Burela, 10 de xaneiro, 2026. Complicado encontro para as burelenses esta tarde en Ourense. O Burela comezou competindo con bo pé, pero o partido foilles escapando na segunda parte ata rematar cun final moi doloroso para as de Belén Feal, que chegaban de dous grandes encontros en Vista Alegre.
Nos primeiros cinco minutos, Ana Eliza protagonizou dous paradóns decisivos e mantivo o equipo con vida ante as primeiras chegadas locais. O Ourense acumulou ocasións nos primeiros dez minutos, todas desactivadas pola gardameta brasileira. No 10, Silvia Rubal tivo unha gran oportunidade nunha contra, pero Ana Romero desviou o seu disparo. No mesmo minuto, Lara executou unha falta perigosa que a barreira enviou a córner.
O Burela seguiu xerando perigo: no 12, outro disparo afastado de Silvia obrigou a intervir a porteira local, e no 24 volveu despexar un tiro frontal da capitá. A pesar do bo tramo das mariñás, chegou o 2-0 no 14, cun disparo frontal de Alice. No 13, o Burela quedou en inferioridade pola expulsión de Silvia Rubal por dobre amarela.
Ana Eliza mantivo ao equipo con vida con varias intervencións consecutivas ante Judith e Alice, que tentou sorprender desde o segundo pau en repetidas ocasións. No 16, Irene tivo unha ocasión clarísima nun contraataque, e no 17 Macarena quedou soa ante Ana Romero tras un saque longo de Ana Eliza, pero a porteira evitou o primeiro gol visitante.
A dous minutos do descanso, Belén Feal pediu tempo morto e apostou polo xogo de cinco con Sydorenko como porteira-xogadora. Con todo, no 18 chegou o 3-0, un golazo de Carla Ayensa, que recibiu de Judith e superou a Ana Eliza.
A segunda parte comezou cun recital de Ana Eliza: desviou un disparo cruzado de Chiky, outro potente tiro afastado de Melli e un man a man segundos despois. No 23 volveu deter outro disparo de Melli, e pouco despois chegou o gol do Burela: Sandra recortou distancias rematando un pase de Lara desde a área.
As laranxas rozaron o segundo nun balón cruzado de Lara tras roubo a Melli. No 25, o Burela apostou de novo polo xogo de cinco con Irene, pero o Ourense aproveitou un roubo de Melli para facer o 4-1 a portería baleira. No 26, Ana Eliza volveu deter un disparo potentísimo de Judith.
O Burela seguiu insistindo e Sydorenko estivo a piques de marcar o segundo cun disparo á escuadra, pero o balón marchou fóra. No entanto, o Ourense ampliou a vantaxe co 5-1, outro tanto de Carla Ayensa, que recuperou na liña de fondo e definiu desde 40 metros.
A partir de aí, o partido rompeuse por completo. No 33, Marta fixo o 6-1 tras combinar con Judith. No 35 chegou o 7-2, obra de Chiky, desviando un disparo de Melli. No mesmo minuto, Alice fixo o 8-2 cun tiro frontal entre a defensa, e segundos despois Melli anotou o 9-2 nunha acción similar.
Tras un pau de Carla Ayensa, o Ourense pechou o marcador co 10-2 a un minuto do final, un tanto de Riscos tras combinar con Alice.
Ficha Técnica Ourense Ontime 10-2 Reyco Burela FS
Ourense Ontime (10): Ana Romero; Chiky, Alice, Riscos, Melli –quinteto inicial-, Judith, Marta, Anita, Carla Ayensa, Raquelilla.
Reyco Burela FS (2): Ana Eliza; Cris Blanco, Silvia Rubal (C), Macarena, Lara -quinteto inicial-, Sandra, Irene, Laura Barranco, Sydorenko, Marina.
Goles: 1-0, min. 6: Anita. 2-0, min. 14: Alice. 3-0, min. 19: Carla Ayensa. 3-1, min. 23: Sandra. 4-1, min. 25: Melli. 5-1, min. 27: Carla Ayensa. 5-2, min. 32: Lara. 6-2, min. 33: Marta. 7-2, min. 35: Chiky. 8-2, min. 35: Alice. 9-2, min. 36: Melli. 10-2, min. 39: Riscos.
Árbitros: Tania María Penabad // Pablo Enrique Guntín // Susana Álvarez //. Por parte do Ourense Ontime veu tarxeta amarela, Raquelilla (33’). Por parte do Reyco Burela, doble tarxeta para Silvia Rubal (12’ e 13’) e Irene (38’)
Incidencias: Partido correspondente á xornada 14 de Primeira División Iberdrola FS disputado no pavillón municipal Os Remedios de Ourense.
A organización, a cargo da Asociación R.C.M. Amigos de Monte Castelo, abrirá a venda de parcelas os días 21 e 22, en horario de 18:30 a 20:30, primeiro para confirmar as reservas do ano anterior e despois para repartir as libres. O venres terá lugar a misa na igrexa de Vila do Medio ás 20:00 e, xa pola noite, a actuación do grupo Pekados e o DJ Balbi. O sábado comezará coa sesión vermú a cargo de SP The Sound Project, seguida do concurso de disfraces, xogos infantís, tardeo con DJ Pepu, bingo musical con Marisa Prisa e unha verbena con Pantera Rosa e Gin Toni’s. O domingo celebrarase a misa e procesión en honra á Nosa Señora das Marabillas ás 13:00, e a sesión vermú correrá a cargo do dúo Épok. A romaría conta coa colaboración do Concello de Burela, ABSA e Ledicia, ademais de numerosos establecementos locais.
As familias, o equipo docente, e o alumnado da Escola Infantil Municipal desfrutaron esta semana dunha xornada de convivencia e aprendizaxe neste parque. Ao longo do día, ademais de visitar a reserva e coñecer de preto numerosas especies animais, compartiron un agradable picnic nas instalacións do parque e tiveron acceso tanto á zona exclusiva da reserva como ao resto do recinto. A xornada rematou cunha actividade moi especial: un pequeno teatro participativo sobre a prevención dos incendios forestais, no que os nenos e nenas aprenderon a importancia de coidar os nosos montes e de evitar condutas que poidan provocar lumes, como abandonar obxectos de vidro na natureza. Un día cheo de experiencias, convivencia e aprendizaxes que reforzan o compromiso coa educación ambiental desde as primeiras idades.
A eucaristía, un dos actos centrais das festas patronais de Foz, continuou coa tradicional procesión e coa ofrenda floral en memoria das persoas falecidas no mar. A mandataria provincial formou parte da comitiva xunto a numerosos veciños e veciñas, visitantes, membros da corporación municipal e a pregoeira desta edición, María Nelle Castro Neira, focense moi vinculada ás festas desde a infancia.
Trátase dunha mostra de 28 fotografías de gran formato do naturalista Ezequiel Martínez que reivindica a diversidade e a conservación da fauna salvaxe. A iniciativa, organizada polo Concello da Pastoriza en colaboración con ABANCA e Afundación dentro do proxecto Corrente cultural, poderá visitarse de balde ata o 26 de agosto. As imaxes, acompañadas de textos divulgativos elaborados por especialistas de Naturnova, amosan especies emblemáticas como o oso pardo, a cegoña, o cervo ou a aguia imperial, convidando a reflexionar sobre a importancia de protexer o patrimonio natural.
Villares gabou o traballo realizado e subliñou que “a implicación do tecido social e dos veciños e veciñas é clave para transmitir as tradicións que forman parte da nosa identidade e reforzar os vínculos da comunidade”. Na xornada principal deste xoves destacou a ofrenda floral na honra dos mariñeiros falecidos. O venres e o sábado celebraranse o Festival Folklórico Internacional e o Festival Folklórico Infantil respectivamente, organizados polo Grupo Mistura.
O Concello de Ribadeo atende así a petición realizada pola Asociación Provincial de Empresarios de Hostelería e Turismo de Lugo, que solicitou permisividade neste sentido aos 67 Concellos da provincia de Lugo. Ademais o Concello autorizou a instalación dunha pantalla na praza de Porcillán. A petición foi realizada pola Asociación Cultural Festas do Carme.
Nesta ocasión contará, ademais de cos anfitrións A Subela, como grupo convidado ao Grupo Folclórico e Etnográfico do Cimeiro, procedente de Soure, en Portugal, que participa dentro dun intercambio cultural. A organización destaca que será unha edición especialmente significativa e anima ao público a non perdela. Terá lugar o 18 de xullo, ás 21:00 horas, na Praza Conde de Fontao, de Foz.
