Viveiro, 16 de xaneiro, 2026. O Grupo de Acción Local do Sector Pesqueiro (GALP) A Mariña‑Ortegal anuncia a apertura do prazo para solicitar as axudas destinadas a proxectos enmarcados nas EstrateXias de Desenvolvemento Local Participativo (EDLP) correspondentes ao exercicio 2026.
Estas subvencións convócanse no marco do Fondo Europeo Marítimo, de Pesca e de Acuicultura (FEMPA) 2021‑2027, co obxectivo de impulsar o tecido económico e empresarial do territorio do GALP A Mariña‑Ortegal.
Os proxectos seleccionados poderán recibir, con carácter xeral, ata o 50 % do gasto subvencionable, en función da puntuación obtida, cun máximo de 200.000 euros, ou 250.000 euros no caso de iniciativas vinculadas ao sector pesqueiro, segundo a tipoloxía do proxecto. A intensidade da axuda poderá chegar ao 100 % cando se trate de proxectos de interese colectivo, beneficiarios colectivos ou iniciativas relacionadas coa pesca costeira artesanal.
O prazo de presentación de solicitudes é dun mes e remata o 16 de febreiro de 2026.
As iniciativas deberán desenvolverse no ámbito territorial do GALP A Mariña‑Ortegal, que abrangue os concellos de Valdoviño, Cedeira, Cariño, Ortigueira, Mañón, O Vicedo, Viveiro, Xove, Cervo, Burela, Foz, Barreiros e Ribadeo, con independencia da sede social ou do domicilio fiscal da entidade promotora, sempre que estean situados na Comunidade Autónoma de Galicia.
O GALP A Mariña‑Ortegal subliña que esta nova convocatoria representa unha oportunidade para promotores, pequenas empresas, persoas autónomas e entidades sociais, ao permitir transformar ideas en proxectos capaces de xerar emprego, valor engadido e impacto positivo no territorio costeiro.
O grupo anima a todas as persoas emprendedoras, empresas e entidades interesadas en impulsar novas iniciativas de desenvolvemento a participar e coñecer as posibilidades de financiamento dispoñibles para 2026.
Para máis información e asesoramento:
📞 982 563 355 / 606 568 506
📧 galp.mar.marinaortegal@xunta.gal
O evento celebrarase este sábado 25, de abril, na capital lucense. Durante a xornada matinal, o alumnado asistirá a clases impartidas por profesionais de distintas disciplinas, tanto do ámbito da danza clásica como da moderna. Pola tarde, ás 19:30 horas, o grupo da EMMeD subirá ao escenario do Auditorio Gustavo Freire xunto aos demais centros convidados, nunha actuación que servirá como peche desta xornada de convivencia e intercambio artístico.
Un home perdeu a vida este xoves tras sufrir un accidente cunha res no lugar de Carelle Grande, na parroquia do Burgo (Muras). O suceso tivo lugar sobre as 19 horas, cando un familiar deu a voz de alarma ao 112 Galicia e explicou que o implicado fora aplastado polo animal. De inmediato, activouse un operativo no que participaron Urxencias Sanitarias de Galicia-061, que desprazaron ao punto o helicóptero medicalizado con base en Santiago, e a Garda Civil. Unha vez alí, os profesionais sanitarios só puideron confirmar o falecemento do home.
Con motivo desta conmemoración, o Concello anima á veciñanza a participar no Certame do Día do Libro, unha iniciativa pensada para fomentar a creatividade en todas as idades. Categorías do certame: Infantil (3-6 anos): creación dun marcapáxinas orixinal. Primaria (7-11 anos): continuación dunha historia proposta. Adultos (12+ anos): relato, anécdota familiar ou continuación da historia proposta. Data límite: 30 de abril. Envío por correo: prensa@concellodecervo.com. Envío por WhatsApp: 683 315 939
A directora, Ana Traseira, e o brand manager, Carlos García, representaron ao centro lucense, que presentou a experiencia “A comunicación: unha nova ponte cara Lugo”, recoñecida co Accésit do Consello Social da UNED 2025. O proxecto destaca pola súa aposta pola innovación, a proximidade e a mellora continua na relación coa contorna. A UNED de Lugo agradeceu a oportunidade de participar nun espazo que reforza a colaboración e contribúe a construír unha universidade máis conectada, accesible e comprometida.
O curso, impulsado polo Principado de Asturias, desenvolverase en modalidade semipresencial con sete sesións presenciais na Sala El Pajar de As Quintas (A Caridá), en horario de 16:00 a 19:00 horas. A formación é de nivel básico e está aberta tanto a persoas sen experiencia previa como a quen queira iniciarse na fala. As inscricións poden realizarse a través da plataforma da Federación Asturiana de Concejos. O Concello destaca que esta iniciativa contribúe á preservación do patrimonio lingüístico e cultural do territorio.
Varios grupos participan en obradoiros de cestería na Devesa e de manualidades en Rinlo, Cinxe e As Anzas. A Área de Benestar Social, Saúde e Familia quere “potenciar deste xeito a convivencia e encher de propostas os locais sociais do noso concello e de entretemento ás persoas que viven nas parroquias de Ribadeo”.
A programación inclúe propostas variadas como cociña, manualidades, cestería, risoterapia, baile e poda, pensadas para ofrecer alternativas de lecer e fomentar un envellecemento activo entre a veciñanza. Desde o Concello destacan que as actividades “están a ter unha resposta moi positiva por parte dos veciños e veciñas”, o que demostra o interese por este tupo de propostas. Neste sentido, poñen en valor a importancia de promover este tipo de iniciativas, xa que “contribúen a promover un envellecemento activo e melloran a calidade de vida das persoas, xa que fomentan a participación social e serven como punto de encontro”.
