Pitero (39’), Alán (39’), João Silva (39’).
Incidencias: Partido correspondente á xornada 14 de Segunda División Masculina disputado no pavillón municipal Eva Manguán de Móstoles.
A piscina abrirá de luns a venres de 8:30 a 13:00 e de 15:30 a 22:00, e os sábados de 8:30 a 14:30. O ximnasio manterá horario continuo de luns a venres, de 8:30 a 22:00, e os sábados de 8:30 a 14:30. A tempada arrinca tras diversas melloras nas instalacións, entre elas a renovación da cuberta do polideportivo, cun investimento de 195.000 euros, así como a substitución de portas de emerxencia, a intervención en pontóns das piscinas e o cambio das huellas de volteo. O Concello continúa así reforzando o mantemento e a seguridade dun complexo utilizado diariamente por numerosos veciños e deportistas.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
