Antonio Ameijide acusa ao BNG de manter un silencio cómplice: “Aínda non sabemos se Ana Pontón e Efrén Castro aceptarán os votos de Tomé e García Porto para manter a vicepresidencia da Deputación, pero nunha semana saberemos se priorizan ás mulleres e o feminismo ou os sillóns, os coches oficiais e pisar moqueta”
Lugo, 7 de xaneiro de 2026. “Ata que o asunto se fixo público non se puido actuar. Cando se fixo público o señor José Tomé abandonou os cargos orgánicos, abandonou a presidencia da Deputación e está suspendido de militancia no partido socialista”. Estas foron as declaracións de Pilar García Porto no pleno ordinario da Deputación do pasado 30 de decembro de 2025, nas que recoñeceu oficialmente que tiña coñecemento das denuncias por presunto acoso sexual de José Tomé contra varias mulleres e que “non fixeron nada e tentaron tapar o asunto”.
O voceiro provincial popular, Antonio Ameijide, denuncia que “estas declaracións son motivo máis que suficiente para que nin José Tomé nin Pilar García Porto teñan voz e voto en ningunha decisión da Deputación de Lugo, xa que todos os acordos que se tomen, dende elixir novo presidente ata calquera convenio quedarán machados”.
De feito, Antonio Ameijide afirma que “de non transcender publicamente, José Tomé seguiría na presidencia da Deputación de Lugo, avalado polo PSOE e polo BNG”, unha situación que “pese a renunciar á presidencia do ente provincial, seguirá a manter na sombra, como se demostrou cando o PSOE lle reservou e cedeu a cadeira que historicamente ocupa o voceiro do PSOE na Deputación de Lugo”.
Ademais, en Monforte de Lemos o PSOE segue a avalar a José Tomé xa que “pese a que abandonou a militancia socialista, mantense na alcaldía avalado polos 9 edís socialistas restantes”.
SILENCIO CÓMPLICE DO BNG
O voceiro provincial popular insiste en que tanto Ana Pontón como Efrén Castro teñen que ser claros e dicir se, nunha semana, están dispostos a aceptar o voto dun supostos acosador sexual e da persoa que o sabía todo e o ocultou, simplemente para manterse na vicepresidencia da Deputación de Lugo. “Se non o aclaran antes, nunha semana saberase se Ana Pontón e Efrén Castro están do lado do feminismo e das mulleres ou do lado dos sillóns, os coches oficiais e de pisar moqueta”, sentenciou.
Viveiro, 20 de abril, 2026. A proba volveu converter Viveiro nun punto destacado do deporte e da convivencia, ademais de supoñer un impulso económico para o municipio. María Loureiro destacou que a Camovi “é un exemplo de colaboración e esforzo colectivo, que sitúa Viveiro no mapa e dinamiza a economía local”. O Partido Socialista lembra o seu apoio histórico á carreira e reafirma o seu compromiso para seguir contribuíndo ao seu crecemento. O PSOE agradece tamén á veciñanza a súa acollida e implicación, fundamentais para que o evento continúe medrando ano tras ano.
Castro destacou o labor da Asociación e o potencial da tradición do ferro como motor económico, social e cultural para Riotorto, subliñando a importancia de impulsar iniciativas que garantan futuro para estes oficios. A Deputación de Lugo mantén unha colaboración estable coa entidade, cunha achega de 14.000 euros. No marco deste apoio, a Asociación avanzou na documentación dos oficios do ferro, catalogando ferramentas, técnicas e a historia das antigas “ferrerías de monte”.
O responsable provincial destacou "o traballo realizado pola organización ao longo destes anos para consolidar unha proba deportiva de primeiro nivel, que atrae tanto deportistas do máximo nivel competitivo como participación popular"
O grupo teatral O Centiño de San Martiño (Foz) actuou este sábado en Marzán, convidado pola asociación veciñal Torques de Marzán. O local quedou pequeno ante a resposta do público: 73 persoas, un récord de asistencia para unha obra de teatro na parroquia. A comedia provocou constantes risas e un ambiente moi participativo. A iniciativa volve demostrar o valor de levar actividade cultural e teatro afeccionado ás parroquias e barrios, achegando propostas escénicas a lugares afastados dos grandes circuítos. O Centiño continuará a xira de “O Autobús” nas vindeiras semanas: Sábado 25 de abril: Vilaronte (Foz). Sábado 2 de maio: Casa da Cultura de Trabada
A xornada contou con degustación gratuíta de viños elaborados por adegas da contorna, unha cata comentada e un mercado de produtos gastronómicos locais, permitindo aos asistentes coñecer de primeira man a riqueza do produto de proximidade. O pregón desta edición correu a cargo de Alejandro Gándara, quen presentou o seu proxecto audiovisual 360 curvas, unha obra que reflexiona sobre a distancia entre A Fonsagrada e Lugo e sobre o conflito social e político asociado á perda da súa condición de cabeceira de comarca, no marco da loita contra a despoboación.
Haberá degustación diaria de ostras na carpa do porto. Concertos, showcookings, visitas guiadas e actividades mariñeiras. Lancha pola ría, exposición de maquetas e concurso fotográfico #somoslasostra2026, ademais propostas especiais en Acueo, La Casilla e Restaurante Peñalba.
A etapa, cun percorrido duns 150 quilómetros, partiu arredor das 11:30 horas e rematou en Barreiros, atravesando concellos como Xermade, Muras, Viveiro ou Foz. A proba reúne a equipos do ciclismo profesional internacional e sitúa a provincia de Lugo como escenario dunha das citas deportivas máis destacadas do calendario. O Goberno colabora no desenvolvemento da carreira a través das Forzas e Corpos de Seguridade do Estado, que velan polo correcto desenvolvemento da proba e pola seguridade de participantes e afeccionados.
