Santiago de Compostela, 12 de xaneiro, 2026. UCIN Galicia, a través do seu coordinador José Luis Calo, reclama unha resposta inmediata, firme e sen ambigüidades por parte das administracións competentes ante as graves consecuencias que, ao seu xuízo, terá o acordo comercial entre a Unión Europea e Mercosur para o sector primario galego, especialmente para os produtores de carne e leite.
A formación advirte dunha “competencia desleal absolutamente inaceptable”, derivada da entrada de produtos procedentes de Mercosur con aranceis baixos e con estándares sanitarios, ambientais e laborais moi inferiores aos que se lles esixen aos gandeiros galegos. Sinala que, mentres en Galicia se cumpre estritamente coa PAC, coa normativa europea e cunha elevada carga de custos, se permite a importación masiva de producións obtidas en condicións que non serían legais na Unión Europea.
Segundo UCIN Galicia, esta situación coloca a produción galega nunha clara desvantaxe fronte a modelos extensivos e de grande escala, poñendo en risco a viabilidade económica de milleiros de explotacións, o emprego no rural e o equilibrio territorial. A organización critica tamén a “escasa ou nula actuación” dos actuais responsables políticos no Parlamento español e no Parlamento Europeo, aos que acusa de non defender os intereses do sector primario galego nin garantir a protección dos fondos da PAC e dos programas de desenvolvemento rural, que consideran seriamente ameazados polas novas propostas comunitarias e polo propio acordo UE–Mercosur.
UCIN Galicia lembra que as organizacións agrarias galegas xa manifestaron de forma clara o seu rexeitamento ao acordo, unha posición que a formación comparte e respalda.
Demandas urxentes de UCIN Galicia
1. Presión política e reivindicación
• Esixir ao Goberno de España e á Unión Europea a aplicación inmediata de cláusulas de salvagarda reais e efectivas que permitan bloquear importacións cando non se cumpran as mesmas condicións esixidas aos produtores europeos.
• Implantar un etiquetado obrigatorio, claro e transparente sobre a orixe e as condicións de produción, tanto ambientais como sociais, para que o consumidor poida diferenciar e priorizar o produto galego.
• Establecer medidas de apoio directo á rendibilidade das explotacións, incluíndo axudas á incorporación de xente nova, compensacións polos elevados custos de produción e primas ligadas á calidade e á sustentabilidade.
2. Loita contra as enfermidades gandeiras (DNC)
• Reclamar ao Ministerio de Agricultura unha coordinación estatal efectiva, con medidas homoxéneas fronte á Dermatosis Nodular Contaxiosa (DNC).
• Esixir o impulso dunha vacina preventiva a nivel europeo.
• Garantir indemnizacións contundentes, xustas e inmediatas no caso de detectarse focos en Galicia, evitando que os gandeiros asuman as consecuencias da inacción institucional.
3. Fomento do consumo local
• Promover campañas estables de “Compra Galego” para concienciar á cidadanía sobre a importancia de apoiar o produtor local e manter vivo o territorio.
• Impulsar a preferencia polos produtos galegos na restauración colectiva e nas compras da administración pública.
4. Fortalecemento do sector
• Apostar pola valorización dos produtos galegos, como a carne de vacún, reforzando selos de calidade recoñecidos como a IXP Ternera Galega.
• Apoiar a diversificación e modernización das explotacións, garantindo a súa competitividade e sustentabilidade a longo prazo.
José Luis Calo subliña que “non se pode seguir sacrificando o sector primario galego en nome de acordos comerciais que benefician a terceiros países mentres se abandona a quen sostén o rural e a soberanía alimentaria”.
UCIN Galicia afirma que continuará defendendo con firmeza o campo galego e esixindo responsabilidades políticas “alí onde hoxe só hai silencio e deixación de funcións”.
A organización, a cargo da Asociación R.C.M. Amigos de Monte Castelo, abrirá a venda de parcelas os días 21 e 22, en horario de 18:30 a 20:30, primeiro para confirmar as reservas do ano anterior e despois para repartir as libres. O venres terá lugar a misa na igrexa de Vila do Medio ás 20:00 e, xa pola noite, a actuación do grupo Pekados e o DJ Balbi. O sábado comezará coa sesión vermú a cargo de SP The Sound Project, seguida do concurso de disfraces, xogos infantís, tardeo con DJ Pepu, bingo musical con Marisa Prisa e unha verbena con Pantera Rosa e Gin Toni’s. O domingo celebrarase a misa e procesión en honra á Nosa Señora das Marabillas ás 13:00, e a sesión vermú correrá a cargo do dúo Épok. A romaría conta coa colaboración do Concello de Burela, ABSA e Ledicia, ademais de numerosos establecementos locais.
As familias, o equipo docente, e o alumnado da Escola Infantil Municipal desfrutaron esta semana dunha xornada de convivencia e aprendizaxe neste parque. Ao longo do día, ademais de visitar a reserva e coñecer de preto numerosas especies animais, compartiron un agradable picnic nas instalacións do parque e tiveron acceso tanto á zona exclusiva da reserva como ao resto do recinto. A xornada rematou cunha actividade moi especial: un pequeno teatro participativo sobre a prevención dos incendios forestais, no que os nenos e nenas aprenderon a importancia de coidar os nosos montes e de evitar condutas que poidan provocar lumes, como abandonar obxectos de vidro na natureza. Un día cheo de experiencias, convivencia e aprendizaxes que reforzan o compromiso coa educación ambiental desde as primeiras idades.
A eucaristía, un dos actos centrais das festas patronais de Foz, continuou coa tradicional procesión e coa ofrenda floral en memoria das persoas falecidas no mar. A mandataria provincial formou parte da comitiva xunto a numerosos veciños e veciñas, visitantes, membros da corporación municipal e a pregoeira desta edición, María Nelle Castro Neira, focense moi vinculada ás festas desde a infancia.
Trátase dunha mostra de 28 fotografías de gran formato do naturalista Ezequiel Martínez que reivindica a diversidade e a conservación da fauna salvaxe. A iniciativa, organizada polo Concello da Pastoriza en colaboración con ABANCA e Afundación dentro do proxecto Corrente cultural, poderá visitarse de balde ata o 26 de agosto. As imaxes, acompañadas de textos divulgativos elaborados por especialistas de Naturnova, amosan especies emblemáticas como o oso pardo, a cegoña, o cervo ou a aguia imperial, convidando a reflexionar sobre a importancia de protexer o patrimonio natural.
Villares gabou o traballo realizado e subliñou que “a implicación do tecido social e dos veciños e veciñas é clave para transmitir as tradicións que forman parte da nosa identidade e reforzar os vínculos da comunidade”. Na xornada principal deste xoves destacou a ofrenda floral na honra dos mariñeiros falecidos. O venres e o sábado celebraranse o Festival Folklórico Internacional e o Festival Folklórico Infantil respectivamente, organizados polo Grupo Mistura.
O Concello de Ribadeo atende así a petición realizada pola Asociación Provincial de Empresarios de Hostelería e Turismo de Lugo, que solicitou permisividade neste sentido aos 67 Concellos da provincia de Lugo. Ademais o Concello autorizou a instalación dunha pantalla na praza de Porcillán. A petición foi realizada pola Asociación Cultural Festas do Carme.
Nesta ocasión contará, ademais de cos anfitrións A Subela, como grupo convidado ao Grupo Folclórico e Etnográfico do Cimeiro, procedente de Soure, en Portugal, que participa dentro dun intercambio cultural. A organización destaca que será unha edición especialmente significativa e anima ao público a non perdela. Terá lugar o 18 de xullo, ás 21:00 horas, na Praza Conde de Fontao, de Foz.
